चौकस रौह, कहीं ऐंसो ना होए कै तुमकै आदमी को गियान, झूँटी और बेकार की बातौं सै कोई अपने कबजा मै ना कर लै, जो आदमिऔ और दुनिया के बनाए भए रीती रिबाज के ऊपर टिके हैं, पर मसी की सिक्छा ऐंसी ना है।
देखौ, कोई बी तुमकै बेकार की बातौं कै बोलकै धोके मै फसा ना पाऐ। कैसेकै इन सबई बातौं की बजै सै परमेसर की घुस्सा उनके ऊपर पड़ै है जो बाको हुकम ना मानै हैं।
मेरे पियारे लोगौ, हर आत्मा को बिसवास मत करौ, बलकन हमेसा उनकै परख कै देखौ कै का बे परमेसर की ओर सै हैं? जौ बात मैं तुमसै इसताँई कैरओ हौं, कैसेकै भौस्से झूँटी भबिसबानी कन्नै बारे दुनिया मै फैले भए हैं।
ईसु नै कैई, “चौकन्ने रैहऔ, कै भरमाए ना जाऔ, कैसेकै भौस्से लोग मेरे नाम सै आकै दाबो करंगे और कैंगे कै मैंई मसी हौं; और अन्त को टैम आ पौंचो है, तौ तुम उनकी बात मत सुनिओ।
