परकासन 12:11 - बुक्सा

¹¹ और उनौनै मैमना के खून और अपनी गभाई के बचन के दुआरा उसकै हरा दओ है। कैसेकै उनौनै अपनी जान दैनै की बी परवा ना करी।

परकासन 12:11 Referans Kwoze

यहून्‍ना 16:33

मैंनै जे बात तुमसै इसताँई कैंई कै मेरे दुआरा तुमकै सान्‍ति मिलै। दुनिया मै तुमकै दुख मिलो है मगर हौसला रक्‍खौ, मैंनै दुनिया जीत लई है।”

1 यहून्‍ना 5:5

जो कोई जौ बिसवास करै है कै ईसुई परमेसर को लौंड़ा है, बौई दुनिया के ऊपर जीत पावै है।

1 कुरन्‍थियों 15:57

पर हम अपने बा परमेसर को धन्‍नबाद देवै हैं, जो हमरे परभु ईसु मसी दुआरा हमकै जीतावै है।

परकासन 2:26

“जो जीत जांगे, और मेरे कामौ कै अन्‍त तक करते रैहंगे, जो अधकार मैंनै अपने अब्बा सै पाओ है बौ अधकार मैं उनकै दंगो। मैं उनकै जाति-जाति के लोगौ के ऊपर अधकार दंगो बे उनके ऊपर लोहो के डन्डा सै सासन करंगे और तोड़ डारंगे, जैसे मट्‍टी के बरतन टूटकै चकनाचूर हो जावै हैं। मैं बाकै सुबे को तारो दंगो।

रोमियो 16:20

सान्‍ति को परमेसर सैतान कै जल्दीई तुमरे पाँऐऔं के नीचे किचलैगो। हमरे परभु ईसु की किरपा तुमरे ऊपर बनी रैह।

चेलौ के काम 20:24

पर मेरे नजरौ मै मेरी जान की कोई कीमत ना है, कैसेकै मैं अपनी दौड़ पूरी कन्‍नै की सोचौ हौं और परमेसर के किरपा की अच्‍छी खबर कै सुनानै के काम कै पूरो कन्‍नो चाँहौ हौं जिसके ताँई मैंकै परभु नै चुनो है।

1 यहून्‍ना 4:4

हे पियारे बालकौ, तुम परमेसर के हौ। इसताँई तुमनै मसी के दुसमनौ के ऊपर जीत पा लई है। कैसेकै बौ परमेसर जो तुम्मै है, इस दुनिया मै रैहनै बारे सैतान सै महान है।

परकासन 3:5

जो जीत जागो उसकै इसई हाँई सपेद लत्‍ता पैहराए जांगे और मैं उसको नाम जिन्‍दगी की किताब मै सै ना मिटांगो, पर बाको नाम अपने अब्बा और उसके सुरगदूतौं के सामने मान लंगो।

परकासन 3:21

“जो जीत जागो उसकै मैं अपने संग अपने सिंगासन मै बैठांगो, जैसे मैं बी जीत पाकै अपने अब्बा के संग बाके सिंगासन मै बैठ गओ।

परकासन 3:12

जो जीत जागो, उसकै मैं अपने परमेसर के मन्‍दर मै एक खम्मा बनांगो। और बौ फिर कबी बाहार ना लिकरैगो। मैं अपने परमेसर को नाम और अपने परमेसर के सैहर को नाम बाके ऊपर लिखंगो यानी नए ऐरूसलेम को नाम जो मेरे परमेसर के धौंरे सै सुरग सै उतरनै बारो है, और मैं अपनो नओ नाम बी बाके ऊपर लिखंगो।

परकासन 2:7

“जिसके कान हौं बौ सुन ले कै आत्‍मा बिसवासिऔ की मंडलिऔ सै का कैबै है। जो जै पाऐ, मैं बाकै उस जिन्‍दगी के पेड़ मै सै फल खानै कै दंगो जो परमेसर के बगीचा मै है।

