Biblia Todo Logo
Bib sou entènèt

- Piblisite -




परकासन 22:6 - बुक्सा

6 फिर सुरगदूत नै मैंसै कैई “जे बात बिसवास बारी और सच्‍ची हैं, और परभु नै, जो नबिऔ के आत्‍माऔ को परमेसर है, और बानै अपने सुरगदूत कै इसताँई भेजो, कै बौ अपने दासौं कै बे बात दिखा दे जिनको जल्दी जल्दी पूरो होनो जरूरी है।”

Gade chapit la Kopi




परकासन 22:6
26 Referans Kwoze  

जौ ईसु मसी को परकासन है, जौ बाकै परमेसर नै इसताँई दओ कै अपने सेवकौ कै बे बात दिखाऐ, जो जल्दी होनै बारी हैं, ईसु मसी नै अपने सुरगदूत कै भेजकै जा परकासन को गियान अपने सेवक यहून्‍ना कै बताओ,


तब जो सिंगासन मै बैठो हो, उसनै कैई, “देख, मैं सब कुछ नओ बना देवौ हौं।” उसनै फिर कैई, “इसकै लिख ले कैसेकै जे बचन बिसवास कन्‍नै बारे और सच्‍चे हैं।”


और सुरगदूत मैंसै कैललगो, “लिख: धन्‍न हैं बे, जिनकै मैमना के बिहा की दाबत मै बुलाओ गओ है।” उसनै फिर कैई, “जे परमेसर के सच्‍चे बचन हैं।”


कैसेकै कोई बी भबिसबानी आदमी की मरजी सै कबी ना भई है। पर पबित्‍तर आत्‍मा की सायता सै आदमी परमेसर की ओर सै बोलै है।


पर परमेसर नै नबिऔ के दुआरा जौ पैलेई सै किब्बा दओ हो, कै मसी दुख उठागो। उन बातौं कै परमेसर नै इस तरै पूरो करो हो।


जैसे पुराने बखत सै बौ अपने पबित्‍तर नबिऔ के मौह सै जौ कैतो आओ है।


“हे सुरग, पबित्‍तर लोगौ, भेजे भए चेलौ और नबिऔ, खुसी मनाऔ, कैसेकै परमेसर नै नियाय करकै उस्सै तुमरो बदलो लओ है।”


तुम उन बातौं कै जो पबित्‍तर नबिऔ नै पैलेई सै कैंई हीं; उनकै याद करौ और परभु और मुक्‍ति दैनै बारे की आगियाँ कै, जो भेजे भए चेलौ के दुआरा तुमकै दई हैं याद करौ।


संग-संग हमरे ताँई जा दुनिया को अब्बा बी है जो सजा देवै है और हम तब्बी बाकी इज्‍जत करै हैं। तौ हमरो आत्‍मिक अब्बा परमेसर के हक मै रैहनो और बी जादा अच्‍छो ना है? बासै हमकै जिन्‍दगी मिली है।


मैं उन सबई के नाम जौ चिट्‌ठी लिख रओ हौं, जो रोम मै परमेसर के पियारे हैं और जो पबित्‍तर होनै के ताँई बुलाए गए हैं, हमरे पिता परमेसर और परभु ईसु मसी की ओर सै तुमकै किरपा और सान्‍ति मिलती रैह।


“देखौ, मैं जल्दी आनै बारो हौं; धन्‍न हैं बे, जो जा किताब की भबिसबानी की बातौं कै मानै हैं।”


नबी अपनी भबिसबानी के ऊपर काबू रख सकै है।


आदमी को लौंड़ा अपने सुरगदूतौं कै भेजैगो, बे बाके राज मै सै उन सबकै जो पाप की बजै बनै हैं और कुकरम कन्‍नै बारौ कै इखट्‍टे करैगो।


“नियम और नबिऔ की भबिसबानी तौ यहून्‍ना जल संस्कार दैनै बारे के टैम तक रैहईं। और उस टैम के बाद सै परमेसर लोगौं के जिन्‍दगी मै किस रीती सै राज करैगो, उसके बारे मै सिकातो आओ, और भौत लोग जे बात मानकै परमेसर के राज मै घुसनै के ताँई कोसिस कर रए हैं।


और तुम जो कसट झेल रए हौ बाकै परमेसर हमरे संग आराम मै बदल देगो। और जौ तब होगो जब परभु ईसु अपने सकतिसाली सुरगदूतौं के संग सुरग सै,


हे भईयौ और बहनौ, मैं तुमसै जौ कैरओ हौं, कै बखत कम है, इसताँई जो बिहाले हैं, बे ऐंसे रैह मानौ कै उनको बिहई ना भओ है।


पतरस कै जैसेई जे बात समज मै आँई तबई बानै कैई, “अब मेरी समज मै आ गओ है कै परभु नै अपने सुरगदूत कै भेजकै हेरोदेस के हातौ सै छुटा दओ और यहूदी लोगौ के काम मै पानी फिरा दओ।”


इन बातौं के बाद मैंनै नजर उठांई तौ का देखौ हौं कै सुरग मै एक मौहड़ो खुलो भओ है, और तुरही की अबाज के जैसी जो पैली अबाज मैंनै सुनी, बानै कैई, “हिंया ऊपर आ, और मैं बे बात तेकै दिखांगो, जिनको इन बातौं के बाद पूरो होनो जरूरी है।”


जिन सात सुरगदूतौं के धौंरे आखरी सात मुसीबत सै भरे भए सात कटोरा हे, उनमै सै एक मेरे धौंरे आओ, और कैललगो, “इतै आ, मैं तेकै दुलहैन यानी मैमना की बईयर दिखांगो।”


फिर उस सुरगदूत नै मैंकै जिन्‍दगी के जल की नद्‍दी दिखाई, जो काँच के जैसे चमक रई ही, जो परमेसर और मैमना के सिंगासन सै बैह रई ही।


मैं ईसु हौं और मैंनै अपने सुरगदूत कै इसताँई भेजो, कै तुमरे धौंरे बिसवासिऔ की मंडलिऔ के ताँई इन बातौं की गभाई दे सकौं। मैं दाऊद की जड़ और उसको बंस हौं और सुबे को चमकनै बारो तारो हौं।


Swiv nou:

Piblisite


Piblisite