रोमियो 2:16 - बुक्सा

¹⁶ जौ सब उस दिन पूरो करो जागो, जब परमेसर मेरी अच्‍छी खबर के अनुसार ईसु मसी के दुआरा आदमिऔ के छिपी भंई बातौं को नियाय करैगो।

रोमियो 2:16 Referans Kwoze

1 कुरन्‍थियों 4:5

इसताँई ठैराए भए बखत सै पैलेई, परभु के आनै तक कोई किसी को नियाय ना करै, कैसेकै बौई तौ इन्‍धेरे मै छिपी भई बातौं कै सामने लागो, और जो बात आदमी के मन मै है। बाकै बी बौ परकट कर देगो। तब सिगरे लोगौ की बड़ाई परमेसर की ओर सै होगी।

चेलौ के काम 17:31

कैसेकै परमेसर नै एक दिन ऐंसो ठैराओ है, जिसमै बौ बा आदमी के दुआरा दुनिया के लोगौ को सच्‍चाई सै नियाय करैगो जिसकै बानै ठैरार खाओ है, और बाकै मरे भएऔं मै सै फिर सै जिन्‍दो करकै जा बात को सबूत दे दओ है।”

चेलौ के काम 10:42

“बानै हमकै जौ हक दओ कै लोगौ के बीच मै परचार करौ और मेरी गभाई देओ कै जौ बौई है जिसकै परमेसर नै जिन्‍दो और मरे भएऔं को नियाय कन्‍नै बारो ठैरार खाओ है।

लूका 8:17

ऐंसो कुछ बी लुको भओ ना है, जो परकट ना होगो और ऐंसी कुछ बी गुप्‍त बात ना है, जो जानी ना जाऐ और परकट ना हो।

1 पतरस 4:5

पर बे परमेसर कै अपने कामौ को लेखो दंगे जो जिन्‍दे और मरे भएऔं को नियाय कन्‍नै के ताँई तईयार है।

रोमियो 3:6

बिलकुल ना! ना तौ परमेसर कैसे दुनिया को नियाय करैगो?

2 पतरस 2:9

और परभु जानै है कै अपने लोगौं कै मुसीबतौं सै कैसे बचानो है और अधरमिऔं कै नियाय के दिन तक सजा के ताँई कैसे रखनो है।

2 तीमुथियुस 4:1

परमेसर और ईसु मसी कै गभा मानकै, जो जिन्‍देऔं और मरे भएऔं दौनौ को नियाय करै है, और बाके राज के फिर सै आनै के बारे मै याद दिब्बाते भए मैं तुमकै हुकम देवौ हौं।

2 तीमुथियुस 2:8

ईसु मसी कै याद करते रौह, जो मरे भएऔं मै सै जिन्‍दो भओ, और बौ दाऊद के खानदान को है। जौई बौ अच्‍छी खबर है, जिसको मैं परचार करौ हौं।

1 तीमुथियुस 1:11

जौ सिक्‍छा धन्‍न परमेसर की बा महिमा के ताँई उस अच्‍छी खबर के हिसाब सै है, जो मैंकै सौंपी गई है।

रोमियो 16:25

जो तुमकै खड़ो कर सकै है उस परमेसर की महिमा हो बौ मेरी अच्‍छी खबर के दुआरा और ईसु मसी के परचार के दुआरा कई सदिऔं सै लुके भए सच्‍चे राज कै परकट कन्‍नै के दुआरा तुमकै खड़ो करैगो।

यहून्‍ना 12:48

जो मैंकै नकारै है और मेरे बचनौ कै ना मानै है, बाकै दोसी ठैरानै बारो तौ एक है, मैंनै जो बचन कैओ है, बौई आखरी दिन मै बाकै दोसी ठैरागो।

इबरानिओ 9:27

और जैसे आदमिऔ के ताँई एक दफै मरनो और बाके बाद नियाय को होनो पक्‍को है,

2 तीमुथियुस 4:8

अब सुरग मै मेरे ताँई धारमिकता को मुकट तईयार करकै रखर खाओ है और परभु जो सच्‍चो नियाय कन्‍नै बारो है। मैंकै बा दिन देगो और मैंकैई ना पर उन सबई लोगौ कै बी देगो जो पियार के संग बाको फिर सै आनै को पैंड़ो देख रए हैं।

2 कुरन्‍थियों 5:10

हमनै जिन्‍दगी मै सरीर के हिसाब सै जित्‍ते बी अच्‍छे और बुरे काम करे हैं। उनको फल पानै के ताँई एक दिन मसी के नियाय सिंगासन के सामने खड़ो होनो पड़ैगो।

रोमियो 2:5

पर तू अपने बुरे कामौ सै मन ना फिरानै और अपने हटीले मन की बजै सै बाके कोप के दिन के ताँई जिसमै परमेसर को सच्‍चो नियाय परकट होगो, उस दिन के ताँई परमेसर को कोप कै इखट्‍टो कर रओ है।

मत्‍ती 16:27

कैसेकै आदमी को लौंड़ा अपने सुरगदूतौं के संग अपने परम पिता की महिमा मै आगो और बौ हर आदमी कै उसके करम को फल देगो।

गलातिऔ 1:11

पियारे बिसवासी लोगौ, मैं तुमकै जौ साप-साप बता दैनो चाँहौ हौं कै जो अच्‍छी खबर जिसकै मैंनै तुमकै सुनाओ, बौ किसी आदमी की ओर सै ना है।

1 कुरन्‍थियों 15:1

भईयौ और बहनौ, मैं तुमकै याद दिब्बानो चाँहौ हौं कै जो अच्‍छी खबर मैंनै तुमरे बीच मै पैले सुनाई ही। जिसकै तुम मानौ हौ और जिसमै तुम चलौ हौ।