रोमियो 8:3 - बुक्सा

³ कैसेकै जो काम सरीर की कमजोरी के कारन नियम ना कर सको, उसकै परमेसर नै करो, यानी अपनेई लौंड़ा कै उसनै पापी आदमी जैसे आदमी के सरीर मै भेजो, इस तरीका सै परमेसर नै आदमी के सरीर मै पाप कै सजा दई।

रोमियो 8:3 Referans Kwoze

गलातिऔ 3:13

मसी नै हमरे सराप कै अपने ऊपर लेकै नियम के सराप सै हमकै आजाद करो है। कैसेकै पबित्‍तर सास्तर मै जौ लिखो है कै, “जिसकै कुरूस मै लटका कै मारो बौ सरापित है।”

2 कुरन्‍थियों 5:21

मसी नै कोई पाप ना करो हो, पर बाकै हमरे ताँई परमेसर नै पाप बना दओ जिस्सै कै हम परमेसर की धारमिकता मै साजेदार हौं।

इबरानिओ 10:14

कैसेकै बानै एकई बलि के दुआरा उनकै जो पबित्‍तर करे जावै हैं हमेसा के ताँई पक्‍को कर दओ।

1 पतरस 2:24

बौ हमरे पापौं कै अपने सरीर मै लेए भए कुरूस मै चढ़ गओ जिस्सै कै हम पापौं के ताँई मरै और धारमिकता के ताँई जिन्‍दगी जीऐं, कैसेकै पबित्‍तर सास्तर मै लिखो है, “बाईके मार खाने सै तुम अच्‍छे भए हौ।”

रोमियो 6:6

हमकै कबी जौ ना भूलनो चँईऐ कै हमरो पुरानो सौभाब ईसु के संग कुरूस मै चढ़ा दओ गओ है, जिस्सै पाप को सरीर मर जाऐ और हम फिर सै पाप के दास ना बन पांऐ।

गलातिऔ 3:21

तौ का जाको जौ मतलब है कै नियम परमेसर के बादे को बिरोद करै है? बिलकुल ना। कैसेकै अगर आदमी कै नियम सै जिन्‍दगी मिलती तौ नियम कै माननै सै धारमिकता मिल जाती।

रोमियो 8:32

बौ जिसनै अपने लौंड़ा तक की परवा ना करी, पर उसकै हम सबके ताँई दे दओ, तौ बौ उसके संग हमकै सब कुछ मुफत मै काए ना देगो?

रोमियो 3:20

कैसेकै नियम के कामौ सै कोई आदमी परमेसर के सामने धरमी ना ठैरैगो, पर नियम सै पाप की पैचान होवै है।

इबरानिओ 2:14

इसताँई जैसे बालक मांस और खून सै बनो है बैसेई बौ बी खून और मांस के सरीर मै साजेदार बनो है जिस्सै कै बौ अपनी मौत के दुआरा बा सैतान कै जिसकै मौत के ऊपर हक मिलो है बाकै नास कर सकै।

फिलिप्‍पीऔ 2:7

मगर बानै तौ खुद कै खाली कर दओ और एक दास के जैसो बन गओ और आदमी के हाँई बन गओ।

इबरानिओ 10:12

पर मसी एकई दफै हमेसा के ताँई पापौं के ताँई बलि चढ़कै इज्‍जत के संग परमेसर के खाने हात बैठ गओ।

इबरानिओ 4:15

कैसेकै हमरो बड़ो पुजारी ऐंसो ना हैं जो हमरी कमजोरिऔं मै तरस ना खाऐ, कैसेकै बाकै बी हर तरै सै हमरे हाँई परखो तब्बी बानै पाप ना करो।

इबरानिओ 2:17

इसताँई बाकै सिगरी बातौं मै अपने भईयौ और बहनौ के हाँई बननो जरूरी हो। जिस्सै बौ बिसवासजोग और दया कन्‍नै बारो बड़ो पुजारी बनकै परमेसर की सेवा करै। और बानै खुद कै बलि के रूप मै दे दओ जिस्सै कै लोगौ के पापौं सै उनकै माफी दिब्बा सकै।

रोमियो 9:3

कास ऐंसो हो सकतो कै मैं अपने भईयौ, बहनौ और रिस्तेदारौ के ताँई मसी को सराप अपने ऊपर ले लेतो और मसी सै अगल हो जातो।

यहून्‍ना 1:14

और बचन आदमी बनकै हमरे बीच मै रैहओ, और बौ किरपा और सच्‍चाई सै भरो भओ हो और हमनै उसकी ऐंसी महिमा देखी जैसी अब्बा के इकलौते लौंड़ा की महिमा।

यहून्‍ना 9:24

यहूदी नेताऔं नै बा आदमी कै जो अन्धो हो दूसरी दफै बुलाओ और बासै कैई, “परमेसर की इज्‍जत कर। हम जानै हैं कै बौ आदमी पापी है।”

मरकुस 15:27

और उनौनै उसके संग दो डाँकू बी कुरूस मै चढ़ाए, एक उसके खाने हात की ओर, दूसरो बाँई हात की ओर।

रोमियो 7:18

कैसेकै मैं जानौ हौं कै मेरे भीतर यानी मेरे सरीर मै कोई बी अच्‍छी चीज ना बसै है। अच्‍छे काम कन्‍नै की इच्‍छा तौ मेरे भीतर है पर अच्‍छे काम मैंसै ना होवै हैं।