फिलिप्‍पीऔ 2:22 - बुक्सा

²² पर तीमुथियुस नै तुमरे सामने अपनी काबिलियत कै साबित करो है जौ तौ तुम जानौई हौ जैसो लौंड़ा अपने अब्बा के संग काम करै है, बैसेई बानै अच्‍छी खबर के परचार मै मेरे संग मैहनत करी है।

फिलिप्‍पीऔ 2:22 Referans Kwoze

1 कुरन्‍थियों 4:17

इसताँई मैंनै तीमुथियुस कै जो परभु मै मेरो पियारो और बिसवासजोग लौंड़ा है, तुमरे धौंरे भेजो है। बौ तुमकै बा जिन्‍दगी के बारे मै याद दिब्बागो जो मैंनै मसी ईसु के संग बिताई ही, ठीक बैसेई जैसी मैंनै जघै-जघै मै जाकै बिसवासिऔ की मंडली के लोगौ कै सिकाओ हो।

2 तीमुथियुस 1:2

पियारे बेटा तीमुथियुस, तेकै हमरे अब्बा परमेसर और परभु ईसु मसी की ओर सै किरपा, दया और सान्‍ति मिलती रैह।

2 कुरन्‍थियों 2:9

मैंनै परखनै के ताँई जे बात तुमकै लिखी हीं कै तुम उनमै खरे लिकरौगे कै ना, और मेरी बातौं कै मानौगे कै ना।

1 तीमुथियुस 1:18

ओ मेरे लौंड़ा तीमुथियुस, मैं तेकै जौ हुकम देवौ हौं कै बौ भबिसबानी कै याद कर जैसी तेरे बारे मै पैलेई सै करर खाई ही, कै तू बा बुराई के खिलाप अच्‍छे तरीका सै लड़तो रैह।

2 कुरन्‍थियों 8:22

और हम तुमरे संग अपने एक भईया कै बी भेज रए हैं, जिसकै हमनै बेरमबेरा परखो है, और बौ तुमरी सायता कन्‍नै के ताँई भौत बेचैन है। पर अब बाकै तुमरे ऊपर बड़ो भरोसो है, इस बजै सै बौ तुमरी सायता कन्‍नै के ताँई भौत खुस है।

तीतुस 1:4

मैं अपने सच्‍चे लौंड़ा तीतुस कै बा बिसवास के संग लिख रओ हौं जो हम्मै एक जैसो है। पिता परमेसर और हमरे मुक्‍तिदाता ईसु मसी की ओर सै तेकै किरपा और सान्‍ति मिलती रैह।

2 तीमुथियुस 3:10

तीमुथियुस तू जानै है कै, मैंनै का सिकाओ और मैं कैसे जी रओ हौं और मेरे जीनै को मकसद का है। तैनै मेरो बिसवास, पियार, सबर और सबर रखनै की तागत देखर खाई है।

फिलिप्‍पीऔ 2:20

कैसेकै मेरे धौंरे ऐंसो कोई बी आदमी ना है जो तीमुथियुस के जैसे सच्‍चे दिल सै तुम लोगौ की भलाई के बारे मै सोचै।

2 कुरन्‍थियों 8:24

और जो उनके ताँई तुमरे दिल मै पियार है बाकै दिखाऔ, और जो घमंड हम तुमरे ऊपर करै हैं, बाकै बिसवासिऔ की मंडलिऔ के सामने साबित करकै दिखाऔ।

2 कुरन्‍थियों 8:8

मैं तुमकै हुकम ना देरओ हौं, पर जैसे दूसरे लोग खुसी सै दान देवै हैं बाके बारे मै बता कै तुमरे पियार की सच्‍चाई कै परखनो चाँहौ हौं।

चेलौ के काम 16:2

लुस्तरा और इकुनिया के बिसवासी लोगौ मै तीमुथियुस की बड़ी इज्‍जत ही।

रोमियो 5:4

और सबर सैई अच्‍छो सौभाब और अच्‍छे सौभाब सै उमीद पैदा होवै है।

1 कुरन्‍थियों 16:10

और अगर तीमुथियुस आय, तौ बाको धियान रखिओ कै बाकै तुमरे हिंया कोई दिक्‍कत ना होए, कैसेकै बौ मेरे हाँई परभु को काम करै है।

फिलिप्‍पीऔ 1:5

कैसेकै पैले दिन सै आज तक तुम अच्‍छी खबर के परचार मै मेरो सात देवै हैं।

फिलिप्‍पीऔ 1:7

तुम सबके बारे मै ऐंसो सोचनो मेरे ताँई ठीकई है, कैसेकै तुम मेरे दिल मै बसे भए हौ, चाँहै मैं जेल मै हौं, या मैं अच्‍छी खबर की सच्‍चाई कै बचाबौ हौं या पक्‍को दाबो करौ हौं, और उन सबई बखतौ मै तुम सबई परमेसर के जा किरपा मै मेरे साती हौ।

फिलिप्‍पीऔ 1:12

हे भईयौ, मैं तुमकै जौ बता देनो चाँहौ हौं कै जो कुछ मेरे संग भओ है, उस्सै अच्‍छी खबर और जादा फैली है।

फिलिप्‍पीऔ 1:16

बे जो पियार सै अच्‍छी खबर को परचार करै हैं, जानै हैं कै मैं अच्‍छी खबर के बचाब के ताँई भेजो गओ हौं।

1 तीमुथियुस 4:6

अगर तू बिसवासी लोगौ कै इन बातौं कै याद दिब्बातो रैहगो, तौ तू ईसु मसी को अच्‍छो सेवक बनो रैहगो। और बिसवास और बा सई उपदेस की बातौं कै जिनकै तू सच्‍चे दिल सै मानते भओ आओ है।