रोमियो 2:14 - बुक्सा

¹⁴ फिर जब गैर यहूदी लोग जिनके धौंरे नियम ना हैं, सौभाब सैई नियम की बातौं मै चलै हैं, तौ उनके धौंरे नियम ना होते भए बी बे अपने ताँई खुदई नियम हैं।

रोमियो 2:14 Referans Kwoze

रोमियो 2:12

इसताँई जिनौनै बिना नियम पाए पाप करे, बे बिना नियम के नास बी हौंगे और जिनौनै नियम पाकै पाप करे उनकै डन्ड नियम के अनुसार मिलैगो।

रोमियो 2:27

पर जो आदमी सरीर सै बिना खतना बारो है, अगर बौ नियम कै पूरो करै है, तौ बौ तुमकै दोसी ठैरागो, कैसेकै लिखित नियम और खतना होनै के बाद बी तुम नियम कै तोड़ौ हौ।

इफिसिऔ 2:12

याद रक्‍खौ कै पैले तुम बिना मसी के हे, और ईसराइल के बिरादरी सै बी बाहार हे। तुम बा करारनामे सै जो परमेसर नै अपने लोगौ के संग करो हो अनजान हे, और जा दुनिया मै तुम बगैर आस के और बिना परमेसर के जी रए हे।

चेलौ के काम 17:30

अब तक परमेसर नै उनसै उनको लेखो ना लेओ पर अब तुमरे ताँई बाको जौ हुकम है कै तुम अपने पापौं सै मन फिराऔ।

चेलौ के काम 10:35

पर दुनिया के सब लोगौ मै जो कोई आदमी बाको डर मानै है और अच्‍छे काम करै है परमेसर बी बाकै अच्‍छो मानै है।

रोमियो 1:32

बे तौ परमेसर को जौ नियम जानै हैं, कै ऐंसे ऐंसे काम कन्‍नै बारे मौत की सजा के लायक हैं, तौबी ना केबल खुदई ऐंसे काम करैं हैं, पर बैसेई काम कन्‍नै बारौ की पीठ थप थपामै हैं।

1 कुरन्‍थियों 11:14

परमेसर की बनाई भई दुनिया का तुमकै जौ बात ना सिकाबै है कै आदमी के ताँई लम्बे बार रखनो सरम की बात है।

फिलिप्‍पीऔ 4:8

हे भईयौ, जो बात सच हैं, और जो बात इज्‍जत बारी हैं, और जो सई हैं, और जो बात पबित्‍तर हैं, और जो बात पियारी हैं, और जो बात मन कै पियारी लगै हैं, यानी जो बी भौत अच्‍छी और बड़ाई की बात हैं, उनई मै मन लगाए करौ।

चेलौ के काम 14:16

“पैले के बखत मै परमेसर नै दुनिया के सिगरे लोगौ कै खुद अपनी अपनी रस्ता मै चलनै दओ।

रोमियो 2:15

बे नियम की बात अपने अपने दिलौ मै लिखी भई दिखाबै हैं, और उनको मन बी गभाई देवै है और उनको मन कबी दोसी तौ कबी निरदोस ठैराबै है।

1 कुरन्‍थियों 9:21

जिनके धौंरे यहूदिऔं के नियम ना है, उनकै मसी मै लानै के ताँई मैं बी उनके हाँई बन गओ, पर इसको मतलब जौ ना है कै मैं परमेसर के नियम सै आजाद हौं। बलकन मैं मसी के नियम सै बंधो भओ हौं।

इफिसिऔ 2:3

एक बखत हो जब हम बी अपने सरीर की गलत इच्‍छाऔं के हिसाब सै दिन काटै हे, और सरीर और मन की मरजी कै पूरी कन्‍नै मै लगे रैहबै हे, और सबई लोगौ के हाँई सौभाब सैई हम बी परमेसर के घुस्सा के लायक हे।