लूका 8:43 - बुक्सा

⁴³ और एक बईयर नै जिसकै बारैह साल सै खून बहनै को रोग हो, जिसनै अपनी सैरी दौलत बैदौ-हकीमौ के पीछे खरच कर दई ही तौबी किसी के हात सै ठीक ना हो सकी ही।

लूका 8:43 Referans Kwoze

लूका 13:16

अब जौ बईयर जो इब्राहिम के बंस की है, जो सैतान नै अठारै साल सै जकड़ खाई ही, का इसकै आराम कन्‍नै बारे दिन बंधनौ सै आजाद ना करो जानो चँईऐ हो?”

यहून्‍ना 9:1

जाते भए ईसु नै एक आदमी देखो जो जलम सै अन्धो हो।

लूका 13:11

तौ बहीं एक बईयर ही जिसमै अठारै साल सै एक कमजोर कन्‍नै बारी गंदी आत्‍मा चिपटी पड़ी ही, जिस्सै बौ कुबड़ी हो गई ही, और किसी तरै सै सीदी खड़ी ना हो सकै ही।

लूका 8:27

ईसु जैसेई जमीन मै उतरो, बा सैहर को दुसट आत्‍माऔ सै घिरो भओ एक आदमी बाके धौंरे आओ। जो भौत दिनौ सै ना तौ लत्‍ता पैहरै हो और ना घर मै रैहबै हो, बौ कबरौं मै रैह करै हो।

चेलौ के काम 4:22

जिस आदमी कै अच्‍छे कन्‍नै को चमत्कार करो गाओ हो, बाकी उमर चालीस साल सै बी जादा ही।

चेलौ के काम 3:2

और बाई बखत मै लोग एक जलम के लंगड़ा कै ला रए हे। बे बाकै हर रोज मन्‍दर के बा मौहड़े मै बिठा देवै हे जिसको नाम “सुन्‍दर” हो, जिस्सै कै बौ मन्‍दर मै आनै जानै बारौ सै भीक माँग सकै।

यहून्‍ना 9:21

पर अब बौ कैसे देखल लगो, हम ना जानै हैं, कै किसनै बाकी आँखौ कै ठीक करो, हमकै पतो ना है। बाई सै पूँछ लो बौ सिआनो है, और बौ अपने बारे मै खुद बता सकै है।”

मरकुस 9:18

जहाँ कहीं बौ दुसट आत्‍मा उसके ऊपर आवै है बहीं पटक देवै है और लौंड़ा मौह सै झाग लिकारल लगै है और दाँत कटकटाते भए ऐंठ जावै है और मैंनै तेरे चेलौ सै कैई कै बे उसकै लिकार दैं, पर बे लिकार ना सके।”

मरकुस 12:44

कैसेकै सबनै अपने धन की बढ़ती मै सै डारो है, पर इसनै तंगी मै रैहते भए बी जीनै के ताँई जो कुछ बी हो, बौ सब कुछ दे डारो।”

लूका 8:42

कैसेकै उसकी कम सै कम बारैह साल की इकलौती लौंड़िया ही, और बौ मरनै बारी ही। जब ईसु बाके घर जा रओ हो तौ रस्ता मै चारौ लंग सै भीड़ उसके ऊपर गिरी जावै ही।

लूका 8:44

बानै पीछे सै आकै ईसु के लत्‍ता को एक धोरो छूँ लओ, उसई टैम बाको खून बहनो रुक गओ।