तीतुस 1:14 - बुक्सा

¹⁴ और यहूदिऔं की मन गड़ंत कस्ताऔ और उन आदमिऔ की आगियाँऔ मै मन ना लगाऐ, जो सच्‍चाई सै भटक जावै हैं।

तीतुस 1:14 Referans Kwoze

2 तीमुथियुस 4:4

बे सच्‍चाई की बातौं कै सुन्‍नै के ताँई अपने कानौ कै बन्‍द करंगे और मौह सै बनाई भई झूँटी कस्ताऔ मै धियान दंगे।

कुलुसिऔं 2:22

जे सबई आदमी की आगियाँ और सिक्‍छा के हिसाब सै बनाए भए रीती रिबाज है और जे काम मै आते आते नास हो जांगे।

2 पतरस 2:22

उनके ताँई जे कहाबत सई हैं कै, “कुत्‍ता अपनी उल्‍टी कै फिर चाटै है” और “नभाई भई सुअरनी बापस कींच मै जावै है।”

गलातिऔ 4:9

पर अब तुमनै परमेसर कै जान लओ है या जौ कैंऐ कै परमेसर तुमकै जानै है। तौ तुम अब दुनिया के कमजोर और बेकार नियमौ के पिच्‍छे बापस काए जानो चाँहौ हौ? और का तुम उनको फिर सै गुलाम बन्‍नो चाँहौ हौ?

मत्‍ती 15:9

और जे बेकार मैई मेरी भक्‍ति करै हैं, कैसेकै उनकी सिक्‍छा सिरप लोगौ के दुआरा बनाए भए नियम हैं।’”

मरकुस 7:7

और जे बेकार मै मेरी पिराथना करै हैं, और जे जो सिकाबैं हैं, कैसेकै बे तौ सिरप लोगौ के दुआरा बनाए भए नियम है।’

इबरानिओ 12:25

चौकस रौह और बा बोलनै बारे सै मौह ना फेरौ। अगर बे लोग बासै मौह फेरकै ना बच पाए जिसनै उनकै धरती मै चितौनी दई ही तौ अगर हम बासै मौह फेरैं जो सुरग सै चितौनी देरओ है, तौ हम डन्ड सै ना बच पांगे।

तीतुस 3:11

जौ जानकै कै ऐंसो आदमी भटक गओ है, और अपने आपकै दोसी मानकै पाप करतो रैहबै है।