तीतुस 1:3 - बुक्सा

³ पर ठीक टैम मै अपनो बचन उस परचार के दुआरा परकट करो, जो हमरे मुक्‍तिदाता परमेसर की आगियाँ के अनुसार मैंकै सौंपो गओ है।

तीतुस 1:3 Referans Kwoze

1 तीमुथियुस 1:11

जौ सिक्‍छा धन्‍न परमेसर की बा महिमा के ताँई उस अच्‍छी खबर के हिसाब सै है, जो मैंकै सौंपी गई है।

1 तीमुथियुस 1:1

जौ चिट्‌ठी पौलुस की ओर सै तीमुथियुस के ताँई है, जो बिसवास मै मेरो सच्‍चो बालक है। मैंकै ईसु मसी को भेजो भओ चेला बन्‍नै को हुकम, हमकै मुक्‍ति दैनै बारे परमेसर की ओर सै और परभु ईसु मसी की ओर सै मिलो है, जिसके ऊपर हम आस रक्‍खै हैं। हमरे परम पिता परमेसर और परभु ईसु मसी की ओर सै तुमकै आसीस, दया और सान्‍ति मिलै।

तीतुस 2:10

चोरी चालाँकी ना करैं, पर सब तरै सै पूरे बिसवासी लिकरैं कै बे सब बातौं मै हमरे मुक्‍तिदाता परमेसर के उपदेस की सोबा बढ़ाऐं।

तीतुस 2:13

और उस धन्‍न उमीद की मतलब अपने महान परमेसर और मुक्‍तिदाता ईसु मसी की महिमा के परकट होनै को पैंड़ो देखते रैंह।

1 तीमुथियुस 4:10

कैसेकै हम काम और मैहनत इसताँई करैं कै हमरो बिसवास बा जिन्‍दे परमेसर मै है, जो सबई लोगौ कै बचाबै है, और खास करकै उनकै जो बाके ऊपर बिसवास करै हैं।

1 तीमुथियुस 2:3

इसई तरै की पिराथना हमकै बचानै बारे परमेसर कै अच्‍छी लगै हैं और परसन्‍द बी हैं।

1 थिसलुनीकियौ 2:4

पर परमेसर नै हमकै अच्‍छी खबर कै सौंपनै के ताँई लायक समजो है। इसताँई हम लोगौ कै खुस कन्‍नै के ताँई ना पर हमरे दिल कै परखनै बारे परमेसर कै खुस कन्‍नै के ताँई सुनावै हैं।

कुलुसिऔं 1:23

जौ जबई हो सकै है जब तुम बिसवास मै पक्‍के और मजबूत रौह और जो अच्‍छी खबर तुमनै सुनी है बाकी आस ना छोड़ौ, जिसको परचार सिगरी दुनिया मै करो गओ और जिसको मैं पौलुस सेवक बी हौं।

कुलुसिऔं 1:6

जैसी अच्‍छी खबर तुमरे धौंरे आई बैसीई सिगरी दुनिया मै आई। बौ अच्‍छी खबर सैरी दुनिया मै फल रई है और बढ़ रई है बैसेई जिस दिन सै तुमनै अच्‍छी खबर सुनी और सच्‍चाई सै परमेसर की किरपा कै जान लओ बा दिन सै अच्‍छी खबर तुमरे भीतर फल रई है और बढ़ रई है।

इफिसिऔ 2:17

और बानै आकै तुमकै जो दूर हे, और जो धौंरे हे, दौनौ कै मेल-जोल की अच्‍छी खबर सुनाई।

गलातिऔ 4:4

पर जब सई बखत आओ, तौ परमेसर नै अपने लौंड़ा कै भेज दओ, जो एक बईयर सै नियम के आधीन होते भए जलमो।

1 कुरन्‍थियों 9:17

अगर मैं जौ काम खुद की मरजी सै करौ हौं, तौ डिहाड़ी मैंकै मिलै है, पर अगर मैं खुद की मरजी सै ना करौ हौं। तौबी बौ काम तौ मैंकैई सौंपो गओ है।

फिलिप्‍पीऔ 1:13

इस बजै सै रोमी राजा के महल के पैहरेदारौ और सबई लोगौ कै जौ पतो है कै मैं मसी के ताँई कैद मै हौं।

रोमियो 16:26

अनन्‍त परमेसर नै अब अपनी आगियाँ के दुआरा नबिऔ की किताबौ मै सैरी जातिऔं कै उस लुके भए राज कै परकट करो है जिस्सै कै बे सब बिसवास करैं और उसकै मानै।

रोमियो 15:19

सकतिसाली चिन्‍नौ, चमत्कारौं और पबित्‍तर आत्‍मा की सकति सै, मेरे दुआरा ऐरूसलेम सै लेकै इलुरिकुम तक मसी की अच्‍छी खबर को काम पूरो करो।

रोमियो 5:6

कैसेकै हम जब कमजोर हे, तौ सई टैम मै हम अधरमी लोगौं के ताँई मसी नै अपनी जान दई।

चेलौ के काम 17:26

बानै एकई आदमी सै दुनिया के सिगरे लोग पैदा करे, कै बे धरती मै बसैं, और बानै उनके ताँई बखत और जघै की हद ठैराई,

चेलौ के काम 10:36

जौ बौई बचन है जिसकै बानै ईसु मसी के दुआरा जो सबई को परभु है, सान्‍ति की अच्‍छी खबर देते भए ईसराइली लोगौ कै सुनाई ही।

लूका 1:47

और मेरी आत्‍मा मेरे मुक्‍ति कन्‍नै बारे परमेसर सै खुस भई।

मरकुस 16:15

फिर उसनै उनसै कैई, “जाऔ और सैरी दुनिया के कौने कौने मै जाकै लोगौ कै अच्‍छी खबर को परचार करौ।

मरकुस 13:10

पर जरूरी है कै पैले अच्‍छी खबर सबई जाति मै सुना दई जाय।

परकासन 14:16

और जो बादर मै बैठो हो, उसनै धरती मै अपनो दरांत चलाओ, और धरती की फसल काट लई।

इफिसिऔ 1:10

परमेसर की ठैराई भई योजना जौ ही कै जब सई बखत आगो तौ मसी मै सुरग की और धरती की सिगरी चीजौ कै इखट्‍टो करैगो।

मरकुस 1:15

और कैललगो, “बखत पूरो हो चुको है, परमेसर को राज धौंरे आ गओ है और गलत कामौ सै मन फिराऔ और अच्‍छी खबर मै बिसवास करौ।”

रोमियो 16:25

जो तुमकै खड़ो कर सकै है उस परमेसर की महिमा हो बौ मेरी अच्‍छी खबर के दुआरा और ईसु मसी के परचार के दुआरा कई सदिऔं सै लुके भए सच्‍चे राज कै परकट कन्‍नै के दुआरा तुमकै खड़ो करैगो।

2 तीमुथियुस 4:17

पर परभु मेरे संग हो और बानै मैंकै हिम्मत दई और मैंकै जौ मौको दओ कै मैं बिना डरे जा पूरी खबर कै गैर यहूदी लोगौ कै सुना सकौं और तैनै मैंकै मौत के मौह सै बी बचाओ है।