रोमियो 11:21 - बुक्सा

²¹ कैसेकै अगर परमेसर नै जब उन डुग्गिऔ कै ना रैहन दओ जो उसमै पैलेई सै हीं तौ बौ तुमकै कैसे रैहन देगो?

रोमियो 11:21 Referans Kwoze

यहूदा 1:5

मैं तुमकै याद दिब्बानो चाँहौ हौं, बलकन तुम उन बातौं कै पैलेई सै जानौ बी हौ कै परभु मिसर देस सै ईसराइली लोगौ कै बचाकै लाओ और बाद मै जिन्‍नै बिसवास ना करो हो उन लोगौ कै नास करो।

रोमियो 11:19

पर अब तुम कैऔगे, “हाँ, इसताँई बे डुग्गी तोड़ी गंई, कै मैंकै कलम करकै लगाओ जाऐ।”

रोमियो 8:32

बौ जिसनै अपने लौंड़ा तक की परवा ना करी, पर उसकै हम सबके ताँई दे दओ, तौ बौ उसके संग हमकै सब कुछ मुफत मै काए ना देगो?

रोमियो 11:17

पर अगर कुछ डुग्गी तोड़कै अगल कर दई गंई और तुम जो जंगली जैतून हौ, और तुम उनकी जघै मै कलम लगाए गए हौ और तुम उस जैतून की जड़ सै तागत लेते रैहए।

रोमियो 11:20

जौ सच है, कै बे अपने अबिसवास के कारन काटकै अगल कर दए गए, मगर तुम अपने बिसवास के कारन अपनी जघै मै बने भए हौ। तुम घमंड ना करौ, पर चौकस रैहओ।

रोमियो 11:22

इसताँई परमेसर की दया और बाकी सकताई मै धियान दे। जौ सकताई उसके ताँई है जो गिरे हैं, पर तुम बाकी दया मै बने रैहऔ, तौ तुमरे ऊपर दया होगी। ना तौ तुम बी पेड़ सै काट फैंके जाऔगे।