रोमियो 2:4 - बुक्सा

⁴ का तू परमेसर की महान दया, सैनसीलता और धीरज कै नकारै है? तू ना समजै है कै परमेसर की दया तेकै गलत काम सै मन फिरानै की ओर ले जावै है।

रोमियो 2:4 Referans Kwoze

2 पतरस 3:9

परभु अपने बादे कै पूरो कन्‍नै के ताँई देर ना करै है, जैसो कै कुछ लोग समजै हैं, पर बौ तुमरे ओर सबर रक्‍खै है कै कोई बी नास ना होए, पर सबई कै पापौं सै मन फिरानै को मौको मिलै।

इफिसिऔ 1:18

मेरी जौ बी पिराथना है कै तुमरे मन की आँख खुल जाँय और तुम जौ जान सकौ कै बाके बुलानै सै तुमकै कितनी बड़ी आस मिली है, और जिस बिरासत कै बौ अपने पबित्‍तर लोगौ कै देगो बौ कितनो महान और महिमा सै भरी भई है।

इफिसिऔ 2:7

कै बौ हमरे ऊपर अपनी बा दया सै जो ईसु मसी मै है, आनै बारे बखत मै अपने किरपा के धन कै दिखाऐ।

इफिसिऔ 1:7

हमकै मसी मै मसी की मौत के दुआरा छुटकारो मतलब पाप की माफी मिली है। जौ परमेसर की भौस्सी किरपा सै मिलो है।

रोमियो 3:25

परमेसर नै अपनो नियाय कै दिखानै के ताँई ईसु मसी कै बलि होनै के ताँई दओ जिस्सै उसकी मौत के ऊपर बिसवास कन्‍नै सै लोगौ कै पाप की माफी मिलै। कैसेकै परमेसर नै अपने सबर के बजै सै लोगौ के पैले करे भए पापौं की सजा ना दई।

2 पतरस 3:15

हमरे परभु के सबर सै तुमकै मुक्‍ति पानै के ताँई मौको मिलै है, जैसो हमरे पियारे भईया पौलुस नै बी बा गियान सै तुमकै लिखो है, जो बाकै परमेसर सै मिलो हो।

रोमियो 11:33

परमेसर की दौलत, बुद्‍धि और गियान कितने गैहरे हैं, उसके नियाय कन्‍नै को तरीका समज सै परे है, और बाके रस्तौं कै कौन समज सकै है?

रोमियो 11:22

इसताँई परमेसर की दया और बाकी सकताई मै धियान दे। जौ सकताई उसके ताँई है जो गिरे हैं, पर तुम बाकी दया मै बने रैहऔ, तौ तुमरे ऊपर दया होगी। ना तौ तुम बी पेड़ सै काट फैंके जाऔगे।

इफिसिऔ 2:4

पर परमेसर जो दया को सेट है, बानै अपने बड़े पियार की बजै सै हम सै इत्‍तो पियार करो है कै,

2 पतरस 3:3

सबसै पैले तुम जौ जानलो कै आखरी दिनौ मै मजाक उड़ानै बारे मजाक करते भए आंगे और बे अपनी बुरी इच्‍छा सै जिन्‍दगी जींगे।

1 पतरस 3:20

जिनौनै बा बखत मै परमेसर की बात ना मानी हीं, जब परमेसर सबर के संग पैंड़ो देख रओ हो और नूह को जिहाज बनाओ जा रओ हो, बा बड़े जिहाज मै थोड़े सेई मतलब आठ आदमी बचे हे।

1 तीमुथियुस 6:17

जा दुनिया के लोगौ कै जौ हुकम दो कै बे घमंड ना करैं और खतम होनै बारी धन-दौलत के ऊपर ना, पर परमेसर मै आस रक्‍खैं जो हमरे सुख के ताँई जरूरत सै बी जादा देवै है।

फिलिप्‍पीऔ 4:19

मेरो परमेसर, मसी ईसु मै महिमा के धन सै जो कबी ना खतम होवै है, बासै तुमरी हर एक कमी कै पूरो करैगो।

परकासन 3:20

देख मैं मौहड़े मै खड़ो भओ खटखटा रओ हौं, अगर कोई मेरी अबाज सुनकै किबाड़ खोलैगो, तौ मैं बाके धौंरे भीतर आकै बाके संग खानो खांगो और बौ मेरे संग खानो खागो।

1 तीमुथियुस 1:16

पर मुज जैसे सबई सै बड़े पापी के ऊपर ईसु मसी नै दया करकै अपनो सबर इसताँई दिखाओ कै, मैंकै एक उदाहरन के रूप मै उन लोगौ कै दिखाऐ जो आदमी मसी के ऊपर बिसवास करै है बौ हमेसा की जिन्‍दगी पांऐ।

कुलुसिऔं 1:27

परमेसर उनकै दिखानो चाँहै है कै गैर यहूदी लोगौ मै महिमा की गुप्‍त बात का है? और बौ जौ है कै, मसी जो महिमा की आस है बौ तुमरे भीतर रैहबै है।

रोमियो 6:15

तौ हम का करैं? हम नियम के बस मै ना हैं पर परमेसर की किरपा के बस मै हैं, इसको मतलब जौ तौ ना है कै हम पाप करते रैंह? बिलकुल ना।

रोमियो 6:1

तौ फिर हम का कैंऐ? का हम पाप करते रैहऐ, ताकि परमेसर की किरपा बढ़ती रैह?

कुलुसिऔं 2:2

जिस्सै उनके मनौ मै सान्‍ति होए और बे पियार की एकता के संग आपस मै बंधे रैंह, और बे पूरी समज को सैरो धन पाकै परमेसर के गुप्‍त बात कै, मतलब मसी कै पैचान लैं,

इफिसिऔ 3:16

बौ अपने महिमा के धन सै अपनी आत्‍मा के दुआरा तुमरे भीतर की आत्‍मा कै मजबूत कन्‍नै के ताँई अपनी सकति दे।

इफिसिऔ 3:8

मैं परमेसर के सबई पबित्‍तर लोगौ मै छोटे सै बी छोटो हौं, तब्बी मैंकै जौ बरदान मिलो कै मैं गैर यहूदी लोगौ कै कबी खतम ना होनै बारे मसी की बरकत की अच्‍छी खबर सुनाऔ।

रोमियो 10:12

ऐंसो इसताँई है कै यहूदिऔं और गैर यहूदिऔं मै कोई फरक ना है, सबको परभु एकई है। और उसकी दया उन सबके ऊपर होवै है जो उसको नाम लेबै हैं।

2 कुरन्‍थियों 8:2

कैसेकै बे बेसानी दरद मै पड़े हे पर फिर बी उनकै खुसी होवै ही और बे कंगाल हो गए हे, तौबी बड़ी इच्‍छा सै दान देवै हे।

2 पतरस 1:11

और इसई तरै सै हमरे मुक्‍ति दैनै बारे परभु ईसु मसी के हमेसा के राज मै बड़ी इज्‍जत के संग तुमरो सुआगत करो जागो।

परकासन 2:21

मैंनै बाकै मन फिरानै के ताँई मौको दओ, पर बौ अपने रन्डीपने सै मन फिरानो ना चाँहै है।