तीतुस 2:14 - बुक्सा

¹⁴ जिसनै अपने आपकै हमरे ताँई दे दओ कै हमकै हर तरै की बुराई सै छुटाले, और सुद्‍द करकै अपने ताँई खुद ऐंसी परजा बना ले जो भले कामौ मै तईयार हो।

तीतुस 2:14 Referans Kwoze

इबरानिओ 9:14

मसी को खून भौत कुछ कर सकै है, मसी तौ हमेसा की आत्‍मा के दुआरा हमरे परमेसर के सामने निरदोस चढ़ाबो करकै खुद कै चढ़ाओ, तब तौ बाको खून जरूर मौत की ओर लेजानै बारे कामौ सै हमरे मन कै सुद्‍द करैगो, जिस्सै हम जिन्‍दे परमेसर की सेवा करैं।

इफिसिऔ 2:10

कैसेकै हम परमेसर की कलाकारी हैं, और हमकै ईसु मसी मै भले काम कन्‍नै के ताँई बनाओ गओ है जिसकी योजना परमेसर नै हमरे ताँई पैलेई बनार खाई ही।

1 पतरस 2:9

पर तुम एक चुनो भओ बंस, राज कन्‍नै बारे बड़े पुजारी को समाज, पबित्‍तर लोग, और परमेसर के अपने लोग हौ। इसताँई तुम परमेसर की अच्‍छाई के बारे मै बोलौ, जिसनै तुमकै इन्धेरे सै अपनी एक अनौखी जोती मै बुलाओ है।

1 पतरस 1:18

कैसेकै तुम जानौ हौ, कै जो बेकार की जिन्‍दगी तुमरे बापदादौं सै मिली है बासै तुमकै छुटकारो मिलो है और जौ छुटकारो सौने या चाँदी जैसी चीजौ सै ना मिलो है जो नास हो जावै है।

तीतुस 3:8

जौ बात सच है, और मैं चाँहौ हौं कै, तू इन बातौं के बारे मै हिम्मत सै बोलै, इसताँई कै जिनौनै परमेसर मै बिसवास करो है, बे भले भले कामौ मै लगे रैहनै को धियान रक्‍खैं। जे बात भली और आदमिऔ के काम की हैं।

परकासन 5:9

बे जौ नओ गीत गाल लगे, “तू इस किताब कै लैनै और इसकी मौहर खोलनै के लायक है, कैसेकै तैनै बलि होकै अपने खून सै हर एक गोत और भासा और लोग और जाति मै सै परमेसर के ताँई लोग मोल लए हैं।

गलातिऔ 3:13

मसी नै हमरे सराप कै अपने ऊपर लेकै नियम के सराप सै हमकै आजाद करो है। कैसेकै पबित्‍तर सास्तर मै जौ लिखो है कै, “जिसकै कुरूस मै लटका कै मारो बौ सरापित है।”

1 पतरस 1:22

अब देखौ जब तुमनै सच्‍चाई की बातौं कै मानो है और अपनी आत्‍मा कै पबित्‍तर करो है तौ तुम सच्‍चे दिल सै एक दूसरे सै पियार रक्‍खौ, और आनै बारे बखत मै बी पूरे दिल सै पियार करौ।

चेलौ के काम 9:36

याफा मै तबीता नाम की एक बिसवासी बईयर रैहबै ही। तबीता कै यूनानी मै दोरकास कैबै हैं जिसको मतलब “हिरन” है। बौ भले काम करै ही और गरीबौ कै दान देवै ही।

परकासन 1:5

ईसु मसी की ओर सै जो बिसवासजोग गभाई, मरे भएऔं मै सै पैलो जी उठनै बारो और धरती के राजाऔं को राजा है, तुमकै किरपा और सान्‍ति मिलती रैह। बौ जो हम सै पियार रक्‍खै है, और बानै अपने खून के दुआरा हमरे पापौं सै हमकै छुड़ाओ है।

मत्‍ती 20:28

कैसेकै आदमी को लौंड़ा बी अपनी सेवा करानै ना पर सेवा कन्‍नै और भौतौं की मुक्‍ति के ताँई अपने पिरान दैनै आओ है।”

1 यहून्‍ना 3:2

मेरे पियारे भईयौ, अब हम परमेसर की औलाद हैं, मगर जौ अबी तक परकट ना भओ है कै हम का बनंगे। हम इतनो जानै हैं कै जब परमेसर को लौंड़ा परकट होगो, तौ हम बाके जैसेई हो जांगे, कैसेकै हम बाकै बैसेई देखंगे जैसो बौ है।

1 पतरस 3:18

कैसेकै मसी हमरे पापौं के ताँई एकई बार मरो, मतलब की बौ निरदोस हो और अधरमी लोगौ की जघै मै एक धरमी मरो कै हमकै परमेसर के धौंरे ले जाय, पर सरीर सै बौ तौ मारो गओ हो लेकन परमेसर नै बाकै आत्‍मा मै जिन्‍दो करो हो।

1 पतरस 2:12

जो लोग बिसवासी ना हैं उनके बीच मै तुमरो चाल-चलन अच्‍छो रैह, चाँहे बे तुमरे ऊपर गलत काम कन्‍नै को इलजाम बी लगाऐ पर तुमरे भले कामौ कै देक्‍कै नियाय के दिन बे परमेसर की महिमा करैं।

