रोमियो 15:6 - बुक्सा

⁶ जिस्सै तुम सब एक मन और एक अबाज मै हमरे परभु ईसु मसी के अब्बा, परमेसर की बड़ाई करौ।

रोमियो 15:6 Referans Kwoze

परकासन 1:6

उसनै हमकै अपने पिता परमेसर के ताँई राज और पुजारिऔं को समू बनाओ, उसई की महिमा और पराकरम युगौं-युगौं तक रैह। ऐंसोई होए।

इफिसिऔ 1:3

हमरे परभु ईसु मसी के परमेसर और अब्बा की बड़ाई हो। बानै हमकै मसी मै सुरग के सिगरे आत्‍मिक बरदान दए हैं।

चेलौ के काम 4:24

जब उन्‍नै जे बात सुनी तौ सिगरे जनी नै एक मन होकै परमेसर सै पिराथना करकै कैई, “हे मालिक, तैनैई आसमान, धरती, समन्‍दर और उनमै जो कुछ है बौ सिगरो तैनै बनाओ है।

2 कुरन्‍थियों 11:31

परभु ईसु को परम पिता परमेसर युगौं-युगौं तक धन्‍न है, बौ जानै है कै मैं झूँट ना बोल रओ हौं।

1 पतरस 1:3

हमरे परभु ईसु मसी के परम पिता परमेसर को धन्‍नबाद होए, जिसनै ईसु मसी कै मरे भएऔं मै सै जिन्‍दो कन्‍नै के दुआरा, अपनी बड़ी दया सै हमकै एक जिन्‍दी आस के ताँई नओ जलम दओ है।

2 कुरन्‍थियों 1:3

हमरे परभु ईसु मसी के परम पिता परमेसर को धन्‍नबाद होए, जो किरपा को अब्बा और सबई तरै की तसल्‍ली दैनै बारो परमेसर है।

चेलौ के काम 4:32

बिसवासी लोगौ को जौ समू एक मन और एकई सोच रक्‍खै हो और उनमै सै कोई बी अपनी चीजौ कै अपनी ना कैबै हो, पर सिगरी चीज साजे की हीं।

यहून्‍ना 20:17

ईसु नै बासै कैई, “मैंकै मत छूँ, कैसेकै मैं अब तक अब्बा के धौंरे ऊपर ना गओ हौं, पर मेरे भईयौ के धौंरे जा, और उनकै बता कै, ‘मैं अपने अब्बा और तुमरे अब्बा और अपने परमेसर और तुमरे परमेसर के धौंरे ऊपर जाबौ हौं।’”

इफिसिऔ 1:17

मैं जौ पिराथना करौ हौं कै हमरे परभु ईसु मसी को परमेसर जो महिमा सै भरो भओ अब्बा है, बौ तुमकै बुद्‍धि और परमेसर कै परकट कन्‍नै बारी आत्‍मा दे, जिस्सै कै तुम बाकै अच्‍छे सै जान सकौ।

कुलुसिऔं 1:3

जब्बी हम तुमरे ताँई पिराथना करै हैं, तौ हमेसा परभु ईसु मसी के पिता परमेसर को धन्‍नबाद करै हैं।