फिलिप्‍पीऔ 3:1 - बुक्सा

¹ इसताँई हे मेरे भईयौ, परभु मै खुस रौहौ, उनई बातौं कै बेरमबेरा लिखनै मै मैंकै तौ कोई दुख ना होवै है, और जौ तुमकै बचाकै रखैगो।

फिलिप्‍पीऔ 3:1 Referans Kwoze

फिलिप्‍पीऔ 4:4

तुम लोग परभु मै हमेसा खुस रौह, मैं फिर कैबौ हौं, खुस रैहऔ।

रोमियो 5:11

और इतनोई ना, पर अब तौ हमरे परभु ईसु मसी के दुआरा परमेसर सै मेल हो गओ है, इसताँई हम उसई के दुआरा परमेसर के ऊपर भरोसो रखकै खुस हैं।

याकूब 1:2

हे मेरे भईयौ, जब तुम तरै-तरै की मुसीबतौं मै पड़ौ तौ जाकै बड़ी खुसी की बात समजौ।

1 पतरस 4:13

तुम जितने मसी के दुख मै सामिल होबौ हौ, उत्‍तोई तुम खुस होईयो और जब बाकी महिमा परकट होगी तौ तुम खुसी के मारे आपेमै ना रैहओगे।

1 थिसलुनीकियौ 5:16

हमेसा खुस रैहऔ।

फिलिप्‍पीऔ 4:8

हे भईयौ, जो बात सच हैं, और जो बात इज्‍जत बारी हैं, और जो सई हैं, और जो बात पबित्‍तर हैं, और जो बात पियारी हैं, और जो बात मन कै पियारी लगै हैं, यानी जो बी भौत अच्‍छी और बड़ाई की बात हैं, उनई मै मन लगाए करौ।

1 पतरस 3:8

आखरी मै मैं ऐंसो बोलौ हौं कै, तुम सबई के सब एक मन, दुख बाँटनै बारे, आपस मै पियार रखनै बारे, तरस खानै बारे, और नमर बनौ।

2 कुरन्‍थियों 13:11

हे भईयौ और बहनौ, खुस रौह। अब मैं तुमसै बिदा चाँहौ हौं, अपनो चाल-चलन सई रक्‍खौ, और बैसोई करिओ जैसो मैंनै कैई है, एकई सोच रक्‍खौ और सान्‍ति सै रैहऔ, पियार और सान्‍ति को परमेसर तुमरे संग रैह।

2 पतरस 3:1

हे मेरे पियारे भईयौ, अब मैं जौ दूसरी चिट्‌ठी लिख रओ हौं। और इन दौनौ चिट्‌ठिऔ सै तुमकै याद दिब्बाते भए तुमरे सच्‍चे मन कै जगानो चाँहौ हौं।

इफिसिऔ 6:10

आखरी मै, परभु मै और बाकी सकति मै मजबूत बनौ।

लूका 1:47

और मेरी आत्‍मा मेरे मुक्‍ति कन्‍नै बारे परमेसर सै खुस भई।

फिलिप्‍पीऔ 3:3

कैसेकै हम जो सच्‍ची आत्‍मा सै परमेसर की बड़ाई करै हैं, हमई सच्‍चे खतना बारे हैं और हम सरीर की बातौं मै ना पर मसी ईसु मै गर्ब करै हैं।

मत्‍ती 5:12

तब खुस और मगन होईयो, कैसेकै तुमरे ताँई सुरग मै बड़ो महान ईनाम है। इसताँई कै उनौनै बे नबी बी जो तुमसै पैले हे इसई रीती सै सताए हे।

1 थिसलुनीकियौ 4:1

इसताँई भईयौ और बहनौ, हम तुमसै परभु ईसु के नाम सै जौ बिनती करै है कै परमेसर कै खुस कन्‍नै के ताँई कैसी जिन्‍दगी जीनी चँईऐ, बाके बारे मै हमनै तुमकै सिकार खाओ है। तुम बैसेई जिऔ और जादा बढ़कै करौ।