तीतुस 1:7 - बुक्सा

⁷ कैसेकै अगुबा कै परमेसर को काम सौंपो गओ है, इस बजै सै उसकै निरदोस होनो चँईऐ, ना हटी, ना घुस्सा कन्‍नै बारो, ना पियक्‍कड़, ना मारपीट कन्‍नै बारो, और ना नीच कमाई को लालची हो,

तीतुस 1:7 Referans Kwoze

2 पतरस 2:10

खास करकै ऐंसे लोग जो बुरी इच्‍छाऔं के संग सरीर कै लेकै चलै हैं और बड़े अधकारिऔं कै बेकार समजै हैं; बे घमंडी और जिद्‍दी हैं और महिमा मै रैहनै बारौ कै बुरो भलो कैनै सै पिच्‍छे बी ना हटैं हैं।

इफिसिऔ 5:18

और सराप पीकै नसेड़ी मत बनौ, कैसेकै इस्सै लुच्‍चे काम की इच्‍छा जगै है। बलकन तुम पबित्‍तर आत्‍मा सै भरते जाऔ।

1 पतरस 5:2

जो तुमरे बीच मै परमेसर के लोग हैं उनकी रखबारी करौ; पर जौ दबाब सै ना और नाई बुरी कमाई के ताँई बलकन जौ परमेसर की इच्‍छा सै और अपनी खुसी सै करौ।

1 पतरस 4:10

परमेसर की ओर सै जिसकै जो खास बरदान मिलो है, बाकै एक अच्‍छे भन्डारी के हाँई, एक दूसरे की सेवा के काम के ताँई लगाऐ।

लूका 12:42

परभु ईसु नै कैई, “बौ ईमानदार और अकलमंद भन्डारी कौन है? जिसको मालिक उसकै नौकरौ-चाकरौं के ऊपर अधकारी बनाऐ जिस्सै बौ सई टैम मै उनकै खानै के ताँई रासन पानी दे।

तीतुस 2:3

इसई तरै बुड्‍ढी बईयरौं को चाल-चलन पबित्‍तर लोगौं जैसो हो, बे चुगली कन्‍नै बारी और पियक्‍कड़ ना हौं, पर अच्‍छी बात सिकानै बारी हौं

तीतुस 1:5

मैं इसताँई तेकै करेत सैहर मै छोड़ आओ हो, कै तू बाकी बची भई बातौं कै सुदारै और मेरी आगियाँ के अनुसार हर सैहर मै बिसवासिऔ की मंडली के ताँई मुखियौं कै चुनकै खड़ो करै।

फिलिप्‍पीऔ 1:1

जौ चिट्‌ठी मसी ईसु की सेवा कन्‍नै बारे पौलुस और तीमुथियुस की ओर सै, फिलिप्‍पी मै रैहनै बारे मसी ईसु के सिगरे बिसवासी लोगौ कै और मुखियौं कै, और सेवकौ कै,

मत्‍ती 24:45

“ऐंसो ईमानदार और समजदार नौकर कौन है, जिसके मालिक नै नौकरौ के ऊपर बौ अधकारी बनाओ, जिस्सै बौ ठीक टैम मै उनकै रोटी दे?