लूका 8:18 - बुक्सा

¹⁸ इसताँई चौकस रैहऔ, कै तुम किस रीती सै सुनौ हौ, कैसेकै जिसके धौंरे कुछ है, उसई कै और दओ जागो और जिसके धौंरे कुछ ना है, बासै बौ बी ले लओ जागो, जिसकै बौ अपनो समजै है।”

लूका 8:18 Referans Kwoze

मत्‍ती 13:12

कैसेकै जिसके धौंरे कुछ है, बाकै और दओ जागो और बाके धौंरे भौत हो जागो, पर जिसके धौंरे कुछ ना है, बासै बौ बी ले लओ जागो, जो बाके धौंरे है।

लूका 19:26

मालिक नै कैई, ‘मैं तुमसै कैरओ हौं, कै जिसके धौंरे है, उसकै और दओ जागो; और जिसके धौंरे ना है, उस्सै बौ बी जो उसके धौंरे है ले लओ जागो।

मत्‍ती 25:29

कैसेकै जिसके धौंरे कुछ है, बाकै और दओ जागो और बाके धौंरे भौत हो जागो, पर जिसके धौंरे कुछ ना है, बासै बौ बी ले लओ जागो जो बाके धौंरे है।

यहून्‍ना 15:2

हर डुग्गी जो मैं मैई है और ना फलै है, बाकै बौ काट देवै है, और हर डुग्गी जो फलै है बाकै बौ छाँटै है कै बौ और फलै।

इबरानिओ 2:1

इसताँई हमनै जो कुछ सुनो है बामै खास करकै धियान देनो चँईऐ, जिस्सै कै हम भटकनै ना पांऐ।

1 कुरन्‍थियों 14:37

अगर कोई आदमी सोचै कै बौ परमेसर की ओर सै बोलै है या बाकै आत्‍मिक बरदान मिले हैं। तौ बौ जौ जान ले कै जो कुछ मैं लिख रओ हौं, बौ परभु की आगियाँ है।

1 कुरन्‍थियों 8:2

अगर कोई सोचै है कै, मैंकै भौत गियान है, तौ जैसो गियान होनो चँईऐ बैसो गियान बामै अब तक ना है।

1 कुरन्‍थियों 3:18

कोई बी खुद कै धोको ना दै, अगर तुम्मै सै कोई बी जा दुनिया मै खुद कै गियानी समजै है, तौ बौ खुद कै मूरख बनालै, कै बौ गियानी बन जाय।

रोमियो 12:3

कैसेकै मैं उस किरपा के दुआरा जो मैंकै देओ गओ है, तुम्मै सै हर एक कै कैबौ हौं, कै जैसो समजनो चँईऐ, उस सै जादा कोई बी अपने आपकै ना समजै, पर परमेसर नै हर एक कै जितनो जितनो बिसवास दओ है, बैसेई सोच समजनै के बाद अपने आपकै समजै।

चेलौ के काम 17:11

बिरिया सैहर के लोग थिसलुनीके के यहूदी लोगौ सै अच्‍छे हे और इनौनै बड़े धियान सै परमेसर को बचन सुनो और पौलुस नै जो बात कैंई हीं उनकै रोज पबित्‍तर सास्तर मै ढूंड़ते रैहए कै जे बात सच्‍ची हैं कै झूँटी हैं।

चेलौ के काम 10:33

तबई मैंनै तुरन्‍त तेकै लैनै के ताँई अपने आदमी भेजे और तैनै बी अच्‍छो करो कै तू आ गओ। अब हम सिगरे जनी परमेसर के सामने हैं, और जो कुछ तेकै परभु नै कैई बौ हमकै सुना।”

लूका 9:44

“अब जो मैं तुमसै कैरओ हौं, उन बातौं मै धियान दो। आदमी को लौंड़ा, लोगौ के हातौ मै सौंप दओ जागो।”

फिलिप्‍पीऔ 3:4

पर मैं तौ सरीर मै बी बिसवास कर सकौ हौं; अगर कोई और बी सरीर मै बिसवास रखनै की सोचै है, तौ मैं उस्सै बी जादा रख सकौ हौं।

मरकुस 13:14

“जब तुम उस उजाड़नै बारी घिनौनी चीज कै जहाँ बौ ना होनी चँईऐ, बहाँ खड़ी देखौ, जिस कारन सै मन्‍दर सुनसान हो जागो (पढ़नै बारो समज लैं जाको मतलब का है) तब जो यहूदिया मुलक मै हौं बे पहाड़ौ मै भाज जाँय।