परकासन 20:4

फिर मैंनै सिंगासनौ कै देखो जिनमै कुछ लोग बैठे हे। उन लोगौ कै नियाय कन्‍नै को अधकार देओ गओ हो, और मैंनै उन लोगौ की आत्‍माऔ कै बी देखो, जिनकी खोपड़ी ईसु की गभाई दैनै और परमेसर के बचन के कारन काटी गंई हीं। और जिनौनै उस जनाबर या उसकी मूरती की कबी पूजा ना करी ही, और अपने हातौ या माथे मै उसको निसान ना लगाओ हो। बे फिर सै जिन्‍दे हो गए और उनौनै मसी के संग एक हजार बरस तक राज करो।

लूका 14:26

“अगर कोई मेरे धौंरे आनो चाँहै है, और अपने अईया-अब्बा, बईयर और बालकौ, और अपने भईया और बहनौ, और अपनी जान कै बी मैंसै जादा पियार करै है, तौ बौ मेरो चेला ना बन सकै है।

परकासन 11:7

और जे जब अपनी गभाई दे चुके हौंगे, तौ बौ जनाबर जो पाताल कुन्ड मै सै लिकरैगो, उनसै लड़कै जीतैगो और उनकै मार डारैगो।

परकासन 1:2

जिसनै परमेसर के बचन और ईसु मसी की गभाई दई, यानी उन सिगरी बातौं की जो बानै देखीं।

चेलौ के काम 21:13

पर पौलुस नै उनकै जबाब दओ, “तुम रो रो कै मेरे दिल कै काए दुखाबौ हौ? मैं ऐरूसलेम मै परभु ईसु के नाम सै बंधनै और मरनै के ताँई बी तईयार हौं।”

परकासन 19:10

और मैं उसकै डन्डौत कन्‍नै के ताँई उसके पाँऐऔं मै गिरो, पर उसनै मैंसै कैई, “देख, ऐंसो मत कर, मैं तौ तेरो और तेरे भईयौ को संगी दास हौं, जो ईसु की गभाई दैनै के ताँई हरदम तईयार रैहबै है। परमेसर कैई डन्डौत कर” कैसेकै ईसु की गभाई भबिसबानी की आत्‍मा है।

परकासन 6:9

जब उसनै पाँचमी मौहर खोली, तौ मैंनै बेदी के नीचे उन लोगौ की आत्‍माऔ कै देखो जो परमेसर के बचन के बारे मै गभाई दैनै के कारन मारे गए हे।

परकासन 2:17

“जिसके कान हौं बौ सुन ले आत्‍मा बिसवासिऔ की मंडलिऔ सै का कैबै है। “जो जै पाय, उसकै मैं गुप्‍त मन्‍ना मै सै दंगो और उसकै एक सपेद पत्‍थर बी दंगो और उस पत्‍थर मै एक नओ नाम लिखो भओ होगो, जिसकै बाके लैनै बारे के अलाबा और कोई ना जानैगो।

परकासन 2:13

“मैं जौ जानौ हौं कै तू बहाँ रैहबै है जहाँ सैतान को राज है। तू मेरे नाम मै खड़ो रैहबै है, और मेरे ऊपर बिसवास कन्‍नै सै उन दिनौ मै बी पीछे ना हटो जब मेरो ईमानदार गभा अन्‍तिपास, तुमरे बीच उस जघै मै मारो गओ जहाँ सैतान को अड्‍डा है।

परकासन 1:9

मैं यहून्‍ना, जो तुमरो भईया और ईसु मै दुख सैहनै और राज और धीरज मै तुमरो संगी साती हौं, परमेसर के बचन और ईसु की गभाई के कारन पतमुस नाम के टापू मै हो।

परकासन 12:17

इस बजै सै अजगर उस बईयर सै भौत घुस्सा करल लगो, और उसकी दूसरी औलादौं सै जो परमेसर की आगियाँ कै मानै हैं और ईसु की गभाई दैनै मै टिके रैहबैं हैं, उनसै लड़ाई कन्‍नै गओ।