1 Korintus 1:9 - Kaili Ledo

⁹ Alatala namala raparasaya mompakadupa pojanjiNa ka kita. Bo Iamo nompokio komiu majadi nosangu rara ante AnaNa Yesus Kristus, Tuputa.

1 Korintus 1:9 Referans Kwoze

2 Tesalonika 3:3

Petulungi i Pue Yesus ledo maupu-upu! Ia bate-batena mompakaroso raramiu bo mombajagai komiu lako ri kuasa Magau Seta.

Ibrani 10:23

Kita kana bate-batena manjarumaka i Yesus, kita nangaku Iamo Tuputa. Nee molengga-lengga apa nisanita Alatala namala raparasaya mompakadupa pojanjiNa.

1 Yohanes 1:3

Anu nikita kami bo anu niepe kami, haitu munimo rapatolele kami ka komiu ala komiu mosangu rara nte kami. Bo kita pura mamala matuvu mosangu rara ante Tuamata Alatala bo AnaNa i Yesus Kristus.

1 Korintus 10:13

Pura-pura pesori anu nambela komiu nasimbayu ante pesori-pesori anu nipambela ka pura-pura manusia. Tapi Alatala namala raparasaya mantulungi komiu. Ledo rapalambaNa komiu rapesori ante pesori anu melabi lako ri pompakulemiu. Tempo komiu rapesori, Ia mompopaisani dala ka komiu ala komiu maroso bo maroo raramiu mombatidamaka riara pesori haitu.

Roma 8:28

Bara nuapa-nuapa majadi, nisanita Alatala nompasiayuna ala manggeni belo ka kita topompotove Ia, haitumo kita anu nipokioNa majadi todeaNa nangoseaka niaNa mboto.

Pompakita 19:11

Naupu haitu nikitaku suruga natebuka. Riara suruga nikitaku sangu jara bula. Topesavi jara haitu nosanga “Tona Natutu bo Nanoa.” Ia Topotangara bo Topeeva nanoa.

1 Yohanes 1:7

Tapi ane kita natuvu riara reme nasimbayu mpo Alatala naria riara nu reme, kita natuvu nosangu rara nte roa, bo Alatala mombalelaka pura-pura dosata sabana raa nu AnaNa i Yesus anu namate ala dosata mamala raampungi.

2 Korintus 1:18

Tapi ledo ivesia, sampesuvu-sampesuvu. Alatala namala raparasaya bo nisaniNa tesa kami ka komiu namala muni raparasaya. Ledo nebalingoya kami, ledo sanggani “Iyo” bo sanggani, “Ledo.”

1 Petrus 5:10

Komiu kana mombarasai susa, tapi ledo masae. Maliu haitu Alatala mboto mompakagana nuapa-nuapa nakura nte komiu. Ia mompakaroo raramiu sampe ledo maria tona ntanina mamala mompopolengga atau mompopoura pomparasayamiu. Alatala mpuu-mpuu mompakaroso komiu apa nabelo mpuu raraNa bo Iamo nompokio komiu manggava bagia ri kuasaNa bo kaogeNa sampe ri kasae-saena sabana komiu nosangu rara ante i Kristus.

1 Yohanes 4:13

Alatala nombadekei Nosa GasaNa ka kita. Sia sampe nisanita kita natuvu nosangu rara ante Alatala bo Ia natuvu riara ntaita.

Ibrani 11:11

Lako ri pomparasaya i Abraham bo i Sara, ira nanggava kuasa nomuli, naupa i Abraham natuamo bo i Sara nagampa. Haitu najadi sabana nisani i Abraham Alatala namala raparasaya mompakadupa pojanjiNa.

Roma 9:24

Bo kitamo hii anu nipasadiaNa manggava belo haitu. Sanu kita nipokioNa lako nte toYahudi bo sanu nipokioNa lako nte tona ledo toYahudi.

Roma 8:30

Bo kita anu nipakatantuNa lako ri lamba pamulana haitu, nipokioNa majadi todeaNa. Bo kita anu nipokioNa majadi todeaNa, nirekeNa nanoa ri panggitaNa. Bo kita anu nirekeNa nanoa, radekeiNa bagia ri kakuasaNa bo kaogeNa mboto.

Galatia 2:20

Jadi namala rauli ivei: nau yaku natuvu, domo aga yaku saitoku natuvu, tapi i Kristus natuvu riara nggatuvuku. Bo ri katuvuku ri dunia hitu, yaku natuvu mpuu-mpuu nomparasaya Ana nu Alatala anu nompotove yaku bo nombadekei karoNa rapatesi manjambei yaku.

Ibrani 3:14

Apa kita manggava bagia lako ri pura-pura anu naria nte i Kristus asaa anu niparasayata lako ri pamulana bate-batena raparasayata sampe ri kaupuna bo ledo molengga-lengga.

2 Tesalonika 2:14

Alatala nompokio komiu majadi todeaNa lako ri Kareba Belo anu nipatolele kami ka komiu. PatujuNa ala komiu manggava bagia riara kuasa bo kaoge nTuputa Yesus Kristus.

