रोमियो 4:16 - बुक्सा

¹⁶ इसताँई सई बात जौ है कै बादो बिसवास को फल है जो किरपा के हिसाब सै है। ताकि इब्राहिम के सिगरे टब्बर के ताँई पक्‍को हो, ना सिरप नियम कै माननै बारौ के ताँई पर उन सबई ताँई बी जो इब्राहिम के जैसो बिसवास रक्‍खै हैं, कैसेकै बौ हम सबको अब्बा है।

रोमियो 4:16 Referans Kwoze

इफिसिऔ 2:8

कैसेकै परमेसर की किरपा के दुआरा बिसवास की बजै सैई तुमकै मुक्‍ति मिली है जौ तुमकै खुद की बजै सै ना मिलो है बलकन जौ तौ परमेसर को बरदान है।

गलातिऔ 3:22

पर पबित्‍तर सास्तर जौ कैबै है कै जौ सिगरी दुनिया पाप की गुलाम है। जिस्सै कै जो बरदान को बादो ईसु मसी मै बिसवास कन्‍नै के दुआरा दओ जावै है, बौ बिसवास कन्‍नै बारौ कै मिलै।

रोमियो 9:8

यानी सरीर की औलाद परमेसर की औलाद ना हैं, बलकन परमेसर के बादे के अनुसार जो पैदा भए हैं बेई इब्राहिम की सच्‍ची औलाद हैं।

तीतुस 3:7

जिस्सै हम बाकी किरपा सै धरमी होकै, हमेसा की जिन्‍दगी की उमीद के अनुसार बारिस बनै।

इफिसिऔ 2:5

जब हम अपने अपरादौं की बजै सै मरे भए हे, फिर बी बानै हमकै मसी के संग फिर सै जिन्‍दो करो। परमेसर की किरपा होनै सैई तुमकै मुक्‍ति मिली है।

रोमियो 15:8

मैं जौ कैनो चाँहौ हौं कै मसी यहूदिऔं को सेवक इसताँई बनो कै बौ बापदादौं को देओ गओ बादो सबूत के संग पक्‍को करकै परमेसर की सच्‍चाई कै परकट करै।

रोमियो 5:1

परमेसर नै हमरे बिसवास के कारन हमकै धरमी मानो है। परभु ईसु मसी के दुआरा हमरो परमेसर सै मेल हो गओ है।

2 पतरस 1:10

इसताँई हे भईयौ, तुम जौ बात जाननै के ताँई हमेसा तईयार रौह, कै परमेसर नै तुमकै सच्‍ची मैई बुलाओ और चुनो है। कैसेकै अगर तुम इन बातौं कै करौ हौ तौ तुम कबी ठोकर ना खाऔगे।

रोमियो 4:11

खतना होनै सै पैलेई इब्राहिम कै बिसवास के दुआरा धरमी ठैराओ गओ। बाकै धारमिकता साबित कन्‍नै के ताँई छाप मिली। इसताँई बौ उन सबको अब्बा ठैरो, जो बिना खतना के बिसवास करैं हैं जिस्सै कै बे धरमी ठैराए जाँय।

लूका 19:9

ईसु नै उस्सै कैई, “आज इस घर को छुटकारो भओ है, इसताँई कै जौ आदमी बी इब्राहिम को एक लौंड़ा है।

रोमियो 3:22

ईसु मसी मै बिसवास कन्‍नै सै परमेसर सबई बिसवासी लोगौ कै धरमी बनाबै है। इसमै कोई फरक ना है।

रोमियो 3:30

परमेसर एकई है। इसताँई जिनको खतना भओ है उनकै बिसवास के दुआराई धरमी ठैरागो, और जो गैर यहूदी हैं उनकै बी बिसवास के दुआराई धरमी ठैरागो।

गलातिऔ 3:14

जौ इसताँई भओ कै, जो आसीस इब्राहिम कै देर खाई ही, बौ मसी ईसु के दुआरा गैर यहूदी लोगौ कै बी मिल सकै और हमरे बिसवास के दुआरा बौ सच्‍ची आत्‍मा मिलै जिसको बादो परमेसर नै करर खाओ है।

गलातिऔ 3:16

अब जितने बादे इब्राहिम और बाके खानदान के संग करे हे। बे बादे सिगरे बालकौ के संग ना, पर बौ एकई लौंड़ा के ताँई है, और बौ मसी है।