रोमियो 13:13 - बुक्सा

¹³ हम बैसेई रैहऐ जैसे दिन के टैम मै रैहबैं हैं। और दाबतौं मै खाकै पीकै धुत्‍त ना होओ, बईयरौं के संग गलत काम ना करौ, भोग-विलास मै ना पड़ौ, लड़ाई, और ना किसी सै जरन रक्‍खौ।

रोमियो 13:13 Referans Kwoze

गलातिऔ 5:21

चिड़नो, दारूबाज, रंगरलियाँ, और इनके हाँई और बी भौस्से काम हैं। इन बातौं के बारे मै तुमकै मैं पैलेई सै चौकस कर देवौ हौं जैसो मैंनै पैले बी कैई ही कै, जो लोग ऐंसी बात करै हैं बे परमेसर के राज के बारिस ना हौंगे।

इफिसिऔ 5:18

और सराप पीकै नसेड़ी मत बनौ, कैसेकै इस्सै लुच्‍चे काम की इच्‍छा जगै है। बलकन तुम पबित्‍तर आत्‍मा सै भरते जाऔ।

1 थिसलुनीकियौ 4:12

कै जो लोग बिसवासी ना हैं तौ बे तुमरो बरताब देक्‍कै तुमरी इज्‍जत करंगे। तुमकै किसी चीज के बारे मै किसी सै पूँछनै की जरूरत ना है।

1 यहून्‍ना 2:6

जो ऐंसो कैबै है कै मैं परमेसर मै बनो रैहबौं हौं, तौ बाकै बैसीई जिन्‍दगी जीनी चँईऐ जैसी ईसु मसी नै जीई।

इफिसिऔ 5:15

इसताँई अपनी चाल-चलन कै देखौ कै हम कैसे चल रए हैं और मूरख लोगौ के हाँई बरताब ना करौ, पर अकलमन्‍द लोगौ के हाँई बरताब करौ।

1 थिसलुनीकियौ 2:12

बैसेई हम तुम सबई कै बी उपदेस, और सान्‍ति देवै हैं, और समजाबै बी हैं कै तुमरो चाल-चलन परमेसर कै परसन्‍द आनै बारो होए, जो तुमकै अपने राज और महिमा मै बुलाबै है।

लूका 21:34

“इसताँई चौकस रैहऔ, कहीं ऐंसो ना होए कै तुमरो मन भोग-विलास, नसा और जा जिन्‍दगी की चिन्‍ताऔं के बोज सै दब जाय और बौ दिन फंदा के हाँई अचानक तुमरे ऊपर आ पड़ै।

1 थिसलुनीकियौ 5:17

हमेसा पिराथना करौ।

फिलिप्‍पीऔ 1:27

सिरप इतनो करौ कै तुमरो चाल-चलन मसी की अच्‍छी खबर के लायक हो जाऐ कै चाँहे मैं आकै तुमकै देखौं या ना बी आऔं, पर मैं तुमरे बारे मै बस जौई सुनौं कै तुम सब एक आत्‍मा मै टिक जाऔ और एक मन हो कै, एक संग मिलकै अच्‍छी खबर के बिसवास के ताँई मैहनत करते रैहऔ।

यहूदा 1:23

दूसरे लोगौ कै नरक की आग सै खैंच कै बचाऔ और डर के संग औरौं के ऊपर दया करौ; पर जो लोग सरीर की बुरी इच्‍छाऔं के हिसाब सै चलै हैं उनके लत्‍तौ सै बी नफरत करौ जिनके गलत कामौ के दाग उनके लत्‍तौ के ऊपर दिखाई देवै हैं।

2 यहून्‍ना 1:4

मैं जौ देक्‍कै भौत खुस हौं कै मैंनै तेरे बालकौ कै जैसी हमरे परम पिता नै हमकै आगियाँ दई है बैसेई सच्‍चाई मै चलते भए देखो।

याकूब 4:5

का तुम पबित्‍तर सास्तर की जा लिखी भई बात कै बेकार समजौ हौ? जो आत्‍मा परमेसर नै हमरे भीतर दई है, बौ हम सै पूरी इच्‍छा रक्‍खै है कै हम बिसवासजोग बने रैह।

कुलुसिऔं 3:5

इसताँई तुम बी अपने सरीर की उन बातौं कै खतम कर दो, जो जा दुनिया की हैं, मतलब बैबिचार, गंदे काम, गंदी सोच, गंदी बात कन्‍नै की इच्‍छा, लालच जे सबई मूरती पूजा के बराबर हैं।

कुलुसिऔं 1:10

ताकि तुमरो चाल-चलन बैसोई होए जैसो परभु कै परसन्‍द है, जिस्सै बौ खुस होए और तुम्मै हर तरै के भले काम के फल लगैं और परमेसर के गियान मै मजबूत होते जाऔ।

फिलिप्‍पीऔ 2:3

मतलबी और बेकार के घमंड से कुछ काम ना करौ पर दीनता सै एक दूसरे कै अपने सै अच्‍छो समजौ।

इफिसिऔ 5:8

कैसेकै पैले एक बखत हो जब तुम इन्धेरे मै हे। पर अब परभु के चेला बन्‍नै सै तुम जोती मै हौ, इसताँई अब तुम जोती की औलाद के हाँई जिन्‍दगी जिऔ।

इफिसिऔ 4:17

मैं तुम लोगौ सै परभु के नाम मै जौ चितौनी देरओ हौं कै तुम अब दुनिया के लोगौ के हाँई अपनो चाल-चलन ना रखिओ जो बेकार की बातौं की फिकर करै हैं।

इफिसिऔ 4:1

इसताँई मैं परभु मै होनै की बजै सै जेल मै हौं, और तुम लोगौ सै बिनती करौ हौं कै तुमकै अपनी जिन्‍दगी बैसेई जीनी चँईऐ जैसे परमेसर नै तुमकै बुलार खाओ है।

गलातिऔ 5:19

सरीर दुआरा जो बी काम होवै हैं बे सामने हैं, बैबिचार, गंदे काम, सरम आनै बारे काम,

चेलौ के काम 2:15

जे आदमी सराप पिए भए ना हैं, जैसो कै तुम समज रए हौ। कैसेकै अबी तौ सुबे के नौई बजे हैं।

लूका 16:19

“देखौ, एक सेट आदमी हो बौ भौत मैहंगे बैंगनी रंग के चिकने मखमल के लत्‍ता पैहरै हो, और हर दिन मौज-मस्ती सै खातो पीतो रैहबै हो।

लूका 1:6

बे दौनौई धरमी हे। बे पूरे मन सै परभु की आगियाँऔ और नियमौ को पालन करै हे।

1 कुरन्‍थियों 3:3

कैसेकै तुम अबी बी दुनिया के लोगौ के हाँई हौ, और तुमरे बीच मै लड़ाई और जरन दिखाई देवै है। इस्सै जौ पतो लगै है कै तुम दुनिया के लोगौ के हाँई चाल चलौ हौ।