रोमियो 1:9 - बुक्सा

⁹ परमेसर जिसकी सेवा मैं पूरे मन सै करौ हौं और जिसके लौंड़ा की अच्‍छी खबर मैं देवौ हौं, बौई मेरो गभा है कै मैं कैसे कैसे तुमकै हमेसा याद करौ हौं।

रोमियो 1:9 Referans Kwoze

इफिसिऔ 6:18

और तुम हमेसा आत्‍मा मै हर तरै सै पिराथना और बिनती करते रौह, और चौकस रैहते भए हर बखत पक्‍के रैहकै सबई पबित्‍तर लोगौ के ताँई पिराथना करते रौह।

2 तीमुथियुस 1:3

मैं तुमकै रात-दिन अपनी पिराथना मै याद करते भए परमेसर को धन्‍नबाद देवौ हौं, और जैसी सेवा मेरे बापदादौं नै करी ही, बैसीई मैं बी साप मन सै करौ हौं।

रोमियो 9:1

मैं मसी मै सच कैबौ हौं, झूँट ना बोलौ हौं और मेरे भीतर की आत्‍मा बी पबित्‍तर आत्‍मा मै गभाई देवै है।

1 थिसलुनीकियौ 5:17

हमेसा पिराथना करौ।

2 कुरन्‍थियों 1:23

परमेसर मेरो गभा है कै, मैं फिर सै कुरन्‍थी सैहर मै इसताँई ना आओ कै मैं तुमकै दुख ना पौंचा सकौं।

1 थिसलुनीकियौ 3:10

हम रात-दिन पूरे दिल सै परमेसर सै जौ पिराथना करै हैं कै तुमकै देख सकैं। अगर तुमरे भीतर बिसवास की कुछ कमी है तौ बाकै पूरो करैं।

1 थिसलुनीकियौ 1:2

हम अपनी पिराथनाऔ मै तुमकै याद करते भए परमेसर को हमेसा धन्‍नबाद देवै हैं।

फिलिप्‍पीऔ 3:3

कैसेकै हम जो सच्‍ची आत्‍मा सै परमेसर की बड़ाई करै हैं, हमई सच्‍चे खतना बारे हैं और हम सरीर की बातौं मै ना पर मसी ईसु मै गर्ब करै हैं।

फिलिप्‍पीऔ 1:4

और जब बी मैं तुम सबई के ताँई पिराथना करौ हौं, तौ हमेसा खुसी के संग करौ हौं।

चेलौ के काम 27:23

कैसेकै जिस परमेसर को मैं हौं और जिसकी सेवा मैं करौ हौं बाको एक सुरगदूत रात मै मेरे सामने खड़ो भओ और बानै मैंसै कैई कै,

चेलौ के काम 19:21

जौ सब होनै के बाद पौलुस नै अपने दिल मै मकिदुनिया और अखाया इलाके सै होते भए ऐरूसलेम जानै की ठान लई और कैई कै, “बहाँ जानै के बाद मेरो रोम मै जानो बी सई होगो।”

1 तीमुथियुस 2:7

जाई बजै सै मैंकै परचार कन्‍नै के ताँई भेजो भओ चेला बनाओ है। मैं सच कैरओ हौं, झूँट ना बोल रओ हौं। मैंकै गैर यहूदी लोगौ के बिसवास और सच्‍चाई कै सिकानै के ताँई गुरूजी बनाओ गओ।

फिलिप्‍पीऔ 2:22

पर तीमुथियुस नै तुमरे सामने अपनी काबिलियत कै साबित करो है जौ तौ तुम जानौई हौ जैसो लौंड़ा अपने अब्बा के संग काम करै है, बैसेई बानै अच्‍छी खबर के परचार मै मेरे संग मैहनत करी है।

गलातिऔ 1:20

परमेसर मेरो गभा है कै मैंनै तुमकै जो कुछ बात लिखी हैं बे सच्‍ची हैं।

2 कुरन्‍थियों 11:31

परभु ईसु को परम पिता परमेसर युगौं-युगौं तक धन्‍न है, बौ जानै है कै मैं झूँट ना बोल रओ हौं।

चेलौ के काम 24:14

पर मैं तेरे सामने जा बात कै मान लेबौ हौं कै मैं अपने बापदादौं के परमेसर की आराधना ईसु की रस्ता के हिसाब सै करौ हौं जिसकै जे बेकार कैबै हैं, और जो कुछ मूसा के नियम मै और नबिऔ की किताबौ मै जो लिखो है, उनके ऊपर मैं बिसवास करौ हौं।

चेलौ के काम 12:5

जब पतरस कै जेल मै रक्‍खो गओ, तबई बिसवासिऔ की मंडली के लोगौ नै बाके ताँई एक मन होकै परमेसर सै पिराथना कन्‍नी सुरू करी।

चेलौ के काम 3:26

परमेसर नै जब अपने लौंड़ा ईसु कै मरे भएऔं मै सै जिन्‍दो करो तौ सब सै पैले तुमरे धौंरे भेजो जिस्सै कै तुमरे बुरे कामौ सै छुटाकै तुमकै आसीस दे।”

लूका 18:1

फिर ईसु नै उनकै जौ बतानै के ताँई कै बे लगातार पिराथना करते रैंह और हिम्मत ना हारैं, जौ दासतान सुनाई:

मरकुस 1:1

परमेसर के लौंड़ा ईसु मसी की अच्‍छी खबर की सुरूआत।

फिलेमौन 1:4

मैं अपनी पिराथना मै तुमकै याद करते भए हमेसा अपने परमेसर को धन्‍नबाद करौ हौं।

फिलिप्‍पीऔ 1:3

मैं जब-जब तुमकै याद करौ हौं, तब-तब अपने परमेसर को धन्‍नबाद देवौ हौं।