रोमियो 1:30 - बुक्सा

³⁰ दूसरौं कै बुरी बातौं सै बदनाम कन्‍नै बारे, परमेसर सै नफरत कन्‍नै बारे, दूसरौं की बेजती कन्‍नै बारे, घमंडी, डींगमार, बुरे-बुरे कामौ कै ढूंड़नै बारे, अईया-अब्बा की आगियाँ ना माननै बारे।

रोमियो 1:30 Referans Kwoze

2 तीमुथियुस 3:2

कैसेकै आदमी खुदई के बारे मै सोचनै बारो, लालची, गप्‍पी, घमंड कन्‍नै बारो, परमेसर की बुराई कन्‍नै बारो, अईया-अब्बा को कैहनो ना माननै बारो, दया ना कन्‍नै बारो, अपबित्‍तर,

यहूदा 1:16

ऐंसे लोग चुगली कन्‍नै बारे और दूसरौं मै गलती ढूंड़नै बारे हैं, और जे अपनी बुरी इच्‍छा के पीछे चलै हैं और अपने मौह सै घमंड बारी बात बोलै हैं, और अपने फाएदा के ताँई जे दूसरौं की झूँटी बड़ाई करै हैं।

2 पतरस 2:18

जे बेकार की घमंड की बात करकै और सरीर की बुरी इच्‍छा और लुचपन की बातौं मै उनकै अपनी ओर खैंच लेबै हैं, जो गलत सिक्‍छा मै हैं उन लोगौ सै अबी-अबी बचकै लिकरे हैं।

याकूब 4:16

पर अब तुम अपने घमंड के ऊपर सेकी मारौ हौ। ऐंसो हर तरै को घमंड बुरो होवै है।

याकूब 3:5

बैसेई जीब बी सरीर को एक छोटो सो अंग है, मगर बौ लम्बी-लम्बी हांकै है, और देखौ, छोटी सी आग की चिंगरिया सै बड़े से बन मै आग लग जावै है।

तीतुस 3:3

कैसेकै हम बी पैले, मूरख और आगियाँ ना माननै बारे, और भरम मै पड़े भए और हर तरै की बुरी बासनाऔ और सुकबिलास के गुलाम हे, बैरभाव, जरन और नफरत कन्‍नै मै जिन्‍दगी बिता रए हे, हम सै लोग नफरत करै हे, और हम बी एक दूसरे सै बैर रक्‍खै हे।

2 थिसलुनीकियौ 2:4

बौ देबताऔ और सिगरी पूजनै की चीजौ को बिरोद करैगो और खुद कै बड़ो ठैरागो और बौ परमेसर के मन्‍दर मै बैठकै खुद कै परमेसर कैगो।

2 कुरन्‍थियों 10:15

हम अपनी हद सै बाहार जाकै किसी दूसरे आदमी के काम के ऊपर घमंड ना करै हैं। पर हमरी जौ आस है कै जैसे-जैसे तुमरो बिसवास बढ़ैगो तौ बैसेई हम बी अपनी हद के भीतर तुमरी बजै सै और बी जादा बढ़ते जांगे,

रोमियो 3:27

तौ फिर घमंड कन्‍नो कहाँ रैहओ? बौ तौ खतम हो गओ। पर किस बजै सै? का करमौं के बजै सै? ना! पर बिसवास के नियम सै।

रोमियो 2:23

तू जो नियम के बारे मै घमंड करै है, तौ नियम कै तोड़कै परमेसर की बेजती काए करै है?

रोमियो 2:17

अगर तू यहूदी कैलाबै है, और नियम मै भरोसो रक्‍खै है, और परमेसर के बारे मै घमंड करै है।

चेलौ के काम 5:36

कैसेकै कुछ साल पैले थियूदास बी खुद कै बड़ो समजै हो और कम सै कम चार सौ लोग बाके संग हे। जब बाकै मार दओ तौ बाके संग के साती बी इतै-उतै भाज गए और बाको नामोनिसान तक मिट गओ हो।

लूका 21:16

तुमरे अईया-अब्बा, भईया और टब्बर और तुमरे दोस्त बी तुमकै धोके सै पकड़बांगे; हिंया तक कै तुम्मै सै कुछ कै तौ मरवा डारंगे।

मत्‍ती 16:21

उस टैम सै ईसु अपने चेलौ कै बताल लगो कै, “मैंकै ऐरूसलेम जानो होगो, बुजरग यहूदी मुखियौं, मुक्‍ख पुजारिऔं और सास्तरिऔं की ओर सै भौत दुख उठानो, मार डारो जानो और तीसरे दिन जी उठनो होगो।”

मत्‍ती 15:4

कैसेकै परमेसर नै कैई ही कै, ‘अपने अब्बा और अपनी अईया की इज्‍जत करिओ,’ और ‘जो कोई अपने अब्बा या अईया कै बुरो कैए, बौ मार डारो जाय।’

यहून्‍ना 7:7

दुनिया तुमसै दुसमनी ना कर सकै है पर मैंसै करै है, कैसेकै मैं जा बात की गभाई देवौ हौं, कै उनके काम बुरे हैं।

2 कुरन्‍थियों 12:20

कैसेकै मैंकै जा बात को डर है कै जब मैं तुमरे धौंरे आऔं तौ तुमकै बैसो ना पांऔ जैसो मैंनै सोचो है, और तुम बी मैंकै बैसो ना पाऔ जैसो तुम सोचै हे। मैंकै जा बात को डर है कै कबी तुमरे बीच मै आपस मै लड़ाई, जरन, घुस्सा, मतलबी इच्‍छा, चुगली, घमंड, और नियम सई ना मिलै।