लूका 8:30 - बुक्सा

³⁰ ईसु नै दुसट आत्‍मा सै पूँछी, “तेरो नाम का है?” बानै कैई, “सैना” कैसेकै भौत सी दुसट आत्‍मा बामै चिपटी पड़ी हीं।

लूका 8:30 Referans Kwoze

मत्‍ती 26:53

का तू जौ ना समजै है कै अगर मैं अपने अब्बा सै सायता माँगौ तौ बौ सुरगदूतौं की बारैह पलटन सै जादा मेरे धौंरे अबी भेज देगो?

लूका 8:2

उसके संग कुछ बईयरैं बी हीं, जिनकै बानै बेमारिऔ और दुसट आत्‍माऔ सै छुटकारो दिब्बाओ हो। इनमै मरियम मगदलनी नाम की एक बईयर ही जिसकै सात दुसट आत्‍माऔ सै छुटकारो मिलो हो।

मरकुस 16:9

हप्‍ता के पैले दिन सुबे होतेई ईसु जी उठकै सबसै पैले मरियम मगदलनी कै दिखाई दओ। जिसमै सै उसनै सात दुसट आत्‍मा लिकारी हीं।

मत्‍ती 8:29

और देखौ, उनौनै चिल्‍लाकै कैई, “हे परमेसर के लौंड़ा, हमरो तेसै का काम? का तू हिंया बखत सै पैले हमकै सतानै आओ है?”

मरकुस 5:9

तब ईसु नै बासै पूँछी, “तेरो नाम का है?” उसनै जबाब दओ, मेरो नाम सैना है, कैसेकै हम भौत हैं।

मत्‍ती 4:24

और सैरे सीरिया मै उसकी खबर फैल गई और लोग सब बेमारौं कै, जो तरै-तरै की बेमारिऔ और दुखौ मै जकड़े भए हे और जिनमै दुसट आत्‍मा हीं, और मिरगी बारौ और फालस के मारे भएऔं कै उसके धौंरे लाए और ईसु नै बे ठीक करे।

लूका 8:29

कैसेकै ईसु दुसट आत्‍माऔ कै उस आदमी सै लिकर जानै को हुकम देरओ हो। कैसेकै दुसट आत्‍मा बाकै बेरमबेरा चिपट जावै हीं और बस मै रखनै के ताँई लोग बाकै साँकरौ और बेड़िऔ सै बांध देवै हे, फिर बी बौ इन बंधनौ कै तोड़ देवै हो और दुसट आत्‍मा बाकै बिराने मै भजाऐ फिरै हीं।