परकासन 3:11 - बुक्सा

¹¹ “मैं जल्दी आनै बारो हौं। जो कुछ तेरे धौंरे है, बाकै थामे रैह कै कोई तेरो मुकट छीन ना ले।

परकासन 3:11 Referans Kwoze

याकूब 1:12

धन्‍न है बौ आदमी, जो परख मै खरो लिकरै है, कैसेकै बौ खरो लिकरकै जिन्‍दगी को बौ मुकट पागो, जिसको बादो परमेसर नै अपने पियार कन्‍नै बारौ सै करो है।

परकासन 22:12

देखौ, मैं जल्दी आनै बारो हौं, मेरे हात मै तुमरे कामौ को फल बी है, और हर एक आदमी कै उसके कामौ के हिसाब सै फल दंगो।

परकासन 2:10

जो दुख तेकै झेलने पड़ंगे, उनसै मत डर, कैसेकै देखौ, सैतान तुम्मै सै, कुछ कै जेलखाने मै डान्‍नै बारो है कै तुम परखे जाऔगे और तुमकै दस दिन तक सताओ जागो। तू मौत को सामनो करते बखत बी बिसवास मै ईमानदार रैह और मैं तेकै जिन्‍दगी को मुकट दंगो।

परकासन 2:25

पर जो सिक्‍छा तुमरे धौंरे है, मेरे आनै तक उसकै मजबूती सै थामे रैहऔ।

2 तीमुथियुस 4:8

अब सुरग मै मेरे ताँई धारमिकता को मुकट तईयार करकै रखर खाओ है और परभु जो सच्‍चो नियाय कन्‍नै बारो है। मैंकै बा दिन देगो और मैंकैई ना पर उन सबई लोगौ कै बी देगो जो पियार के संग बाको फिर सै आनै को पैंड़ो देख रए हैं।

2 तीमुथियुस 2:5

इसई तरै सै अगर कुस्ती के मैदान मै जो कोई नियम के हिसाब सै ना लड़ै, तौ बाकै ईनाम ना मिलै है।

परकासन 22:20

ईसु जो इन बातौं की गभाई देवै है, बौ कैबै है, “हाँ! मैं जल्दी आनै बारो हौं।” ऐंसोई होए। हे परभु ईसु आ!

परकासन 1:3

धन्‍न है बौ जो इस भबिसबानी के बचनौ कै पढ़कै सुनावै है, और धन्‍न हैं बे जो सुनै हैं और जामै लिखी भई बातौं कै मानै हैं, कैसेकै बौ टैम धौंरे आ गओ है।

परकासन 4:10

तब जे चौबीसौ बुजरग सिंगासन मै बैठनै बारे के सामने गिर पड़ै हैं और बाकी जो युगौं-युगौं तक जिन्‍दो है आराधना करैं हैं और बे अपने अपने मुकट सिंगासन के सामने जौ कैते भए डार देवै हैं,

1 कुरन्‍थियों 9:25

खेल मै हिस्सा लैनै बारे खिलाड़ी अपने सरीर के ऊपर काबू करकै धियान सै खुद कै तईयार करै है। बौ बी ऐंसे ईनाम के ताँई जो जादा बखत के ताँई ना रैहबै है। पर हम ऐंसे ईनाम के ताँई करै हैं, जो हमेसा रैहबै है।

परकासन 3:3

इसताँई याद कर, कै तैनै कैसी सिक्‍छा पाई ही और सुनी ही, और उनमै बनो रैह और मन फिरा। अगर तू जगो ना रैहगो तौ मैं चोर के हाँई आ जांगो और तू जान ना सकैगो कै मैं किस घड़ी तेरे धौंरे आ गओ।

परकासन 4:4

उस सिंगासन के चारौ लंग चौबीस सिंगासन हैं और इस सिंगासनौ मै चौबीस मुखिया सपेद लत्‍ता पैहरे भए बैठे हैं और उनकी खोपड़िऔ मै सौने के मुकट हैं।

परकासन 2:13

“मैं जौ जानौ हौं कै तू बहाँ रैहबै है जहाँ सैतान को राज है। तू मेरे नाम मै खड़ो रैहबै है, और मेरे ऊपर बिसवास कन्‍नै सै उन दिनौ मै बी पीछे ना हटो जब मेरो ईमानदार गभा अन्‍तिपास, तुमरे बीच उस जघै मै मारो गओ जहाँ सैतान को अड्‍डा है।

परकासन 22:7

“देखौ, मैं जल्दी आनै बारो हौं; धन्‍न हैं बे, जो जा किताब की भबिसबानी की बातौं कै मानै हैं।”

याकूब 5:9

हे भईयौ, एक दूसरे के खिलाप कुड़कुड़ाऔ ना, जिस्सै कै तुम दोसी ना बन जाऔ। देखौ, नियाय कन्‍नै बारो मौहड़े मैई खड़ो है।

फिलिप्‍पीऔ 4:5

तुमरे सबर बारे सौभाब कै सब लोग जान सकैं, कैसेकै परभु आनै बारो है।

परकासन 16:15

“देखौ! मैं चोर के हाँई आ रओ हौं। धन्‍न है बौ, जो जगतो और अपने लत्‍तौ कै अपने संग रक्‍खै है, ताकि बौ नंगो ना फिरै और लोगौ के सामने उसकै सरमिन्‍दा ना होनो पड़ै।”