रोमियो 4:10 - बुक्सा

¹⁰ तौ उसकै धरमी कब ठैराओ? का खतना के पैले? या खतना के बाद? बाद मै ना पर उसकै धरमी खतना के पैलेई सै गिनो गओ हो।

रोमियो 4:10 Referans Kwoze

गलातिऔ 6:15

कैसेकै ना तौ खतना को कुछ मतलब है और ना बगैर खतना को, और मतलब है तौ बौ जा बात को कै का हम नई रचना बने हैं या ना।

गलातिऔ 5:6

पर मसी ईसु के संग रिस्ता रखनै के ताँई खतना होनो या खतना ना होनो दौनौ की कुछ ऐहमियत ना है, ऐहमियत सिरप बिसवास की है, जो पियार के दुआरा काम करै है।

रोमियो 4:9

तौ का जौ आसीस खतना बारौ केई ताँई है या उनके ताँई बी है, जिनको खतना ना भओ है? कैसेकै हम कैबै हैं, कै इब्राहिम नै बिसवास करो और बौ धरमी गिनो गओ।

रोमियो 4:11

खतना होनै सै पैलेई इब्राहिम कै बिसवास के दुआरा धरमी ठैराओ गओ। बाकै धारमिकता साबित कन्‍नै के ताँई छाप मिली। इसताँई बौ उन सबको अब्बा ठैरो, जो बिना खतना के बिसवास करैं हैं जिस्सै कै बे धरमी ठैराए जाँय।