परकासन 3:15 - बुक्सा

¹⁵ “मैं तेरे कामौ कै जानौ हौं कै ना तू ठंडो है ना गरम, भलो होतो कै तू ठंडो या गरम होतो।

परकासन 3:15 Referans Kwoze

रोमियो 12:11

आलसी मत बनौ पर पूरे दिल सै मैहनत करौ, और पबित्‍तर आत्‍मा के दुआरा फुरतीले बने रौह और परभु के दास बनौ।

मत्‍ती 6:24

“कोई बी एक संग दो मालिकौं की सेवा ना कर सकै है, बौ या तौ एक सै बैर और दूसरे सै पियार करैगो, या एक को आदर और दूसरे की बेजती करैगो, तुम परमेसर और धन दौनौ की सेवा एक संग ना कर सकौ हौ।

याकूब 1:8

कैसेकै ऐंसो आदमी दो सोच बारो है, और बौ सिगरी बातौं मै डामाडोल रैहबै है।

परकासन 2:4

“पर मैंकै तेरे खिलाप जौ कैनो है कै तैनै अपनो पैले जैसो पियार छोड़ दओ है।

मत्‍ती 24:12

बुराई के बढ़नै सै लोगौ मै पियार भाब घट जागो,

1 पतरस 1:22

अब देखौ जब तुमनै सच्‍चाई की बातौं कै मानो है और अपनी आत्‍मा कै पबित्‍तर करो है तौ तुम सच्‍चे दिल सै एक दूसरे सै पियार रक्‍खौ, और आनै बारे बखत मै बी पूरे दिल सै पियार करौ।

फिलिप्‍पीऔ 1:9

और मैं जौ पिराथना करौ हौं कै तुमरो पियार, पूरो गियान और सब तरै की समज मै और बी जादा बढ़तो जाऐ।

2 कुरन्‍थियों 12:20

कैसेकै मैंकै जा बात को डर है कै जब मैं तुमरे धौंरे आऔं तौ तुमकै बैसो ना पांऔ जैसो मैंनै सोचो है, और तुम बी मैंकै बैसो ना पाऔ जैसो तुम सोचै हे। मैंकै जा बात को डर है कै कबी तुमरे बीच मै आपस मै लड़ाई, जरन, घुस्सा, मतलबी इच्‍छा, चुगली, घमंड, और नियम सई ना मिलै।

मत्‍ती 10:37

“जो अपने अईया-अब्बा और लौंड़ा लौंड़िया कै मैंसै जादा पियार करै है, बौ मेरे लायक ना है।

परकासन 3:1

“सरदीस के बिसवासिऔ की मंडली के सुरगदूत कै जौ लिख, “जिसके धौंरे परमेसर की सात आत्‍मा और सात तारे हैं, बौ जौ कैबै है कै, “मैं तेरे कामौ कै जानौ हौं, तू जिन्‍दो तौ कैलाबै है, पर है मरो भओ।

परकासन 2:2

“मैं तेरे काम, तेरी मैहनत और तेरे धीरज कै जानौ हौं और जौ बी जानौ हौं कै तू दुसट लोगौ की सैह ना सकतो, और जो अपने आपकै भेजे भए चेला कैबै हैं, पर हैं ना, तैनै बे परखे और झूँटे पाए हैं।

2 थिसलुनीकियौ 1:3

ओ भईयौ और बहनौ, हमकै तुमरे ताँई परमेसर को हमेसा धन्‍नबाद दैनो चँईऐ और जौ सई बी है, कैसेकै तुमरो बिसवास बेसानी बढ़तो जावै है और आपसी पियार बी बढ़तो जावै है।

1 कुरन्‍थियों 16:22

जो कोई परभु कै पियार ना करै है, बाकै सराप मिलैगो। हे परभु आ।

परकासन 3:16

तू ना तौ ठंडो है ना गरम, पर गुनगुनो है इसताँई मैं तेकै अपने मौह सै उगल दंगो।