रोमियो 4:14 - बुक्सा

¹⁴ अगर जा नियम कै माननै बारे हकदार हैं, तौ बिसवास को कोई मतलब ना है और बादो बी बेकार है।

रोमियो 4:14 Referans Kwoze

फिलिप्‍पीऔ 3:9

और बाके संग पूरी तरै सै एक हो जांऔ; मेरी बा धारमिकता सै ना जो नियम कै माननै सै मिलै है, पर बा धारमिकता सै जो मसी मै बिसवास कन्‍नै सै मिलै है, जो परमेसर की ओर सै आवै है, जो बिसवास मै टिकी है।

इबरानिओ 7:28

कैसेकै मूसा को नियम जिन लोगौ कै बड़ो पुजारी बनाबै हो उनमै भौस्सी कमी है पर परमेसर नै सपत के संग एक बादो करो और जौ बादो नियम के बाद आओ और जा बादे सैई लौंड़ा कै बड़ो पुजारी ठैराओ जो हमेसा-हमेसा के ताँई पूरी तरै पक्‍को है।

इबरानिओ 7:19

कैसेकै मूसा को नियम किसी कै बी पूरी तरै सै पक्‍को ना करै है। पर अब हमरे ताँई एक ऐंसी अच्‍छी आस रक्‍खी गई है, जिसके दुआरा हम परमेसर के धौंरे जा सकै हैं।

गलातिऔ 2:21

अगर नियम के दुआरा धरमी बनो जातो, तौ मसी को मरनो बेकार होतो। मैं परमेसर के किरपा कै बेकार ना करौ हौं।”

रोमियो 4:16

इसताँई सई बात जौ है कै बादो बिसवास को फल है जो किरपा के हिसाब सै है। ताकि इब्राहिम के सिगरे टब्बर के ताँई पक्‍को हो, ना सिरप नियम कै माननै बारौ के ताँई पर उन सबई ताँई बी जो इब्राहिम के जैसो बिसवास रक्‍खै हैं, कैसेकै बौ हम सबको अब्बा है।

रोमियो 3:31

तौ का हम बिसवास के दुआरा परमेसर के नियम कै तोड़ै हैं? बिलकुल ना! बलकन हम तौ नियम कै और बी जादा अच्‍छे सै मानै हैं।

गलातिऔ 5:4

अगर तुम जौ सोचौ हौ कै हम नियम की लिखी भई बातौं कै मानकै धरमी बन जांगे, तौ तुम अपनो रिस्ता मसी सै तोड़ौ हौ और परमेसर के किरपा के लायक बी ना रैहओगे।

1 कुरन्‍थियों 1:13

तौ का मसी बट गओ है? का पौलुस तुमरे ताँई कुरूस मै चढ़ो हो? या पौलुस के नाम मै तुमकै जल संस्कार मिलो?