मरकुस 3:5 - बुक्सा

⁵ उनके मन की कठोरता देक्‍कै ईसु कै दुख भओ फिर ईसु नै घुस्सा मै भरकै चारौ ओर देखो और उस आदमी सै कैई, “अपनो हात बढ़ा,” उसनै ऐंसोई करो और बाको हात ठीक हो गओ।

मरकुस 3:5 Referans Kwoze

लूका 6:10

और ईसु नै चारौ लंग उन सबौ कै देखते भए उस आदमी सै कैई, “अपनो हात सीदो कर।” और बानै बैसेई करो और बाको हात ठीक हो गओ।

इफिसिऔ 4:18

और उनकी अकल मै पत्‍थर पड़ गओ है और समज ना होनै की बजै सै और उनके मन जिद्‍दी होनै की बजै सै बे परमेसर की जिन्‍दगी सै अगल करे गए हैं।

रोमियो 11:25

हे भईयौ, कहीं ऐंसो ना हो जाऐ, कै तुम अपने आपकै होसिआर समजल लगौ, इसताँई मैं ना चाँहौ हौं कै तुम इस राज सै अनजान रैहऔ, कै जब तक गैर यहूदी लोग पूरी तरै सै परमेसर के टब्बर के हिस्सा ना बन जावै हैं तब तक ईसराइली लोग ऐंसेई कठोर रैहंगे।

मत्‍ती 12:13

तब ईसु नै उस सूके हात बारे आदमी सै कैई, “अपनो हात अग्गे बढ़ा।” उसनै अपनो हात अग्गे बढ़ा दओ। बौ पूरी तरै सै ठीक हो गओ। ठीक बैसेई जैसे उसको दूसरो हात हो।

परकासन 6:16

और पहाड़ौ और चट्‍टानौ सै कैललगे, “हमरे ऊपर गिर पड़ौ, और हमकै जो सिंगासन मै बैठो है उसके मौह सै और मैमना के घुस्सा सै छिपा लो।”

इबरानिओ 5:9

और बौ बड़ो पुजारी बनकै उन सबई लोगौ के ताँई हमेसा की मुक्‍ति को सोता बन गओ, जो बाकी बातौं कै मानै हैं।

इबरानिओ 3:17

परमेसर उनसै चालीस साल तक घुस्सा रैहओ जिन्‍नै बाके खिलाप पाप करो और जिनकी लाहस बियाबान मै पड़ी हीं।

इफिसिऔ 4:30

परमेसर की पबित्‍तर आत्‍मा कै दुखी मत करौ जिस्सै कै तुम्मै आजाद होनै के दिन के ताँई मौहर लगार खाई है।

इफिसिऔ 4:26

घुस्सा तौ करौ पर पाप ना करौ और दिन छिपे सै पैले तुमरो घुस्सा खतम हो जानो चँईऐ।

2 कुरन्‍थियों 3:14

पर ईसराइली लोगौ की अकल नै काम कन्‍नो बन्‍द कर दओ हो। कैसेकै आज बी बे जब जा पुराने नियम कै पढ़ै हैं, तौ उनके अकल मै बैसोई परदा लगो पड़ो है, और बौ परदा कै सिरप मसी हटा सकै है।

यहून्‍ना 9:7

और बासै कैई, “जा सीलोम नाम के तलाब मै धोले” (सीलोम को अरथ है “भेजो भओ।”) तब बानै बहाँ जाकै आँख धोईं और देखतो भओ बापस आओ।

लूका 17:14

ईसु नै उनकै देखकै कैई, “जाऔ और अपने आपकै पुजारिऔं कै दिखाऔ।” जातेई जाते बे ठीक होकै सुद्‍द हो गए।

लूका 13:15

जौ सुनकै परभु जबाब देते भए बोलो, “हे कपटिऔ, का आराम कन्‍नै बारे दिन तुम मै सै हर एक आदमी बैल या गधा कै खूँटा सै खोलकै पानी पिबानै ना ले जावै है?

इबरानिओ 3:10

इसई बजै सै मैं उन लोगौ सै घुस्सा भओ और मैंनै जौ कैई ही कै, ‘इनके मन हमेसा भटकते रैहबैं हैं, और इन लोगौ नै मेरी रस्ता कै ना पैचानो।’

मरकुस 3:4

तब ईसु नै उन लोगौ सै पूँछी, “हमरे नियमौ के अनुसार का आराम कन्‍नै बारे दिन भलो कन्‍नो ठीक है या बुरो कन्‍नो, जान बचानो या मारनो?” पर बे चुप रैहए।