रोमियो 5:7 - बुक्सा

⁷ का कोई धरमी आदमी के ताँई अपनी जान दे सकै है? पर का पतो, कै भले आदमी के ताँई कोई अपनी जान देए।

रोमियो 5:7 Referans Kwoze

1 यहून्‍ना 3:16

मसी नै हमरे ताँई अपनी जिन्‍दगी दे दई, इसई सै हम जान गए हैं कै पियार का है? हमकै बी अपने भईयौ के ताँई अपनी जान देनी चँईऐ।

रोमियो 16:4

उनौनै मेरी जान बचानै के ताँई अपनी जान बी खतरा मै डार दई ही। ना सिरप मैं उनको धन्‍नबाद करौ हौं बलकन गैर यहूदिऔं की सबई बिसवासिऔ की मंडली बी उनको धन्‍नबाद करै है।

यहून्‍ना 15:13

इस्सै महान पियार और किसी को ना है, कै कोई अपने दोस्तौ के ताँई अपनी जान दे दे।

चेलौ के काम 11:24

बरनबास एक अच्‍छो आदमी हो और बौ पबित्‍तर आत्‍मा और बिसवास सै भरो भओ हो। तबई और बी भौस्से लोगौ नै परभु मै बिसवास करो।

मत्‍ती 13:15

कैसेकै इन लोगौ की बुद्‍धि मारी गई है, इनौनै अपने कान बन्‍द करर खाए हैं, और अपनी आँख मूँद लंई हैं, ना तौ अगर बे आँखौ सै देखते, और कानौ सै सुनते, बुद्‍धि सै समजते और मेरी ओर लौहट आते तौ मैं इनकै भलो चंगो कर देतो।’

रोमियो 5:6

कैसेकै हम जब कमजोर हे, तौ सई टैम मै हम अधरमी लोगौं के ताँई मसी नै अपनी जान दई।

रोमियो 5:8

पर परमेसर नै हमरे ऊपर अपनो पियार दिखाओ। जबकि हम तौ पापी हे, तब्बी मसी नै हमरे ताँई अपनी जान दे दई।