फिलिप्‍पीऔ 3:8 - बुक्सा

⁸ पर मैं अपने परभु मसी ईसु के सबसै कीमती गियान के ताँई सबई बातौं कै नुकसान समजौ हौं, और कूड़ा समजौ हौं, जिस्सै कै मैं मसी कै पा सकौं;

फिलिप्‍पीऔ 3:8 Referans Kwoze

रोमियो 8:18

कैसेकै मैं समजौ हौं कै इस टैम के हमरे दुख और मुसीबत उस महिमा के सामने कुछ बी ना हैं, जो हमरे ऊपर परकट होनै बारी है।

चेलौ के काम 20:24

पर मेरे नजरौ मै मेरी जान की कोई कीमत ना है, कैसेकै मैं अपनी दौड़ पूरी कन्‍नै की सोचौ हौं और परमेसर के किरपा की अच्‍छी खबर कै सुनानै के काम कै पूरो कन्‍नो चाँहौ हौं जिसके ताँई मैंकै परभु नै चुनो है।

फिलिप्‍पीऔ 3:7

मगर मैं जिन जिन बातौं कै अपने फाएदा बारी समजै हो, उन बातौं कै मसी की बजै सै नुकसान समजल लगो हो।

यहून्‍ना 17:3

और हमेसा की जिन्‍दगी जौ है कै बे तेकै जो एकमातर सच्‍चो परमेसर और ईसु मसी कै, जिसकै तैनै भेजो है, जानै।

फिलिप्‍पीऔ 3:10

और मैं मसी कै जान्‍नो चाँहौ हौं और बा सकति कै बी जिस्सै बौ फिर सै जिन्‍दो भओ हो; मैं बाके दुखौं को हिस्सेदार होनो चाँहौ हौं, और बाकी मौत के बारे मै बाके हाँई बनौ।

2 पतरस 1:3

परमेसर की सुरग की सकति नै हमकै बौ सब कुछ दओ है जो जिन्‍दगी और भक्‍ति के ताँई जरूरी है; और जौ सब हमनै बाके गियान पानै की बजै सै पाओ है, जिसनै हमकै अपनी बड़ाई और भलाई मै सामिल होनै के ताँई बुलाओ है।

1 कुरन्‍थियों 2:2

कैसेकै मैंनै अपनी जिन्‍दगी मै जौ बात ठान लई ही, कै जब मैं तुमरे धौंरे रैहंगो तौ ईसु मसी और जैसी बाकी मौत कुरूस मै भई बाकै छोड़कै किसी दूसरी चीज के बारे मै बात ना करंगो।

1 यहून्‍ना 5:20

हम जानै हैं कै परमेसर को लौंड़ा आ गओ है और बानै हमकै समज दई, ताकि हम बा सच्‍चे परमेसर कै जान लैं और बामै बने रैंह जो सच्‍चो है, कैसेकै हम बाके लौंड़ा ईसु मसी मै बने रैहबै हैं। जौई सच्‍चो परमेसर है और हमेसा की जिन्‍दगी है।

यहून्‍ना 17:8

कैसेकै बे बचन जो तैनै मैंकै दए, मैंनै उन तक पौंचा दए। उनौनै बचनौ कै अपनाओ और सच जान लओ है कै मैं तेसै लिकरो हौं, और उनौनै बिसवास करो कै तैनैई मैं भेजो हौं।

यहून्‍ना 14:20

बा दिन तुम जानौगे कै मैं अपने अब्बा मै हौं और तुम मैंई मै और मैं तुम्मै हौं।

इबरानिओ 3:14

जो बिसवास हमनै सुरू सैई रखर खाओ है बामै अगर हम आखरी बखत तक पक्‍के रैहबै हैं तौ हम मसी के साजेदार बनंगे।

2 कुरन्‍थियों 4:6

कैसेकै परमेसरई है जिसनै ऐंसो कैओ है कै, “इन्धेरे मै उज्‍जेरो हो जाय।” और बौई उज्‍जेरो हमरे दिलौ मै बी चमको जिस्सै कै हम परमेसर की बा महिमा के गियान की जोती कै जान जाऐ जो परभु ईसु मसी के मौह मै चमकै है।

यहून्‍ना 14:7

अगर तुमनै मैं जानो होतो तौ मेरे अब्बा कै बी जानते। अब सै तुम बाकै जानौ बी हौ और तुमनै बौ देखो बी है।”

इफिसिऔ 4:13

जब तक कै हम सबई के सबई बिसवास मै और परमेसर के लौंड़ा के गियान मै एक ना हो जाँय और मसी के गुन के हिसाब सै पूरे सिद्‍द आदमी को रूप कै ना पालैं।

