रोमियो 3:9 - बुक्सा

⁹ तौ फिर का भओ? का हम यहूदी लोग गैर यहूदी लोगौ सै अच्‍छे हैं? बिलकुल ना, कैसेकै हमनै जौ दिखार खाओ है कै चाँहे हम यहूदी हौं या गैर यहूदी सबके सब पाप के बस मै हैं।

रोमियो 3:9 Referans Kwoze

गलातिऔ 3:22

पर पबित्‍तर सास्तर जौ कैबै है कै जौ सिगरी दुनिया पाप की गुलाम है। जिस्सै कै जो बरदान को बादो ईसु मसी मै बिसवास कन्‍नै के दुआरा दओ जावै है, बौ बिसवास कन्‍नै बारौ कै मिलै।

रोमियो 6:15

तौ हम का करैं? हम नियम के बस मै ना हैं पर परमेसर की किरपा के बस मै हैं, इसको मतलब जौ तौ ना है कै हम पाप करते रैंह? बिलकुल ना।

रोमियो 11:32

कैसेकै परमेसर नै सब लोगौ कै आगियाँ ना माननै को गुलाम बना दओ है ताकि बौ सबके ऊपर दया करै।

रोमियो 3:19

हम जानै हैं कै नियम जो कुछ कैबै है, बौ उनई लोगौं सै कैबै है जो नियम कै मानै हैं, इसताँई कै हर एक मौह बन्‍द करो जा सकै और सैरी दुनिया के लोगौं कै परमेसर के सामने अपनो अपनो हिसाब देनो होगो।

फिलिप्‍पीऔ 1:18

तौ का भओ? चाँहे कपट सै या सच्‍चाई सै, मसी को परचार सबई ओर सै तौ हो रओ है, इस बजै सै मैं खुस हौं और खुसई रैहंगो बी।

गलातिऔ 3:10

बे लोग जो नियम के कामौ मै भरोसो रक्‍खै हैं, उनके ऊपर सराप है, कैसेकै पबित्‍तर सास्तर मै लिखो है कै, “बे सिगरे आदमी सरापित हैं, जो मूसा के नियम की लिखी भई सिगरी बातौं मै ना चलै हैं।”

1 कुरन्‍थियों 14:15

तौ मैं का करौं? मैं आत्‍मा सै बी पिराथना करंगो और अकल सै बी पिराथना करंगो। मैं अपनी आत्‍मा सै बी गांगो और अकल सै बी गांगो।

1 कुरन्‍थियों 10:19

मेरो बोलनै को मतलब जौ है कै मूरती या बाके अग्गे चढ़ाई भई चीजौ को कोई मतलब ना है।

1 कुरन्‍थियों 4:7

कौन कैबै है कै तू दूसरौं सै जादा अच्‍छो है? और जो कुछ बी तेरे धौंरे है, बौ सिगरो परमेसर की ओर सै देर खाओ है। जो बी तेकै देर खाओ है तौ तू बाके ऊपर घमंड काए करै है, जैसे कै मानौ तुमकै दओई ना होए?

रोमियो 11:7

तौ इस्सै का? ईसराइल के लोग जिसकै ढूंड़ रए हैं, बौ उनकै ना मिलो। मगर चुने भए लोगौ कै बौ मिल गओ, और बाकी के लोगौ को दिल कठोर बन गओ।

रोमियो 3:5

इसताँई अगर हमरे बुरे काम परमेसर के अच्‍छे काम कै दिखामै हैं, तौ हम का करैं? मैं आदमी की सोच के हिसाब सै कैरओ हौं कै, का परमेसर को हमरे ऊपर घुस्सा कन्‍नो, गलत है?

रोमियो 1:18

परमेसर को कोप सुरग सै उन लोगौ के सब तरै के अधरम और अनियाय मै परकट होवै है, जो बुराई के दुआरा सच्‍चाई कै दबाए रक्‍खै हैं।

लूका 7:39

जौ देक्‍कै, “बौ फरीसी जिसनै ईसु बुलाओ हो, अपने मन मै सोचल लगो, अगर जौ भबिसबानी कन्‍नै बारो होतो तौ जान लेतो, कै जो उसकै छूँ रई है, बौ कौन और कैसी बईयर है? कैसेकै बौ तौ पापन है।”

रोमियो 2:1

इसताँई दूसरे के ऊपर दोस लगानै बारे, तू चाँए कोई काए ना हो, तेरे धौंरे कोई बहानो ना है, कैसेकै जिस बात मै तू दूसरे के ऊपर दोस लगाबै है, उसई बात मै अपने आपकै बी दोसी ठैराबै है, कैसेकै तू जो दोस लगाबै है खुदई बौ काम करै है।

रोमियो 3:1

तौ यहूदी होनै को का फाएदा या खतना को का फाएदा?

रोमियो 7:14

कैसेकै हम जानै हैं कै नियम आत्‍मिक है, पर मैं सिरप एक आदमी हौं जिसकै पाप के हात मै बेच दओ है।