परकासन 21:8 - बुक्सा

⁸ मगर डरपौकौ, अबिसवासिऔं, बुरे लोगौ, खूनी, बैबिचारिऔ, जादू कन्‍नै बारे और मूरती पूजा कन्‍नै बारे और सबई झूँट बोलनै बारौं को हिस्सा उस झील मै मिलैगो, जिसमै आग और गन्धक पजरती रैहबै है। जौ दूसरी मौत है।”

परकासन 21:8 Referans Kwoze

परकासन 2:11

“जिसके कान हौं, बौ सुन ले कै आत्‍मा बिसवासिऔ की मंडलिऔ सै का कैबै है। जो जै पाय, बाकै दूसरी मौत सै कोई नुकसान ना पौंचैगो।

परकासन 22:15

पर कुत्‍ता, जादू-टोना कन्‍नै बारे, बैबिचारी लोग, खूनी लोग, मूरती पूजा कन्‍नै बारे, और हर एक झूँट बोलनै बारे और झूँट सै पियार कन्‍नै बारे, बाहारई रैहंगे।

1 यहून्‍ना 3:15

जो कोई अपने भईया सै नफरत करै है, बौ खूनी है और तुम जानौ हौ कै किसी बी खूनी के भीतर हमेसा की जिन्‍दगी ना रैह सकै है।

परकासन 19:20

और बौ जनाबर और उसके संग बौ झूँटो नबी पकड़ो गओ, जिसनै जनाबर के सामने ऐंसे चमत्कार के चिन्‍न दिखाए हे, जिनके दुआरा उसनै उनकै बैहकाओ हो, जिनौनै उस जनाबर को निसान लगाओ हो, और जो उसकी मूरती की पूजा करै हे। बे दौनौ जिन्‍देई धदकती गन्धक की आग की झील मै डार दए।

इबरानिओ 13:4

बिहा सब मै इज्‍जत की बात समजी जाऐ और लोग-बईयर एक दूसरे के संग बिसवासजोग रैंह। कैसेकै परमेसर बैबिचार कन्‍नै बारौ कै और गलत तरीका सै सरीरिक सम्बंध रखनै बारौ कै सजा देगो।

1 तीमुथियुस 4:2

ऐंसो उन झूँटे धोको दैनै बारे लोगौ की बजै सै होगो, जिनकै अपनी किसी बी गलती को कोई अहसासई ना होवै है।

मत्‍ती 8:26

तब ईसु नै उनसै कैई, “हे अल्प बिसवासिऔ काए डरौ हौ?” तब उसनै उठकै आँधी और पानी कै डाँट लगाई और सब सान्‍त हो गओ।

परकासन 9:21

उनौनै हत्‍तियाऔ, जादू टौना, बईयरौं सै गलत काम और चोरी चकारी सै मन ना फिराओ।

यहून्‍ना 8:44

तुम अपने अब्बा सैतान की औलाद हौ। और तुम अपने अब्बा की इच्‍छा मै चलनो चाँहौ हौ। बौ सुरू सैई हत्‍तियारो हो। और बौ सच्‍चाई मै कबी कायम ना रैहबै है। कैसेकै बामै सच्‍चाई हैई ना। जब बौ झूँट बोलै है तौ अपने सौभाब सै बोलै है, कैसेकै बौ झूँटो है और झूँट को अब्बा है।

मत्‍ती 10:28

“उनसै ना डरौ, जो सरीर कै मार डारै हैं, पर आत्‍मा कै ना मार सकैं हैं; पर उस्सै डरौ, जो आत्‍मा और सरीर दौनौ कै नरक मै नास कर सकै है।

1 यहून्‍ना 2:22

पर जो कोई ईसु कै मसी ना मानै है, बौ झूँटो है। ऐंसो आदमी मसी बिरोदी है, बौ तौ पिता परमेसर और लौंड़ा ईसु मसी कै ना मानै है।

1 यहून्‍ना 5:10

जो परमेसर के लौंड़ा के ऊपर बिसवास करै है, बौ अपने भीतर बा गभाई कै रक्‍खै है। अगर कोई परमेसर मै बिसवास ना करै है, तौ बौ परमेसर कै झूँटो ठैराबै है। कैसेकै बानै बा गभाई को बिसवास ना करो, जो परमेसर नै अपने लौंड़ा के बारे मै दई ही।

परकासन 2:2

“मैं तेरे काम, तेरी मैहनत और तेरे धीरज कै जानौ हौं और जौ बी जानौ हौं कै तू दुसट लोगौ की सैह ना सकतो, और जो अपने आपकै भेजे भए चेला कैबै हैं, पर हैं ना, तैनै बे परखे और झूँटे पाए हैं।

2 थिसलुनीकियौ 2:9

बौ सबई सै बड़ो दुसट आदमी सैतान की सकति के संग आगो और चिन्‍न और सिगरे झूँटे चमत्कार के काम करैगो।

इबरानिओ 12:24

तुम ईसु के धौंरे जो नओ करारनामे को बिचौंदिया है और छिड़काब के खून के धौंरे आए हौ, जो हाबिल के खून सै बी अच्‍छे बचनौ कै बोलै है।

तीतुस 1:16

बे कैबै हैं कै हम परमेसर कै जानै हैं, पर अपने कामौ सै उसको इनकार करैं हैं, कैसेकै बे नफरत कन्‍नै बारे और आगियाँ ना माननै बारे हैं, और किसी अच्‍छे काम के लायक ना हैं।

परकासन 9:17

और मैंकै इस दरसन मै घोड़ा और उनके ऊपर सबार सिपाई ऐंसे दिखाई दए, सिपाई आग जैसे लाल, धमरकान्‍त जैसे लीले, गन्धक जैसे पेरे, कबज पैहरे भए हे। घोड़ौ की खोपड़ी सेरौ की खोपड़ी जैसी हीं और उनके मौह सै आग, धुआँ और गन्धक लिकर रई ही।

परकासन 14:10

तौ बौ परमेसर के कोप को रस पियैगो जो उसके घुस्सा के कटोरा मै डारो गओ है, और पबित्‍तर सुरगदूतौं के सामने और मैमना के सामने उसकै आग और गन्धक मै दरद देओ जागो।

परकासन 21:27

और कोई बी असुद्‍द चीज, बुरे काम कन्‍नै बारे, झूँट बोलनै बारे, किसी बी तरीका सै भीतर ना जा सकै हैं, पर बेई जा सकै हैं जिनके नाम मैमना के जिन्‍दगी की किताब मै लिखे हैं।

मत्‍ती 25:25

इसताँई मैं डर गओ और मैंनै जाकै तेरी असरपी गड्‍ढा खोदकै दबा दंई, देख, जो तेरो है, बौ बापस लौहटा रओ हौं।’

मरकुस 9:44