रोमियो 3:4 - बुक्सा

⁴ बिलकुल ना! पर अगर हर एक आदमी झूँटो बी है, तौबी परमेसर सच्‍चो है जैसो लिखो है, “जिस्सै तू अपनी बातौं मै धरमी ठैरै और जब तेरो नियाय होगो तौ तू जै पाय।”

रोमियो 3:4 Referans Kwoze

गलातिऔ 2:17

“पर अगर हम मसी मै धरमी बन्‍नै की कोसिस करै हैं, और बाई मै हम पापी लिकरे, तौ का मसी पाप को दास है? बिलकुल ना।

इबरानिओ 6:18

तबई जे दो बात हैं, एक बाकी कसम और दूसरो बाको बादो है, जो कबी ना बदलै है, और परमेसर झूँट ना बोल सकै है। इसताँई अगर हम परमेसर के धौंरे भाजकै बाकी सरन मै आवै हैं; और जो आस हमकै बानै देर खाई है, बाकै मजबूताई सै पकड़नै के ताँई हिम्मत मिलै।

तीतुस 1:2

और इस सच्‍चाई सै हमेसा की जिन्‍दगी की उमीद बंधै, जिसको बादो कबी झूँट ना बोलनै बारे परमेसर नै सुरू सैई करो है।

यहून्‍ना 3:33

जिसनै बाकी गभाई मान लई बानै इस बात मै मौहर लगा दई कै परमेसर सच्‍चो है।

परकासन 3:7

“फिलादेलफिया के बिसवासिऔ की मंडली के सुरगदूत कै जौ लिख, “जो पबित्‍तर और सच्‍चो है और जिसके धौंरे दाऊद की कूंची है, जिसकै बौ खोलै है बाकै कोई बन्‍द ना कर सकै है, और जिसकै बौ बन्‍द करै है, बाकै कोई खोल ना सकै है, बौ जौ कैबै है कै,

1 यहून्‍ना 5:20

हम जानै हैं कै परमेसर को लौंड़ा आ गओ है और बानै हमकै समज दई, ताकि हम बा सच्‍चे परमेसर कै जान लैं और बामै बने रैंह जो सच्‍चो है, कैसेकै हम बाके लौंड़ा ईसु मसी मै बने रैहबै हैं। जौई सच्‍चो परमेसर है और हमेसा की जिन्‍दगी है।

रोमियो 9:14

तौ फिर हम का कैंऐ? का परमेसर अनियाय कन्‍नै बारो है? बिलकुल ना!

1 यहून्‍ना 5:10

जो परमेसर के लौंड़ा के ऊपर बिसवास करै है, बौ अपने भीतर बा गभाई कै रक्‍खै है। अगर कोई परमेसर मै बिसवास ना करै है, तौ बौ परमेसर कै झूँटो ठैराबै है। कैसेकै बानै बा गभाई को बिसवास ना करो, जो परमेसर नै अपने लौंड़ा के बारे मै दई ही।

गलातिऔ 2:21

अगर नियम के दुआरा धरमी बनो जातो, तौ मसी को मरनो बेकार होतो। मैं परमेसर के किरपा कै बेकार ना करौ हौं।”

रोमियो 6:15

तौ हम का करैं? हम नियम के बस मै ना हैं पर परमेसर की किरपा के बस मै हैं, इसको मतलब जौ तौ ना है कै हम पाप करते रैंह? बिलकुल ना।

रोमियो 3:31

तौ का हम बिसवास के दुआरा परमेसर के नियम कै तोड़ै हैं? बिलकुल ना! बलकन हम तौ नियम कै और बी जादा अच्‍छे सै मानै हैं।

मत्‍ती 11:19

आदमी को लौंड़ा खातो पीतो आओ, और बे कैबै हैं कै देखौ, ‘जौ आदमी पेटू और पियक्‍कड़ है, चुंगी लैनै बारे और पापिऔं को दोस्त है।’ पर गियान अपने कामौ मै सच्‍चो ठैराओ गओ है।”

गलातिऔ 6:14

पर हमरे परभु ईसु मसी के कुरूस के अलाबा मैं किसी और के ऊपर घमंड कन्‍नो ना चाँहौ हौं। जिसकी बजै सै मैं दुनिया के ताँई और दुनिया मेरे ताँई मर गई।

रोमियो 11:1

इसताँई मैं पूँछौ हौं, “का परमेसर नै अपनेई लोगौ कै छोड़ दओ है?” बिलकुल ना, कैसेकै मैं बी एक ईसराइली हौं, मैं इब्राहिम की औलाद और बिन्यामीन के गोत को हौं।

2 कुरन्‍थियों 1:18

परमेसर जा बात को गभा है कै जो बात मैंनै तुम लोगौ सै कैंई हैं, बामै हाँ और ना दौनौ ना मिलै हैं।

रोमियो 11:11

पर मैं कैबौ हौं, का उनौनै इसताँई ठोकर खाई, कै बे गिरकै खतम हो जाँय? बिलकुल ना, पर उनके गलती कन्‍नै के कारन गैर यहूदी लोगौ कै मुक्‍ति मिली है, कै यहूदिऔं कै जरन पैदा हो।

रोमियो 7:7

तौ हम का कैंऐ? का नियम पाप है? बिलकुल ना! पर बिना नियम के मैं पाप कै ना पैचान पातो कै पाप का है? अगर नियम ना बताते, “कै लालच मत करौ” तौ मैं लालच कै ना जान पातो।

रोमियो 6:2

बिलकुल ना। हम जो पाप के ताँई मर चुके हैं, तौ पाप मैई कैसे जींगे

लूका 20:16

बौ आकै उन किसानौ कै मार डारैगो, और अंगूरौं को बगीचा दूसरौं कै सौंप देगो।” लोगौं नै जब ऐंसो सुनो तौ बे बोले, “ऐंसो कबी ना हो।”

रोमियो 7:13

इसको मतलब जौ ना है कै जो अच्‍छी हैं बेई मेरे ताँई मौत को कारन बनी हैं, हाँ अच्‍छी बात। पाप उस नियम सै मेरे ताँई मौत को कारन इसताँई बनो कै पाप परकट हो सकै और नियम के दुआरा पाप और पाप बनै।

1 कुरन्‍थियों 6:15

का तुम जौ ना जानौ हौ कै तुमरो सरीर मसी के सरीर को हिस्सा है? तौ का मैं मसी के सरीर के हिस्सा कै लेकै रंडिऔ के सरीर के हिस्सा मै मिला दौं? कबी ना।

1 तीमुथियुस 3:16

और जा बात मै कोई सक ना है कै जो अच्‍छी खबर हमकै मिली ही, बौ सबसै बड़ी है। मसी आदमी के सरीर के रूप मै जलम लेकै परकट भओ, और परमेसर के आत्‍मा नै बाकै धरमी ठैराओ, सुरगदूतौं नै बाकै देखो, दूसरे देस के लोगौ मै बाको परचार भओ। दुनिया के लोगौ नै बाके ऊपर बिसवास करो, और महिमा के संग बाकै ऊपर उठा लओ गओ।