Yohanes 17:21

Tata, Kuperapi ala ira pura-pura mosangu rara nasimbayu mpo Yaku nosangu rara nte Komiu bo Komiu nosangu rara nte Yaku. Kuperapi ala ira muni mosangu rara nte Kita ala pura-pura manusia momparasaya Komiumo anu nantudu Yaku hitu.

Titus 1:2

Haitu nipoviaku ala ira mamala manjarumaka matuvu nte Alatala sampe ri kasae-saena. Dopame dunia hitu nipajadi nu Alatala, nijanjiNa todeaNa matuvu sampe ri kasae-saena. Alatala ledo nodava bo pojanjiNa namala raparasayata.

Efesus 3:6

Iveimo nia nipopaisaniNa: tona ledo toYahudi mantarima belo lako nte Alatala mosanggani-nggani ante toYahudi. Bo tona ledo toYahudi mosanggani-nggani nte toYahudi majadi sipa-sipa ri sangu karo, haitumo karo i Kristus. Bo ratarimara munimo pura-pura anu nijanji nu Alatala ka tona nosangu rara nte i Yesus Kristus. Pura-pura haitu ratarimara sabana niparasayara Kareba Belo.

Ibrani 6:18

Pojanji bo posumpaNa haitu ledo mabali. Alatala ledo ntoto nodava. PatujuNa nojanji ivesia ala kita anu nekisaliku nte Ia maroso rarata sampe kita maroo manjarumaka anu nijanjiNa haitu.

Ibrani 3:1

Jadi, sampesuvu-sampesuvuku anu nipelisi nu Alatala bo nipokioNa matuvu mabelo ri suruga. Pekirimo pakabelo-belo i Yesus hitu. Ia nisuro nu Alatala najadi Pakeni nTopanggeni Pesomba ri agama nioseakata.

Ibrani 2:17

Haitu sampe Ia kana najadi nasimbayu ntoto ante kita sampesuvu-sampesuvuNa. Ane Ia nasimbayu ntoto nte kita, Ia namala majadi Pakeni nTopanggeni Pesomba anu naasi mataNa nanggita todeaNa bo natutu nombatui pokarajaa nidekei nu Alatala ka Ia, sampe dosa manusia namala nisompo.

2 Timotius 1:9

Alatala nompakasalama kita bo nompokio kita majadi todeaNa nagasa. Kita nipakasalama ledo sabana pompasimbukuta mboto, tapi sabana nia nu Alatala bo pepotoveNa. Ri lamba pamulana dopame dunia nipajadi, Alatala nonia mamimo mompopakita pepotoveNa ante anu rapovia i Yesus Kristus.

Matius 24:35

Langi bo tana malipo, tapi tesaKu bate-batena sampe ri kasae-saena.”

Galatia 1:15

Tapi dopame yaku nipoanaka, Alatala nompelisi yaku bo nompokio yaku majadi suroNa lako ri kabelo nu raraNa.

1 Korintus 10:16

Tempo kita nanginu uve anggur nantora raa i Kristus natiti ri kayu salib, niulita tarima kasi ka Alatala bo nanginu sanggani-nggani. Haitu tandana kita todea i Kristus anu nitolosiNa ante raaNa. Bo tempo kita notubi-tubi roti bo nangande nosanggani-nggani nantora kamate i Kristus, haitu tandana kita bagia nu karo i Kristus.

1 Korintus 1:30

Lako nte Alatala sampe kita najadi nosangu rara ante i Yesus Kristus. Bo lako nte i Kristus sampe nisanita kapande nu Alatala. Ia nompoposinggabelo kita ante Alatala sampe kita najadi todea nagasa nipatani ka Alatala. Bo Iamo nombakabasaka kita lako ri pura-pura anu nadaa.

Roma 11:17

ToYahudi namala nirapaka kayu zaitun nipiara nu Alatala. Bo sanu tingguna nikotosi nu Alatala. Komiu tona ledo toYahudi anu nomparasaya i Yesus, nirapaka tinggu-tinggu lako ri kayu zaitun anu ledo nipiara. Tinggu-tinggu haitu niala nu Alatala bo nipatakaNa ri bela ntinggu nikotoNa pangane ala tinggu-tinggu nabaru haitu matuvu bo movua lako ri kayu nipiaraNa. Ivesiamo komiu nantarima belo lako nte Alatala, nasimbayu mpo belo nitarima ntoYahudi nggaulu.

Kolose 1:24

Sampesuvu-sampesuvu, sii-sii nadamba raraku nombarasai susa bo pari nikavaku sabana yaku nokarajaa nantulungi komiu. Apa yaku nombadupai ri karoku susa bo pari nipakatantu i Kristus kana kurasai. Bo susa bo pari nirasaiku nanggeni belo ka todea topomparasaya. Pura-pura kita topomparasaya nirapaka karo i Kristus.

2 Timotius 2:13

Nau kita ledo natutu nomparasaya Ia Ia bate-batena namala raparasaya, sabana anu niuliNa kana rapakadupaNa mpuu.”