रोमियो 12:8 - बुक्सा

⁸ अगर कोई सला दैनै बारो है तौ बौ सला देतो रैह। और जो दान दैनै बारो है बौ खुले दिल सै दान देतो रैह। और लोगौं की अगवाई कन्‍नै बारो तन मन सै, लोगौं की अगवाई करतो रैह, और जो दया कन्‍नै बारो है, बौ खुसी खुसी दया करतो रैह।

रोमियो 12:8 Referans Kwoze

2 कुरन्‍थियों 9:7

हर एक आदमी बिना कुड़कुड़ाए और बिना दबाब के, उतनोई देए जित्‍तो बानै अपने मन मै सोची है। कैसेकै परमेसर खुसी सै दैनै बारे सै पियार करै है।

1 तीमुथियुस 5:17

बिसवासिऔ की मंडली मै जो अच्‍छी देखभाल कन्‍नै बारे अगुबे लोग हैं, उनकी दुगनी इज्‍जत करे करौ, खास करकै उनकै जिनको काम परचार कन्‍नै और सिकानै को है।

1 कुरन्‍थियों 12:28

परमेसर नै बिसवासिऔ की मंडली मै अगल अगल आदमिऔ कै ठैरार खाओ है, पैलो भेजे भए चेलौ कै, नबिऔ कै, फिर गियान दैनै बारौ कै, फिर सकति के काम कन्‍नै बारौ कै, बेमारौं कै ठीक कन्‍नै को बरदान मिलनै बारौ कै, और दूसरौं की सायता कन्‍नै बारौ कै, और चीजौ को बन्‍दोबस्त कन्‍नै बारौ और दूसरी दूसरी भासा बोलनै बारौ कै।

इबरानिओ 13:17

अपने अगुबौं की बात मानौ और बाके हक मै रैहईओ, कैसेकै बौ तुमरी जिन्‍दगी की चौकसी करै है कैसेकै उन अगुबौं कै परमेसर के सामने लेखो-जोखो दैनो है। बे जौ काम खुसी के संग करैं, ना की रो रो कै। अगर बे दुख सै करैं तौ तुमकै कुछ फाएदा ना है।

चेलौ के काम 15:32

यहूदा और सीलास नै जो खुद बी नबी हे, उनकै भौस्सी बात सिकाकै बिसवासी भईयौ को हौसला बढ़ाओ और उनकै भरोसे मै पक्‍को करो।

चेलौ के काम 13:15

मूसा के नियम और नबिऔ की किताब पढ़नै के बाद पिराथना घर के सिआने लोगौ नै उनसै जौ कैई कै, “हे भईयौ, तुमरे धौंरे कुछ सिकानै के ताँई कोई बचन है तौ तुम सुनाऔ।”

इबरानिओ 13:24

अपने सिगरे अगुबौं और परमेसर के लोगौ कै नमस्कार कैह देईओ और इटली के लोग बी तुमकै नमस्कार कैबै हैं।

इबरानिओ 13:22

पियारे भईयौ और बहनौ, मैं तुमसै बिनती करौ हौं कै इन सिकानै बारी बातौं कै तुम बरदास करौ कैसेकै मैंनै तुमकै जौ चिट्‌ठी थोड़ेई सब्दौ मै लिखी है।

इबरानिओ 13:7

जो तुमरे अगुबा हे, जिनौनै परमेसर को बचन तुमकै सुनाओ हो उनकै याद रक्‍खौ और धियान दो कै बे कैसे जीए और कैसे मरे और उनके बिसवास की नकल करौ।

इबरानिओ 10:25

और एक दूसरे सै मिलनो ना छोड़िओ जैसो कै भौस्से लोग करै हैं और जैसो तुम जानौ हौ कै मसी के आनै को दिन धौंरेई है। तौ तुम एक दूसरे को हौसला बढ़ाते रैहऔ।

2 कुरन्‍थियों 8:12

कैसेकै जो तुमरी दैनै की इच्‍छा है, तौ बौ बाई मै सै दे, जो कुछ बाके धौंरे है, ऐंसोई दान परमेसर कै अच्‍छो लगै है। पर ना कै बौ बाके हिसाब सै देए, जो बाके धौंरे ना है।

1 कुरन्‍थियों 14:3

पर जो परमेसर की ओर सै बोलै हैं, बे आदमिऔ कै बढ़नै के ताँई, हिम्मत बढ़ानै और सान्‍ति के ताँई बोलै हैं।

चेलौ के काम 20:28

इसताँई तुम अपनी और अपने लोगौ की देखभाल करौ, जिसके ताँई तुमकै पबित्‍तर आत्‍मा नै चुनो है, कैसेकै तुम बिसवासिऔ की मंडली के लोगौ के ताँई ऐंसे हौ जैसे गड़रिया भेड़ौ के झुन्ड के ताँई है। जिसकै परमेसर नै अपने लौंड़ा को खून देकै मोल लओ है।

