रोमियो 8:7 - बुक्सा

⁷ मगर सरीर के ऊपर मन लगानो तौ परमेसर सै दुसमनी कन्‍नी है, कैसेकै जौ ना तौ परमेसर के नियम कै मानै है, और नाई मान सकै है।

रोमियो 8:7 Referans Kwoze

1 कुरन्‍थियों 2:14

पर जा दुनिया के लोग परमेसर की आत्‍मा की बातौं कै ना मानै हैं, कैसेकै बे बात उन लोगौ की नजरौ मै मूरखता बारी हैं। बे इनकै ना समज सकै हैं, कैसेकै इन बातौं की परख आत्‍मा करै है।

याकूब 4:4

बैबिचार कन्‍नै बारौ का तुम जौ ना जानौ हौ, कै दुनिया सै दोस्ती कन्‍नी परमेसर सै दुसमनी कन्‍नै के बराबर है? इसताँई जो कोई दुनिया सै दोस्ती कन्‍नो चाँहै है बौ परमेसर को दुसमन बन जावै है।

रोमियो 7:22

मेरे भीतर की आत्‍मा परमेसर के नियम सै भौत खुस रैहबै है।

इबरानिओ 8:10

उन दिनौ के बाद परभु नै फिर ऐंसे कैई कै, मैं जौ करारनामो ईसराइली लोगौ के संग करंगो कै, मैं अपने नियमौ कै उनके मन मै डारंगो और बाकै उनके दिलौ मै लिखंगो मैं उनको परमेसर हौंगो, और बे मेरे लोग हौंगे।

2 तीमुथियुस 3:4

धोकेबाज, लापरवा, घमंडी हैं, ऐंसे लोग परमेसर कै चाँहनै बारे ना पर जिन्‍दगी के मजे लैनै बारे हैं।

कुलुसिऔं 1:21

एक बखत ऐंसो हो कै तुमरी बुरी सोच और बुरे कामौ की बजै सै तुम परमेसर सै दूर और बाके बिरोदी हे।

रोमियो 8:4

जिस्सै कै नियम की बात हमरे भीतर पूरी हो जाऐ और हम सरीर मै ना चलैं पर आत्‍मा मै चलैं।

रोमियो 5:10

कैसेकै जब हम परमेसर के दुसमन हे, तौ उसनै अपने लौंड़ा की मौत के दुआरा हमरो मेल अपने संग कराओ है, और अब मेल हो चुको है तौ हम मसी जिन्‍दगी दुआरा मुक्‍ति काए ना पांगे?

रोमियो 1:28

जब उनौनै परमेसर को सच्‍चो गियान पानो सई ना समजो, तौ परमेसर नै बी उनकै जो ना सोचनो चँईऐ, बौई सोचनै के ताँई और जो ना कन्‍नो चँईऐ बौई कन्‍नै के ताँई छोड़ दए।

यहून्‍ना 7:7

दुनिया तुमसै दुसमनी ना कर सकै है पर मैंसै करै है, कैसेकै मैं जा बात की गभाई देवौ हौं, कै उनके काम बुरे हैं।

रोमियो 3:31

तौ का हम बिसवास के दुआरा परमेसर के नियम कै तोड़ै हैं? बिलकुल ना! बलकन हम तौ नियम कै और बी जादा अच्‍छे सै मानै हैं।

रोमियो 1:30

दूसरौं कै बुरी बातौं सै बदनाम कन्‍नै बारे, परमेसर सै नफरत कन्‍नै बारे, दूसरौं की बेजती कन्‍नै बारे, घमंडी, डींगमार, बुरे-बुरे कामौ कै ढूंड़नै बारे, अईया-अब्बा की आगियाँ ना माननै बारे।

मत्‍ती 12:34

हे साँप की औलादौं तुम बुरे होकै कैसे अच्‍छी बात कैह सकौ हौ? कैसेकै जो मन मै भरो है, बौई मौह सै बाहार आवै है।

2 पतरस 2:14

उनकी आँख बैबिचार सै भरी भई हैं और उनके भीतर हमेसा पाप की इच्‍छा बनी रैहबै है; जिनके मन जल्दी बहक जावै हैं उनकै बे बहला और फुसला लेबै हैं, उनको मन लालच मै भौत तेज है, और बे सरापित औलाद हैं।

मत्‍ती 5:19

इसताँई जो कोई इन छोटी सै छोटी आगियाँऔ मै सै किसी एक कै तोड़ै, और दूसरौं कै ऐंसो कन्‍नो सिकाबै है, बौ सुरग के राज मै सबसै छोटो कैलागो, पर जो कोई उनको पालन करैगो और उनकै सिकागो, बौई सुरग के राज मै बड़ो कैलागो।

1 कुरन्‍थियों 9:21

जिनके धौंरे यहूदिऔं के नियम ना है, उनकै मसी मै लानै के ताँई मैं बी उनके हाँई बन गओ, पर इसको मतलब जौ ना है कै मैं परमेसर के नियम सै आजाद हौं। बलकन मैं मसी के नियम सै बंधो भओ हौं।

कुलुसिऔं 2:18

कोई बी आदमी अपनी झूँटी दीनता सै या सुरगदूतौं की पूजा करबाकै तुमरे ईनाम कै ना लूट सकै है, ऐंसो आदमी देखी भई बातौं के पिच्‍छे लगो रैहबै है और अपने पाप बारी सोच के ऊपर बिना बजै के घमंड करै है।