1 Korintus 10:12 - Kaili Ledo

¹² Jadi isema-sema nompekiri narosomo pomparasayana bo ledo mamala rapesori, pakabelo-belo! Nee sampe ia muni manavu riara dosa!

1 Korintus 10:12 Referans Kwoze

Roma 11:20

Haitu nakana mami, tapi toramo, ira nipoara sabana ira ledo nomparasaya, bo komiu nitarima sabana komiu nomparasaya. Jadi nee malanga raramiu, agina komiu maeka!

2 Petrus 3:17

Jadi sampesuvu-sampesuvu nipotoveku, nisanimiu mamimo kana maria tona mombatenggoaka tesa nu Alatala. Haitu sampe komiu kana mainga ala komiu ledo rakeni nu guru-guru mpodava mangoseaka pepatuduki nasala sampe domo maroso pomparasayamiu.

1 Korintus 8:2

Isema-sema nompekiri nadeamo nisanina, kakanana dopa nisanina mpuu anu masipato rasanina.

Lukas 8:18

Jadi pariara pakabelo-belo Tesa nu Alatala niepemiu, sabana isema-sema mantarima bo mangoseaka Tesa haitu kana ratambaika pangisanina Tesa haitu. Tapi isema-sema ledo ratarimana bo ledo raoseakana Tesa nu Alatala, pangisani sakide naria nte ia ralelakasi lako nte ia.”

Kolose 2:8

Komiu kana mainga, nee sampe komiu rabagiu ntona ante pepatuduki ledo nakana bo ledo ntoto noguna. Apa pepatuduki haitu aga nangoseaka pekiri nu manusia, bo nopuna lako ri malaeka-malaeka nadaa anu nombakuasai dunia. Pepatuduki haitu ledo nopuna lako nte i Kristus.