2 पतरस 3:18

पर हमरे परभु और मुक्‍ति दैनै बारे ईसु मसी के किरपा और गियान मै बढ़ते जाऔ; और बाकी बड़ाई अब्बी हो और युगौं-युगौं तक होती रैह। ऐंसोई होए।

1 यहून्‍ना 1:3

हमनै जो देखो और सुनो है, बौई हम तुमकै बताबै हैं, जिस्सै तुम हमरे संग अब्बा और बाके लौंड़ा ईसु मसी के साती बनौ।

2 तीमुथियुस 4:6

अब मैंकै खुद अच्‍छी चीज के रूप मै उड़ेलो जा रओ है और मेरो मरनै को बखत अब आई गओ है।

यहून्‍ना 20:28

थौमा नै जबाब देते भए बासै कैई, “हे मेरे परभु, मेरे परमेसर!”

यहून्‍ना 16:3

और बे ऐंसो इसताँई करंगे कैसेकै उनौनै ना तौ अब्बा जानो और ना मैं।

1 यहून्‍ना 2:19

बे मसी बिरोदी हमरे बीच मैई सै लिकरकै गए हैं, कैसेकै बे हमरे अपने ना हे, अगर बे हमरे अपने होते, तौ बे हमरेई संग रैहते। पर बे चले गए, जिस्सै जौ साप-साप पतो लगै है, कै उनमै सै कोई बी हमरो अपनो ना हो।

1 पतरस 2:7

और बिसवास कन्‍नै बारे लोगौ के ताँई जौ पत्‍थर कीमती है। पर जो लोग बिसवास ना करै हैं उनके ताँई जिस पत्‍थर कै राजमिस्तरिऔ नै बेकार समजो बौई कौने को पत्‍थर बन गओ।

गलातिऔ 1:16

और अपने लौंड़ा कै मैं मै परकट करो जिस्सै कै मैं गैर यहूदी लोगौ के बीच मै बाके लौंड़ा की अच्‍छी खबर को परचार करौं, तौ मैंनै तुरन्‍त जाकै किसी आदमी की सला ना लई।

2 कुरन्‍थियों 4:4

सैतान जा दुनिया को देबता है, और बानै उन लोगौ की बुद्‍धि बन्‍द करर खाई है, और बे मसी मै बिसवास ना करै हैं जो परमेसर को रूप है, जो मसी की अच्‍छी खबर की महिमा की चमक कै ना देख सकै हैं।

1 कुरन्‍थियों 9:10

हाँ, जौ हमरे ताँई लिखो गओ है। कैसेकै फसल को हिस्सा पानै की उमीद सै जोतनै बारो जोतै, और दबानै बारो दबाऐं।

यहून्‍ना 20:13

और उनौनै बासै कैई, “हे नारी, तू काए रो रई है?” बानै कैई कै, “बे मेरे परभु कै उठा ले गए हैं, और मैं ना जानौ हौं कै उनौनै बौ कहाँ रक्‍खो है।”

लूका 11:20

अगर मैं परमेसर की सकति सै दुसट आत्‍माऔ कै लिकारो हौं तौ समज लो परमेसर के राज की सकति तुमरे धौंरे आ पौंची है।

लूका 1:43

पर मेरे ताँई जौ इत्‍ती बड़ी खुसी की बात है कै मेरे परभु की अईया मेरे धौंरे आई?

रोमियो 8:39

ना ऊपर ना नीचे, और ना दुनिया की कोई बी चीज हमकै परमेसर के उस पियार सै दूर ना कर सकै है, जो हमकै परभु ईसु मसी सै मिलै है।

फिलिप्‍पीऔ 1:1

जौ चिट्‌ठी मसी ईसु की सेवा कन्‍नै बारे पौलुस और तीमुथियुस की ओर सै, फिलिप्‍पी मै रैहनै बारे मसी ईसु के सिगरे बिसवासी लोगौ कै और मुखियौं कै, और सेवकौ कै,

फिलिप्‍पीऔ 3:12

इसको जौ मतलब ना है, कै मैं अपनो मकसद पूरो कर चुको, या सिद्‍द हो चुको हौं, पर बा मकसद कै पूरो कन्‍नै के ताँई अग्गे बढ़तो जाबौ हौं, जिसके ताँई मसी ईसु नै मैंकै अपनो बनाओ है।

2 पतरस 1:2

परमेसर और हमरे परभु ईसु के पूरे गियान के दुआरा भौस्सी किरपा और सान्‍ति तुमकै मिलै।

2 पतरस 1:8

अगर जे अच्‍छे गुन तुम्मै बने रैंह और बढ़ते जाँय, तौ जे गुन तुमकै हमरे परभु ईसु मसी के पूरे गियान मै ना तौ निकम्मो और ना बेकार होन दंगो।