परकासन 3:19 - बुक्सा

¹⁹ “मैं जिनसै पियार करौं हौं, उनकै डाँटौ और डन्ड देवौ हौं, इसताँई जोसीलो बन और मन फिरा।

परकासन 3:19 Referans Kwoze

1 कुरन्‍थियों 11:32

पर जब्बी परभु हमकै सजा देवै है, तौ बौ हमकै सुदान्‍नै के ताँई देवै है। जिस्सै कै हम जा दुनिया के लोगौ के संग दोसी ना बनै।

परकासन 2:5

इसताँई याद कर, कै तू कहाँ सै गिरो है और मन फिरा और पैले के हाँई काम कर। अगर तू मन ना फिरागो, तौ मैं तेरे धौंरे आकै तेरे आरे कै बाकी जघै सै हटा दंगो।

2 कुरन्‍थियों 7:11

तुम देखौ हौ, जो दुख परमेसर की ओर सै आए हैं, उन दुखौ की बजै सै तुमरी जिन्‍दगी बदलल लगी ही। तुम खुद कै निरदोस साबित कन्‍नै के ताँई पूरे जोस सै भरे भए, तुम्मै अनियाय के ताँई घुस्सा, मुसीबत के ताँई हमेसा तईयार, मैंसै जल्दी मिलनै के ताँई इच्‍छा, सेवा की भक्‍ति और गलत काम कन्‍नै बारौ कै सजा दैनै के ताँई हमेसा तईयार हौ। तुमनै ऐंसो करकै जौ बता दओ है कै तुमनै सबई कुछ सई कन्‍नै मै कोई कसर ना छोड़ी है।

याकूब 1:12

धन्‍न है बौ आदमी, जो परख मै खरो लिकरै है, कैसेकै बौ खरो लिकरकै जिन्‍दगी को बौ मुकट पागो, जिसको बादो परमेसर नै अपने पियार कन्‍नै बारौ सै करो है।

तीतुस 2:14

जिसनै अपने आपकै हमरे ताँई दे दओ कै हमकै हर तरै की बुराई सै छुटाले, और सुद्‍द करकै अपने ताँई खुद ऐंसी परजा बना ले जो भले कामौ मै तईयार हो।

रोमियो 12:11

आलसी मत बनौ पर पूरे दिल सै मैहनत करौ, और पबित्‍तर आत्‍मा के दुआरा फुरतीले बने रौह और परभु के दास बनौ।

2 कुरन्‍थियों 6:9

लोग हमकै परदेसिऔं के हाँई समजै हैं, पर हमकै सबई जानै हैं। हम मरे भए हाँई दिखाई देवै हैं, पर फिर बी जिन्‍दे हैं। मार खानै बारौ के हाँई हैं, फिर बी जान सै ना मारे जावै हैं।

यहून्‍ना 2:17

तब उसके चेलौ कै याद आई कै पबित्‍तर सास्तर मै लिखो है, “तेरे घर के ताँई मेरो पियार मैंकै खा जागो।”

गलातिऔ 4:18

पर हमेसा अच्‍छे मकसद के ताँई जोसीलो होनो बढ़िया होवै है, और ना सिरप बाई बखत मै जब मैं तुमरे संग हौं।

मत्‍ती 25:7

तब बे सबई कुँआरी उठकै अपनी अपनी मसाल ठीक करल लगीं।