चेलौ के काम 20:2

बौ बहाँ के सिगरे देसौ के चेलौ की हिम्मत बढ़ाते भए यूनान देस मै आओ।

1 तीमुथियुस 4:13

और जब तक मैं ना आऔं तब तक लोगौ कै परमेसर के बचन कै पढ़कै सुनईए और समजईए और सिकईए।

1 थिसलुनीकियौ 2:8

तुमरे ताँई हमरो पियार और लगाब इत्‍तो बढ़ गओ हो कै हम परमेसर की अच्‍छी खबर के संग-संग अपनी जान बी दैनै के ताँई तईयार हे, कैसेकै तुम हमरे खास हो गए हौ।

1 थिसलुनीकियौ 2:3

हम जो कुछ बी लोगौ कै सिकाबै हैं बौ बैहकानै के ताँई ना, और ना गलत इरादे सै, और नाई किसी कै धोको दैनै के ताँई सिकाबै हैं।

कुलुसिऔं 3:22

सेवकौ, जो जा दुनिया के तरीका सै तुमरे मालिक हैं तौ उनकी सिगरी बातौं कै माने करौ, और उनके सिरप देखतेई टैम ना और ना लोगौ कै खुस कन्‍नै के ताँई, पर सच्‍चे दिल सै परमेसर को डर मानते भए काम करौ।

इफिसिऔ 6:5

सेवकौ, जो लोग तुमरे जा धरती के मालिक हैं, उनकी बात डर और काँपते भए सच्‍चे दिल सै मानौ जैसो तुम मसी की बातौं कै मानते आए हौ।

2 कुरन्‍थियों 11:3

पर मैं इसताँई डरौ हौं कै जैसे साँप नै हब्बा कै चालाँकी सै बैहकाओ हो, बैसेई कहीं तुमरे सच्‍चे मन और जो पियार तुम मसी सै करौ हौ बासै तुमकै भटका ना दै।

2 कुरन्‍थियों 9:13

तुमरो जौ सेवा को काम देक्‍कै बे परमेसर की बड़ाई करंगे कैसेकै तुम ईसु मसी की अच्‍छी खबर के हिसाब से चलौ हौ और बाके आधीन रैहबौ हौ और जो तुम परमेसर के लोगौ के ताँई और सबई के ताँई दान देवौ हौ, तौ बे जाके ताँई परमेसर को धन्‍नबाद करै हैं।

2 कुरन्‍थियों 9:11

तुम हर एक बातौं मै सेट करे जाऔगे जिस्सै कै तुम हर मौके मै दिल खोलकै दैनै बारे बनौ और जब तुमरे दान कै उन लोगौ तक पौंचाओ जागो जिनकै जरूरत है, तौ बे परमेसर कै धन्‍नबाद दंगे।

2 कुरन्‍थियों 1:12

हमकै घमंड है, कै हम जौ बात कै साप मन सै बोल सकै हैं, हमनै जा दुनिया के संग और खास करकै जैसो परमेसर नै चाँहो बैसोई हमनै तुम लोगौ के संग ईमानदारी और सच्‍चाई के संग बरताब करो है। जे बात परमेसर की किरपा सै मिलै हैं ना कै दुनिया की मन की समज सै।

रोमियो 13:6

इसताँई तौ तुम लोग लगान बी चुकाबौ हौ कैसेकै अधकारी परमेसर के सेवक हैं, और बे हमेसा इनई कामौ मै लगे रैहबैं हैं।

रोमियो 12:13

परमेसर के लोगौ की जो बी जरूरत हैं, उनमै तुम उनकी सायता करौ। और पौंहनेऔ की खातरदारी मै लगे रैहऔ।

मत्‍ती 25:40

“तब राजा उनकै जबाब देगो, ‘मैं तुमसै सच कैरओ हौं, कै तुमनै जो मेरे इन छोटे से छोटे भईयौ मै सै किसी एक के संग करो, बौ तुमनै मेरे ताँई करो।’

चेलौ के काम 13:12

जो कुछ बहाँ भओ हो बाकै देक्‍कै राजपाल नै परभु मै बिसवास करो और बचन सुनकै ताजुब करो।

चेलौ के काम 4:36

कुपरूस जघै मै एक आदमी हो जिसको नाम यूसप हो और बौ एक लेबी गोत को हो। और भेजे भए चेला बाकै बरनबास नाम सै बुलाबै हे, जिसको मतलब है, “हिम्मत बढ़ानै बारो लौंड़ा।”

चेलौ के काम 11:23

बानै बहाँ पौंच कै परमेसर की किरपा कै लोगौ के बीच मै देखो और बेसानी खुस भओ और बानै सबई जनी कै जौ बात सिकाई कै पूरे दिल सै परभु के बिसवास मै बने रौह।

1 तीमुथियुस 6:18

जाऔ उनकै हुकम दो कै बे भलाई करैं और भलाई के काम मै सेट बनै, और दान दैनै बारे और सायता कन्‍नै मै अग्गे आँय।