फिलिप्‍पीऔ 4:1 - बुक्सा

¹ हे मेरे पियारे भईयौ, मेरी इच्‍छा है कै मैं तुमसै मिलौं कैसेकै तुम मेरी खुसी, और मेरी इज्‍जत हौ, और तुमकै जैसो मैंनै बताऔ है, परभु मै तुम बैसेई पक्‍के बने रौह।

फिलिप्‍पीऔ 4:1 Referans Kwoze

फिलिप्‍पीऔ 1:27

सिरप इतनो करौ कै तुमरो चाल-चलन मसी की अच्‍छी खबर के लायक हो जाऐ कै चाँहे मैं आकै तुमकै देखौं या ना बी आऔं, पर मैं तुमरे बारे मै बस जौई सुनौं कै तुम सब एक आत्‍मा मै टिक जाऔ और एक मन हो कै, एक संग मिलकै अच्‍छी खबर के बिसवास के ताँई मैहनत करते रैहऔ।

1 कुरन्‍थियों 16:13

चौकस रौह और मजबूती के संग बिसवास मै पक्‍के बने रौह और हिम्मत रक्‍खौ, तागत बारे बनौ।

फिलिप्‍पीऔ 2:16

जिन्‍दगी के बचन मै मजबूती के संग चलते रौहौ, ताकि मसी के फिर सै लौहट आनै के दिन मै मैंकै जा बात को गर्ब होए कै मेरी जिन्‍दगी की दौड़ भाज और मैहनत बेकार ना गई।

1 कुरन्‍थियों 15:58

हे मेरे पियारे भईयौ और बहनौ, पक्‍के होकै खड़े रौह। परभु के काम मै हमेसा बढ़ते रौह, कैसेकै तुमकै पतो है कै जो काम परभु के ताँई करौ हौ बौ बेकार ना है।

फिलिप्‍पीऔ 1:8

परमेसर मेरो गभा है कै मैं मसी ईसु के पियार सै तुम सबके ताँई कितनो तड़प रओ हौं।

इबरानिओ 10:23

हम बगैर सक के अपनी बा आस मै पक्‍के बने रैंह जिसकै हमनै मानो है, कैसेकै जिसनै हम सै बादो करो है बौ भरोसेमंद है।

रोमियो 2:7

जो लोग धीरज के संग भलाई करते भए महिमा और आदर और अमर जिन्‍दगी की खोज मै हैं, उनकै बौ हमेसा की जिन्‍दगी देगो।

यहून्‍ना 8:31

तब ईसु उन यहूदिऔं सै जिनौनै बाके ऊपर बिसवास करो हो कैललगो, “अगर तुम मेरे बचन मै बने रौहगे, तौ सचमुच मेरे चेला बनौगे,

2 तीमुथियुस 2:1

इसताँई ओ मेरे बेटा, तू ईसु मसी के किरपा सै तागतबर होतो जा।

फिलिप्‍पीऔ 2:26

कैसेकै बौ तुम सबई सै मिलनै के ताँई भौत बेचैन रैहबै है और तुम लोगौ नै सुनो हो कै बौ बेमार पड़ गओ है तौ जौ बात सुनकै बौ भौत दुखी हो गओ हो।

2 कुरन्‍थियों 1:14

जैसो अबी तुमनै हमकै थोड़ो समजो है। जब परभु ईसु को फिर सै आनै को दिन आगो तौ जैसो हम तुमरे ऊपर घमंड करै हैं, बैसेई तुम बी हमरे ऊपर करौगे।

चेलौ के काम 11:23

बानै बहाँ पौंच कै परमेसर की किरपा कै लोगौ के बीच मै देखो और बेसानी खुस भओ और बानै सबई जनी कै जौ बात सिकाई कै पूरे दिल सै परभु के बिसवास मै बने रौह।

चेलौ के काम 2:42

जो नए बिसवासी लोग हे बे भेजे भए चेलौ सै सिक्‍छा पानै और संगत कन्‍नै, एक संग मिलकै रोटी कै खानै और पूरे मन सै पिराथना करल लगे।

2 पतरस 3:17

पियारे भईयौ, तुम इन बातौं कै पैलेई सै जानौ हौ इसताँई चौकस रौह। कहीं ऐंसो ना होए कै तुम उन दुसट आदमिऔ के बैहकाबे मै आकै अपनी रस्ता सै ना भटकिओ और अपनी मजबूती कै हात सै जान मत देईओ।

इबरानिओ 4:14

जब हमरे धौंरे एक ऐंसो बड़ो पुजारी है, जो सुरग मै गओ है, और बौ परमेसर को लौंड़ा ईसु है। इसताँई हम जो मानै हैं बामै पक्‍के रैंह।

इबरानिओ 3:14

जो बिसवास हमनै सुरू सैई रखर खाओ है बामै अगर हम आखरी बखत तक पक्‍के रैहबै हैं तौ हम मसी के साजेदार बनंगे।

2 थिसलुनीकियौ 2:15

इसताँई ओ पियारे भईयौ और बहनौ, पक्‍के रौह और उन सिक्‍छाऔ कै थामे रौह जो तुमनै हम सै और चिट्‌ठी के दुआरा सिकीं।

कुलुसिऔं 4:12

इपफरास जो तुमरे हिंया को है, बौ मसी ईसु को सेवक है, तुमकै नमस्कार कैबै है। बौ तुमरे ताँई हमेसा जौ पिराथना करतो रैहबै है कै तुम परमेसर की सिगरी मरजी के बारे मै पूरे तरीका सै समजकै और पक्‍के होकै टिके रौह।

गलातिऔ 5:1

मसी नै हमकै आजाद कर दओ है, जिस्सै हम आजादी पांऐ। इसताँई बिसवास मै पक्‍के रौह और तुम फिर सै गुलामी मै ना दबिओ।

चेलौ के काम 14:22

और चेलौ कै मजबूत करते रैहए कै बिसवास मै बने रौह और उनसै जौ कैई कै, “हमकै भारी दुख झेलते भए परमेसर के राज मै जानो पड़ैगो।”

1 थिसलुनीकियौ 3:13

हम जौ पिराथना करै हैं कै तुमरे दिल मजबूत हौंऐ। जब हमरो परभु ईसु अपने पबित्‍तर लोगौ के संग आय, तौ बा बखत मै बी तुम परमेसर के सामने पबित्‍तर और निरदोस ठैर सकौ।

मत्‍ती 10:22

मेरे नाम के कारन सब लोग तुमसै बैर करंगे, पर जो अन्‍त तक बिसवास मै बनो रैहगो उसई कै मुक्‍ति मिलैगी।