गलातिऔ 1:4

ईसु मसी नै हमरे पापौं के ताँई अपनी जान तक दे दई जिस्सै कै हम जा बुरे युग मै रैह रए हैं, बासै छुटकारो पा सकैं और हमरे पिता परमेसर की इच्‍छा जौई है।

यहून्‍ना 10:15

बैसेई जैसे अब्बा मैंकै जानै है और मैं अब्बा कै जानौ हौं, और मैं भेड़ौ के ताँई अपनी जान देवौ हौं।

इबरानिओ 10:24

आऔ हम सोचैं कै पियार और अच्‍छे काम कन्‍नै के ताँई एक दूसरे को हौसला कैसे बढ़ाऐ।

तीतुस 2:7

सब बातौं मै अपने आपकै भले कामौ को नमूना बना। तेरे उपदेस मै सपाई, गम्‍भीरता,

1 तीमुथियुस 6:18

जाऔ उनकै हुकम दो कै बे भलाई करैं और भलाई के काम मै सेट बनै, और दान दैनै बारे और सायता कन्‍नै मै अग्गे आँय।

इफिसिऔ 5:2

पियार के संग जिऔ, ठीक बैसेई जिस तरै सै मसी नै तुमसै पियार करो और हमरे पापौं के ताँई एक अच्‍छी खसबोई बारी भेंट बनकै परमेसर के सामने खुद कै बलि के ताँई दे दओ।

याकूब 4:8

परमेसर के धौंरे आऔ, तौ बौ बी तुमरे धौंरे आगो; अरे पापिऔं, अपने हात सुद्‍द करौ; और हे दो मन बारे लोगौं अपने आपकै पबित्‍तर रक्‍खौ।

1 तीमुथियुस 2:10

पर जो बईयरैं परमेसर के बचन की रस्ता मै चलै हैं। उनके ताँई जौ है कै बे भले कामौ सै अपने आपकै सजाऐं।

1 तीमुथियुस 2:6

बानै सबई लोगौ के बदले खुद कै दे दओ कै सिगरे लोग बच सकैं, जिस्सै कै बाकी गभाई सई बखत मै दई जाय।

1 तीमुथियुस 1:15

जौ बात सच्‍ची है और हर तरै सै बिसवास के लायक है कै ईसु मसी जा दुनिया मै पापी लोगौ कै बचानै के ताँई आओ, और उन पापी लोगौ मै सबई सै बड़ो पापी मैं हौं।

चेलौ के काम 15:14

समौन नै बताई ही कै परमेसर नै सुरू सैई गैर यहूदी लोगौ कै अपने नाम के ताँई छाँटकै उनके ऊपर पियार दिखाओ।

चेलौ के काम 15:9

और परमेसर नै उनके बिसवास के दुआरा उनके मनौ कै सुद्‍द करो और हम्मै और उनके बीच मै कोई फरक ना रक्‍खो।

यहून्‍ना 6:51

बौ जिन्‍दगी की रोटी मैं हौं, जो सुरग सै आवै है। अगर कोई जा रोटी मै सै खाऐ तौ बौ हमेसा जिन्‍दो रैहगो, और जो रोटी मैं दुनिया कै जिन्‍दगी के ताँई दंगो बौ मेरो मांस है।”

मत्‍ती 3:12

उसको सूपो उसके हात मै है, और बौ अपनो खलियान अच्‍छी तरै सै साप करैगो, और अपने गैहूं कै फटक कै कुठिया मै इखट्‍टो करैगो, पर भुसा कै उस आग मै जरागो जो बुतनै की ना है।”

मत्‍ती 1:21

बौ एक लौंड़ा कै जलम देगी और तू बाको नाम ईसु रखिए कैसेकै बौ अपने लोगौं को उनके पापौं सै छुटकारो करैगो।”

चेलौ के काम 20:28

इसताँई तुम अपनी और अपने लोगौ की देखभाल करौ, जिसके ताँई तुमकै पबित्‍तर आत्‍मा नै चुनो है, कैसेकै तुम बिसवासिऔ की मंडली के लोगौ के ताँई ऐंसे हौ जैसे गड़रिया भेड़ौ के झुन्ड के ताँई है। जिसकै परमेसर नै अपने लौंड़ा को खून देकै मोल लओ है।

इफिसिऔ 1:11

सबई कुछ अपने मकसद और इच्‍छा के अनुसार काम कन्‍नै बारे परमेसर नै पैलेई तय करो और अपनी योजना के अनुसार मसी मै हमकै बाको लौंड़ा होनै के ताँई छाँटो है।

इबरानिओ 1:3

बौ परमेसर की बड़ाई की चमक है और बाको पूरो सौभाब बाईके हाँई है और बौ अपने बचन की सकति सै सिगरी चीजौ कै सई सै समारै है और बौ पापौं कै धोकै सुरग मै महान परमेसर के खाने हात बैठ गओ है।

1 यहून्‍ना 1:7

पर अगर जैसे बौ खुद जोती मै है, बैसेई हम बी जोती मै चलैं, तौ एक दूसरे के संग हमरो अच्‍छो मेल-जोल होगो और परमेसर को लौंड़ा ईसु को खून हमकै सबई पापौं सै सुद्‍द कर देवै है।

1 यहून्‍ना 1:9

हम अगर अपने पापौं कै मान लेबै हैं, तौ बौ हमरे पापौं कै माफ कन्‍नै, और हमकै सब अधरम के कामौ सै सुद्‍द कन्‍नै मै बिसवासजोग और धरमी है।