तीतुस 2:11 - बुक्सा

¹¹ कैसेकै परमेसर की किरपा सब आदमिऔ के मुक्‍ति के ताँई परकट भई है।

तीतुस 2:11 Referans Kwoze

1 तीमुथियुस 2:4

परमेसर ऐंसो चाँहै है कै सिगरे लोग बच जाँय और बे सच्‍चाई कै अच्‍छे सै जानै।

इफिसिऔ 2:8

कैसेकै परमेसर की किरपा के दुआरा बिसवास की बजै सैई तुमकै मुक्‍ति मिली है जौ तुमकै खुद की बजै सै ना मिलो है बलकन जौ तौ परमेसर को बरदान है।

इबरानिओ 2:9

पर हम बा ईसु कै देखै हैं जिसकै कुछ घड़ी के ताँई सुरगदूतौं सै नीचे कर दओ हो, जिस्सै कै बौ परमेसर की दया सै सबई जनी के ताँई मौत कै महसूस करै। बाके मरनै को दुख झेलनै की बजै सै बड़ाई और इज्‍जत को मुकट पैहरे भए देखै हैं।

इफिसिऔ 2:5

जब हम अपने अपरादौं की बजै सै मरे भए हे, फिर बी बानै हमकै मसी के संग फिर सै जिन्‍दो करो। परमेसर की किरपा होनै सैई तुमकै मुक्‍ति मिली है।

2 थिसलुनीकियौ 2:16

हमरो परभु ईसु मसी खुदई और हमरो पिता परमेसर जिसनै हम सै पियार करो है और अपने किरपा सै हमेसा की हिम्मत और अच्‍छी आस दई है,

रोमियो 5:15

पर परमेसर को बरदान आदम की गलती के जैसो ना हो। कैसेकै जब एक आदमी की गलती के बजै सै भौस्से मर गए, तब उस्सै बी जादा परमेसर के किरपा और ईसु मसी के किरपा को बरदान भौतौं कै मिलो है।

यहून्‍ना 1:14

और बचन आदमी बनकै हमरे बीच मै रैहओ, और बौ किरपा और सच्‍चाई सै भरो भओ हो और हमनै उसकी ऐंसी महिमा देखी जैसी अब्बा के इकलौते लौंड़ा की महिमा।

चेलौ के काम 11:23

बानै बहाँ पौंच कै परमेसर की किरपा कै लोगौ के बीच मै देखो और बेसानी खुस भओ और बानै सबई जनी कै जौ बात सिकाई कै पूरे दिल सै परभु के बिसवास मै बने रौह।

चेलौ के काम 20:24

पर मेरे नजरौ मै मेरी जान की कोई कीमत ना है, कैसेकै मैं अपनी दौड़ पूरी कन्‍नै की सोचौ हौं और परमेसर के किरपा की अच्‍छी खबर कै सुनानै के काम कै पूरो कन्‍नो चाँहौ हौं जिसके ताँई मैंकै परभु नै चुनो है।

लूका 3:6

और हर आदमी परमेसर की मुक्‍ति के काम कै देखंगे।”

1 तीमुथियुस 1:14

और परभु की दया मैंकै पूरी तरै सै मिली है, और बाके संग-संग बौ बिसवास और पियार बी मिलै है जो मसी ईसु मै है।

रोमियो 5:2

मसी नै हमरे ताँई उस किरपा को दरबाजो खोलो है जिसमै हम अबी खड़े हैं, जो बिसवास के कारन हमकै मिलो है। और परमेसर की महिमा की उमीद मै हम घमंड करैं हैं।

कुलुसिऔं 1:6

जैसी अच्‍छी खबर तुमरे धौंरे आई बैसीई सिगरी दुनिया मै आई। बौ अच्‍छी खबर सैरी दुनिया मै फल रई है और बढ़ रई है बैसेई जिस दिन सै तुमनै अच्‍छी खबर सुनी और सच्‍चाई सै परमेसर की किरपा कै जान लओ बा दिन सै अच्‍छी खबर तुमरे भीतर फल रई है और बढ़ रई है।

