रोमियो 12:9 - बुक्सा

⁹ तुमरो पियार सच्‍चो हो। बुराई सै तुम नफरत करौ, और भलाई सै जुड़े रौह।

रोमियो 12:9 Referans Kwoze

1 पतरस 4:8

और सबसै बड़ी बात तौ जौ है कै आपस मै हमेसा पियार रक्‍खौ कैसेकै पियार भौस्से पापौं कै ढक देवै है।

1 तीमुथियुस 1:5

मेरे हुकम को मकसद पियार है जो सच्‍चे दिल सै और सुद्‍द मन सै और बा बिना खोट के बिसवास सै तुम्मै पैदा होए।

1 पतरस 1:22

अब देखौ जब तुमनै सच्‍चाई की बातौं कै मानो है और अपनी आत्‍मा कै पबित्‍तर करो है तौ तुम सच्‍चे दिल सै एक दूसरे सै पियार रक्‍खौ, और आनै बारे बखत मै बी पूरे दिल सै पियार करौ।

1 थिसलुनीकियौ 5:21

पर सिगरी बातौं कै परखौ और जो अच्‍छी हैं उनकै मजबूती सै पकड़े रौह।

इबरानिओ 12:14

सबई लोगौ के संग सान्‍ति से रैहनै के ताँई और पबित्‍तर बनकै रैहनै के ताँई लगातार कोसिस करौ, जो पबित्‍तर ना है बौ परभु कै देख ना पागो।

2 कुरन्‍थियों 8:8

मैं तुमकै हुकम ना देरओ हौं, पर जैसे दूसरे लोग खुसी सै दान देवै हैं बाके बारे मै बता कै तुमरे पियार की सच्‍चाई कै परखनो चाँहौ हौं।

1 थिसलुनीकियौ 5:15

और तुम जा बात को धियान रक्‍खौ कै बुराई के बदले कोई बुराई ना करै, पर हमेसा एक दूसरे के संग और सबई लोगौ के संग भलाई कन्‍नै की कोसिस करे करौ।

2 कुरन्‍थियों 6:6

हमरी पबित्‍तर जिन्‍दगी, गियान और सबर की तागत सै, दया, पबित्‍तर आत्‍मा और सच्‍चो पियार,

इबरानिओ 1:9

तैनै नेक कामौ सै पियार और बुरे कामौ सै दुसमनी रक्‍खी है। इस बजै सै परमेसर, तेरे परमेसर नै तेकै चुनो और तेरे सातिऔं सै जादा तेकै आदर दओ जिस्सै कै तू खुसी मनाऐ।”

1 थिसलुनीकियौ 2:3

हम जो कुछ बी लोगौ कै सिकाबै हैं बौ बैहकानै के ताँई ना, और ना गलत इरादे सै, और नाई किसी कै धोको दैनै के ताँई सिकाबै हैं।

चेलौ के काम 11:23

बानै बहाँ पौंच कै परमेसर की किरपा कै लोगौ के बीच मै देखो और बेसानी खुस भओ और बानै सबई जनी कै जौ बात सिकाई कै पूरे दिल सै परभु के बिसवास मै बने रौह।

यहून्‍ना 12:6

बानै जौ इसताँई ना कैई कै बाकै गरीबौ की फिकर ही, पर इसताँई कै बौ चोर हो, और बाके धौंरे रुपियौ की थैलिया रैहबै ही, और बामै सै चुरा लेबै हो।

मत्‍ती 26:49

फिर बौ ईसु के धौंरे गओ और बोलो, “हे गुरू, परनाम, और उसनै ईसु को चुम्मा लओ।”

याकूब 3:17

पर जो गियान परमेसर की ओर सै आवै है, बौ पैले तौ पबित्‍तर होवै है, फिर सान्‍ति बारो, नरम सौभाब बारो, खुली सोच बारो, दया और अच्‍छे करमौ सै भरो भओ, और भेदभाब ना कन्‍नै बारो और खरो आदमी।