मरकुस 2:1 - बुक्सा

¹ कुछ दिनौ के बाद जब बौ फिर कफरनहूम सैहर मै आओ तौ लोगौ कै पतो चल गओ कै बौ एक घर मै है।

मरकुस 2:1 Referans Kwoze

यहून्‍ना 4:47

जब बानै सुनो कै ईसु यहूदिया मुलक सै गलील मै आओ भओ है, तौ बाके धौंरे गओ, और उस्सै बिनती करी कै चलकै मेरे लौंड़ा कै ठीक कर दे: कैसेकै बौ मरनै बारो है।

मरकुस 7:24

फिर ईसु बहाँ सै उठकै चलते चलते सूर और सैदा मुलक मै जाकै एक घर मै गओ, और बौ चाँहै हो कै “किसी कै जाको पतो ना चलै,” पर बौ छिप ना सको।

लूका 5:18

तबई कुछ लोग खटिया मै फालस के एक रोगी कै लेकै बाके धौंरे लाए, और बे बाकै भीतर लेजानै और ईसु के सामने रखनै को रस्ता ढूंड़ रए हे।

मरकुस 1:45

पर बौ बहाँ सै बिदा होकै चारौ लंग खुल कै जाकी चरचा करल लगो। इस्सै ईसु के ताँई खुले रूप सै सैहरौं मै जानो मुसकल हो गओ, इसताँई बौ एकान्‍त जघौं मै रैहओ, फिर बी लोग चारौ ओर सै बाके धौंरे आवै हे।

मत्‍ती 9:1

फिर ईसु एक किसती मै जा चढ़ो और झील के पार अपने सैहर मै आ गओ।

चेलौ के काम 2:6

जब जौ अबाज सुनी तौ भीड़ लग गई और आदमी चौंक गए, कैसेकै हर एक कै जौई सुनाई देवै हो कै जे मेरी भासा मै बोल रए हैं।

मत्‍ती 4:13

बौ नासरत सैहर छोड़कै, जबुलून और नप्‍ताली के इलाके मै, समन्‍दर के किनारे बसे भए कफरनहूम सैहर मै रैहल लगो।

मरकुस 2:2

और भौत से आदमी घर मै इखट्‍टे हो गए, और मौहड़े के सामने तक की जघै बी ना बची। और ईसु उन लोगौ कै बचन सुना रओ हो।

मरकुस 3:20

और जब बे घर लौहटे और फिर इत्‍ती भीड़ इखट्‍टी हो गई कै ईसु और उसके चेलौ कै रोटी खानै की फुरसत बी ना रैहई।

मरकुस 7:17

जब ईसु लोगौ कै छोड़कै घर आ गओ, तौ बाके चेलौ नै बासै पूँछी “गुरू, इस दासतान को अरथ का है?”

मरकुस 9:28

जब ईसु घर मै आओ, तौ उसके चेलौ नै एकान्‍त मै उस्सै पूँछी, हम उसकै काए ना लिकार सके?

लूका 4:23

बानै उनसै कैई, “तुम मेरे ऊपर जौ कहाबत जरूर कैऔगे, कै हे बैद, अपने आपकै ठीक कर, कै जो कुछ हमनै सुनो है कै कफरनहूम मै तैनै करो है बाकै हिंया अपने मुलक मै बी कर।”