रोमियो 13:11 - बुक्सा

¹¹ तुम लोग जानौ हौ कै नींद सै जगनै को टैम आ चुको है। जिस टैम हमनै बिसवास करो हो, उस टैम के हिसाब सै बी जादा अब हमरी मुक्‍ति धौंरे है।

रोमियो 13:11 Referans Kwoze

1 पतरस 4:7

बौ बखत आनै बारौ है जब सबई कुछ नास हो जागो, इसताँई तुम सबई चौकस और खुद के ऊपर काबू रक्‍खौ ताकि तुम पिराथना कर सकौ।

इफिसिऔ 5:14

कैसेकै जोती आई है, जो सबई कुछ कै परकट करै है। इसताँई ऐंसो कैओ गओ है कै, “ओ सोनै बारे जगौ, और मरे भएऔं मै सै जिन्‍दे हो जाऔ, और मसी को उज्‍जेरो तुमरे ऊपर चमकैगो।”

1 कुरन्‍थियों 15:34

होस मै आकै सई तरीका सै सोचौ, और पाप कन्‍नो छोड़ौ। कैसेकै तुम्मै सै कुछ ऐंसे हैं, जो परमेसर के बारे मै कुछ बी ना जानै हैं। मैं जौ सबई इसताँई कैरओ हौं कै तुमकै सरम आय।

परकासन 22:20

ईसु जो इन बातौं की गभाई देवै है, बौ कैबै है, “हाँ! मैं जल्दी आनै बारो हौं।” ऐंसोई होए। हे परभु ईसु आ!

लूका 21:28

जब जे बात होल लगैं, तौ खड़े होकै तईयार रैहऔ और हिम्मत रखिओ कैसेकै सब दुख और मुसीबतौं सै छुटकारो पानै को टैम धौंरे आ गओ है।”

परकासन 22:12

देखौ, मैं जल्दी आनै बारो हौं, मेरे हात मै तुमरे कामौ को फल बी है, और हर एक आदमी कै उसके कामौ के हिसाब सै फल दंगो।

1 कुरन्‍थियों 10:11

जे सबई बात इसताँई भई हीं कै हमरे ताँई उदाहरन रैंह। जे हमकै होसिआर कन्‍नै के ताँई लिखी गंई, जो आखरी बखत मै जी रए हैं।

मत्‍ती 16:3

और सुबे कैबौ हौ, आज आँधी आगी कैसेकै आसमान लाल और बादरौं सै घिरो भओ है। तुम आसमान कै देक्‍कै मौसम की भबिसबानी तौ कर सकौ हौ, पर अपने बखत के चिन्‍नौ को भेद बता ना सकौ हौ।

याकूब 5:8

तुम लोग बी सबर रक्‍खौ, और हिम्मत ना हारौ, कैसेकै परभु को फिर सै आनै को बखत धौंरेई है।

2 पतरस 3:9

परभु अपने बादे कै पूरो कन्‍नै के ताँई देर ना करै है, जैसो कै कुछ लोग समजै हैं, पर बौ तुमरे ओर सबर रक्‍खै है कै कोई बी नास ना होए, पर सबई कै पापौं सै मन फिरानै को मौको मिलै।

2 पतरस 3:11

जब जे सबई चीज ऐंसेई नास होनै बारी हैं, तौ सोचौ तुमकै कैसो आदमी होनो चँईऐ और तुमरो चाल-चलन पबित्‍तर और तुमरी जिन्‍दगी परमेसर कै परसन्‍द आनै बारी हो।

1 यहून्‍ना 2:18

हे बालकौ, जौ आखरी घड़ी है, और जैसो कै तुमनै सुनो है कै मसी बिरोदी आ रओ है। और अब बी भौस्से मसी बिरोदी आ चुके हैं, इस्सै हम जानै हैं कै आखरी घड़ी आ गई है।

परकासन 1:3

धन्‍न है बौ जो इस भबिसबानी के बचनौ कै पढ़कै सुनावै है, और धन्‍न हैं बे जो सुनै हैं और जामै लिखी भई बातौं कै मानै हैं, कैसेकै बौ टैम धौंरे आ गओ है।

परकासन 22:10

फिर उसनै मैंसै कैई, “इस किताब की भबिसबानी की बातौं कै बन्‍द मत कर, कैसेकै टैम आ गओ है।