रोमियो 14:8 - बुक्सा

⁸ हम जीवै हैं तौ परभु के ताँई और अगर मरै हैं, तौबी परभु के ताँई। और चाँहे हम जीऐ या मर जाऐ हम परभु के हैं।

रोमियो 14:8 Referans Kwoze

फिलिप्‍पीऔ 1:20

मेरी इच्‍छा और आस जौई है कै चाँहे मैं मरौं या जिन्‍दो रैहऔ मेरी किसी बात मै बेजती ना होए, पर मेरे सरीर सै हमेसा पूरी हिम्मत के संग मसी की महिमा होती रैहऐ जैसी हमेसा होवै है, और अब्बी हो रई है।

1 थिसलुनीकियौ 5:10

बौ हमरे ताँई इसताँई मरो जिस्सै कै हम चाँहे जिन्‍दे रैंह या मर गए हौं, जब बौ बापस आगो सबई मिलकै बाईके संग जिन्‍दगी जीऐं।

1 कुरन्‍थियों 15:23

पर सिगरे लोग बारी बारी सै जिन्‍दे करे जांगे, सबसै पैले मसी कै जिन्दो करो, और जब मसी फिर सै आगो तौ बे जिन्‍दे हो जांगे जो बाके हैं।

चेलौ के काम 21:13

पर पौलुस नै उनकै जबाब दओ, “तुम रो रो कै मेरे दिल कै काए दुखाबौ हौ? मैं ऐरूसलेम मै परभु ईसु के नाम सै बंधनै और मरनै के ताँई बी तईयार हौं।”

परकासन 14:13

और सुरग सै मैंनै जौ अबाज सुनी, “लिख: धन्‍न हैं बे मुरदे, जो परभु मै बिसवास करते भए मरे हैं!” और आत्‍मा कैबै है कै ठीक है, “कैसेकै अब सै बे अपनी मैहनत के बाद आराम करंगे, कैसेकै उनके करम, उनके संग हैं।”

फिलिप्‍पीऔ 2:17

और अगर मैंकै तुमरे बिसवास के बलिदान और सेवा के संग अपनो खून बी बहानो पड़ै तौबी मैं खुस हौं और तुम सबके संग खुसी मनांगो।

चेलौ के काम 20:24

पर मेरे नजरौ मै मेरी जान की कोई कीमत ना है, कैसेकै मैं अपनी दौड़ पूरी कन्‍नै की सोचौ हौं और परमेसर के किरपा की अच्‍छी खबर कै सुनानै के काम कै पूरो कन्‍नो चाँहौ हौं जिसके ताँई मैंकै परभु नै चुनो है।

फिलिप्‍पीऔ 2:30

कैसेकै बानै मसी के कामौ के ताँई अपनी जान तक की फिकर ना करी और बौ मरई गओ हो; ताकि जो कमी तुमरी ओर सै मेरी सेवा मै भई ही, बाकै पूरो करै।

चेलौ के काम 13:36

दाऊद नै तौ अपनी जिन्‍दगी मै परमेसर के हिसाब सै काम करो और मर कै अपने बापदादौं की जघै मै दफना दओ गओ और बौ सड़ बी गओ।

यहून्‍ना 21:19

बानै ऐंसो जौ इसारो देते भए कैई, कै पतरस कैसी मौत सै परमेसर की महिमा करैगो। और जब बौ जौ कै चुको, तौ बानै बासै कैई, “मेरे पीछे चल!”

लूका 20:38

परमेसर तौ मुरदौं को ना पर जिन्‍देऔं को परमेसर है। कैसेकै बाके ताँई सब जिन्‍दे हैं।”