तीतुस 1:10 - बुक्सा

¹⁰ कैसेकै भौत से लोग बिद्रोही होकै बेकार की बात कन्‍नै बारे और धोको दैनै बारे हैं खास करकै यहूदी चेलौ मै सै।

तीतुस 1:10 Referans Kwoze

1 तीमुथियुस 1:6

इन बातौं कै छोड़कै कुछ लोग बेकार की बातौं मै भटक गए हैं।

1 यहून्‍ना 4:1

मेरे पियारे लोगौ, हर आत्‍मा को बिसवास मत करौ, बलकन हमेसा उनकै परख कै देखौ कै का बे परमेसर की ओर सै हैं? जौ बात मैं तुमसै इसताँई कैरओ हौं, कैसेकै भौस्से झूँटी भबिसबानी कन्‍नै बारे दुनिया मै फैले भए हैं।

गलातिऔ 2:4

पर जौ बात उन झूँटे भईयौ की बजै सै भई जो चोरी चोरी हमरे बीच मै घुस आए हे। बे हमरी आजादी खतम कन्‍नै की सोचै हे, जो हमकै मसी ईसु मै मिली। और बे हमकै यहूदी रीती रिबाजौ को गुलाम बनानो चाँहै हे।

इफिसिऔ 4:14

जिस्सै कै हम ऐंसे बालक ना बनै जो हर किसी आदमी की गलत सिक्‍छा, ठग बिद्‍दिया और चालाँकी की आँधी मै पड़कै उनकी धोके की बातौं मै बहक जाँय।

याकूब 1:26

अगर कोई आदमी खुद कै धरमी समजै है, पर अपनी जबान मै लगाम ना लगाबै है, तौ बौ खुद कै धोको देवै है और बाकी भक्‍ति बेकार है।

2 तीमुथियुस 3:13

पर दुसट और धोको दैनै बारे की जिन्‍दगी और बेकार होती जागी और बे जो दूसरौं कै ठगै हैं, खुद बी धोको खावै हैं।

चेलौ के काम 11:2

जब पतरस ऐरूसलेम मै आओ तौ तबई कुछ यहूदी बिसवासी लोग बाके संग बैहैस बाजी करल लगे।

परकासन 2:14

“पर मैंकै तेरे खिलाप कुछ कैनो है, कैसेकै तेरे हिंया कुछ ऐंसे आदमी हैं, जो बिलाम की सिक्‍छा कै मानै हैं, जो राजा बालाक कै सिकाबै हो कै ईसराइलिऔ कै ठोकर खवाय, कै बे मूरतिऔं मै चढ़ाई गई चीज खाँय और बईयरौं सै गलत काम करैं।

परकासन 2:6

पर हाँ, तैमै जौ बात तौ है कै तू नीकुलाईऔ के कामौ सै नफरत करै है, जिनसै मैं बी नफरत करौं हौं।

1 यहून्‍ना 2:18

हे बालकौ, जौ आखरी घड़ी है, और जैसो कै तुमनै सुनो है कै मसी बिरोदी आ रओ है। और अब बी भौस्से मसी बिरोदी आ चुके हैं, इस्सै हम जानै हैं कै आखरी घड़ी आ गई है।

2 तीमुथियुस 4:4

बे सच्‍चाई की बातौं कै सुन्‍नै के ताँई अपने कानौ कै बन्‍द करंगे और मौह सै बनाई भई झूँटी कस्ताऔ मै धियान दंगे।

1 तीमुथियुस 1:4

उनसै कैऔ कै खानदान की बातौं और बेकार की मन सै बनाई भई कस्ताऔ मै धियान ना देओ, और अपनो बखत बेकार की बातौं मै ना खराब करौ, जो लड़ाई कै बढ़ाबो देवै हैं। इन बातौं सै परमेसर के बा बचन को गियान ना मिलै है, जो बिसवास मै टिको है।

गलातिऔ 3:1

ओ गलातिया मुलक के मूरख लोगौ तुमरे ऊपर किसनै जादू कर दओ है? तुमकै तौ जौ बात अच्‍छे तरीका सै समजाई ही कै ईसु मसी कै कैसे कुरूस मै चढ़ाओ हो।

चेलौ के काम 20:29

मैं जानौ हौं कै मेरे जानै के बाद खतरनाक भिड़िया हाँई लोग तुमरे बीच मै आंगे और बिसवासी लोगौ के झुन्ड कै ना छोड़ंगे।

चेलौ के काम 15:1

तबई कुछ लोग यहूदिया परदेस सै अन्‍ताकिया मै आकै बिसवासी लोगौ कै सिकाल लगे कै, “अगर तुमरो खतना मूसा के नियम के तरीका सै ना भओ है तौ तुमकै मुक्‍ति ना मिल सकै है।”

चेलौ के काम 15:24

हमनै जौ सुनो है कै हम्मै सै कुछ लोगौ नै हम सै बगैर पूँछे तुमरे बीच मै जाकै अपनी बातौं सै तुमकै दुख पौंचाओ है और तुमरो दिल कै बेचैन करो है।

1 तीमुथियुस 1:9

जौ नियम सिरप धरमी लोगौ केई ताँई ना है। पर नियम तोड़नै बारौ के, नियम कै ना माननै बारौ के, परमेसर कै ना माननै बारे लोगौ के, पापी लोगौ के, अपबित्‍तर लोगौ के, परमेसर की इज्‍जत ना कन्‍नै बारौ के, और अईया-अब्बा कै जान सै मारनै बारौ के, खून कन्‍नै बारौ के,

तीतुस 1:6

पर हर एक मुखिया निरदोस होए और जिनकी एकई बईयर हो, जिनके बालक बिसवासी हौं और उनमै लुचपन और अनादर कन्‍नै को दोस ना हो।

1 यहून्‍ना 2:4

जो कोई आदमी कैबै है कै, “मैं परमेसर कै जानौ हौं,” पर बाकी आगियाँऔ कै ना मानै है, तौ बौ झूँटो है, और बामै सच्‍चाई ना है।

मत्‍ती 23:14