गलातिऔ 2:21

अगर नियम के दुआरा धरमी बनो जातो, तौ मसी को मरनो बेकार होतो। मैं परमेसर के किरपा कै बेकार ना करौ हौं।”

2 कुरन्‍थियों 6:1

हम परमेसर के संग मिलकै काम कन्‍नै बारे साती हैं। इसताँई हम तुमसै बिनती करै हैं कै तुम परमेसर के किरपा कै बेकार ना जान दो।

चेलौ के काम 13:47

कैसेकै परभु नै हमकै जौ हुकम देर खाओ है कै, ‘मैंनै तुमकै गैर यहूदी लोगौ के ताँई जोती ठैराओ है, जिस्सै कै मुक्‍ति की अच्‍छी खबर धरती के कौने कौने मै फैलै।’”

चेलौ के काम 13:43

और जब संगत की बैठक खतम हो गई तबई भौस्से यहूदी और यहूदी धरम माननै बारे बड़े लोग पौलुस और बरनबास के पिच्‍छे आए, और तबई उन्‍नै उनके संग बात करकै समजाओ कै परमेसर के किरपा मै बने रौह।

यहून्‍ना 1:9

बचन बौ सच्‍ची जोती हो जो सब आदमिऔ कै उज्‍जेरो देवै है, बौ दुनिया मै आ रओ हो।

लूका 24:47

और ऐरूसलेम सैहर सै लेकै सैरी दुनिया के लोगौं मै मन फिरानै को और पापौं की माफी को सन्देस, बाईके नाम सै करो जागो।

मरकुस 16:15

फिर उसनै उनसै कैई, “जाऔ और सैरी दुनिया के कौने कौने मै जाकै लोगौ कै अच्‍छी खबर को परचार करौ।

मत्‍ती 28:19

इसताँई तुम जाकै सब जातिऔं के लोगौ कै चेला बनाऔ और उनकै अब्बा और पुत्‍तर और पबित्‍तर आत्‍मा के नाम सै जल संस्कार दो।

इबरानिओ 12:15

धियान सै रैहईओ ऐंसो ना होए कै कोई बी परमेसर की किरपा सै छुट जाय, और कोई करई जड़ फटकै तुमरे ताँई मुसीबत लाय और जिसकी बजै सै भौस्से लोग अपबित्‍तर हो जावै हैं।

2 तीमुथियुस 4:17

पर परभु मेरे संग हो और बानै मैंकै हिम्मत दई और मैंकै जौ मौको दओ कै मैं बिना डरे जा पूरी खबर कै गैर यहूदी लोगौ कै सुना सकौं और तैनै मैंकै मौत के मौह सै बी बचाओ है।

कुलुसिऔं 1:23

जौ जबई हो सकै है जब तुम बिसवास मै पक्‍के और मजबूत रौह और जो अच्‍छी खबर तुमनै सुनी है बाकी आस ना छोड़ौ, जिसको परचार सिगरी दुनिया मै करो गओ और जिसको मैं पौलुस सेवक बी हौं।

रोमियो 10:18

मगर अब मैं पूँछौ हौं, “का उनौनै हमरी अच्‍छी खबर कै ना सुनो हो?” हाँ सुनो हो, कैसेकै पबित्‍तर सास्तर मै लिखो है, “उनकी अबाज सिगरी धरती मै फैल गई, और उनके बचन दुनिया के एक ओर सै दूसरी ओर तक पौंच गए।”

चेलौ के काम 17:30

अब तक परमेसर नै उनसै उनको लेखो ना लेओ पर अब तुमरे ताँई बाको जौ हुकम है कै तुम अपने पापौं सै मन फिराऔ।

2 तीमुथियुस 1:10

पर अब हमरे मुक्‍ति दैनै बारे ईसु मसी के परकट होनै के दुआरा जौ बात सामने आई है कै बानै मौत को नास कर दओ है, और अच्‍छी खबर सै जिन्‍दगी कै और जो जिन्‍दगी कबी खतम ना होवै है, बाकी उमीद दिखाई है।