लूका 8:13 - बुक्सा

¹³ पथरीली जमीन मै गिरे भए बीज बे लोग हैं, जो बचन सुनतेई बाकै खुसी सै मानै हैं, पर जड़ ना पकड़ै हैं, बे कुछई टैम तक बिसवास करैं हैं और मुसीबत के टैम मै बे बहक जावै हैं।

लूका 8:13 Referans Kwoze

यहून्‍ना 5:35

बौ तौ पजरतो और चमकतो भओ दिया हो, और तुमकै कुछ देर ताँई बाकी जोती मै खुस होनो अच्‍छो लगो।

यहूदा 1:12

जे लोग तुमरी दाबतौं मै आकै बेसरमौ के हाँई खावै-पीवै हैं और तुमरे ताँई जे लुके भए खतरा हैं और जे ऐंसे भेड़ चुंगानै बारे हैं जो अपनेई बारे मै सोचै हैं, बे बिना बरसे बादर के हाँई हैं, जिनकै बियार उड़ा ले जावै है, बे पतझड़ बारे बिना फल के पेड़ हैं, जो दो बार मर चुके हैं और जड़ सै उखड़ गए हैं।

2 पतरस 2:22

उनके ताँई जे कहाबत सई हैं कै, “कुत्‍ता अपनी उल्‍टी कै फिर चाटै है” और “नभाई भई सुअरनी बापस कींच मै जावै है।”

2 पतरस 2:20

अगर बे हमरे परभु और मुक्‍ति दैनै बारे ईसु मसी कै जानकै दुनिया की बुरी बातौं सै बच गए हैं; और बे फिर पाप मै फसकै हार जावै हैं, तौ उनकी अबी की जिन्‍दगी पैले सै बी बुरी हो गई है।

इबरानिओ 10:39

हम पिच्‍छे हटनै बारे ना हैं कै नास हो जांऐ, पर हम बिसवास कन्‍नै बारे हैं कै जान बचाऐ।

इफिसिऔ 3:17

और बिसवास के दुआरा तुमरे दिल मै मसी बसै और तुमरी जड़ और नीह पियार मै टिकी हौं।

याकूब 2:26

जैसे बिना आत्‍मा के सरीर मरो भओ है, बैसेई करम के बिना बिसवास बी मरो भओ है।

1 तीमुथियुस 1:19

ईसु मसी के बिसवास मै अग्गे बढ़ और अपने भीतर के मन कै साप रख। कैसेकै कुछ लोग अपने भीतर के मन मै धियान ना देवै हैं, और अपने बिसवास कै खो कै नास कर देवै हैं।

1 थिसलुनीकियौ 3:5

इसताँई जब मैंसै रैहओ ना गओ तौ तुमरे बिसवास को हालचाल जान्‍नै के ताँई मैंनै तीमुथियुस कै भेजो। कैसेकै मैंकै जा बात को डर हो कै कहीं सैतान तुमकै अपने लालच मै फसा ना लै और हमरी मैहनत बेकार चली जाय।

कुलुसिऔं 2:7

और बाई मै तुम गैहराई सै जड़ पकड़ौ और बढ़ते जाऔ और जैसो तुमकै सिकाओ है बैसेई बिसवास मै मजबूत होते जाऔ, और परमेसर को जादा सै जादा धन्‍नबाद करते रौह।

गलातिऔ 3:4

का तुमनै इत्‍ते दुख बेकार मैई उठाए? का बे सच्‍ची मैई बेकार हे?

गलातिऔ 3:1

ओ गलातिया मुलक के मूरख लोगौ तुमरे ऊपर किसनै जादू कर दओ है? तुमकै तौ जौ बात अच्‍छे तरीका सै समजाई ही कै ईसु मसी कै कैसे कुरूस मै चढ़ाओ हो।

1 कुरन्‍थियों 15:2

अगर तुम बा अच्‍छी खबर कै पूरे बिसवास के संग थामे रैहओगे तौ जो अच्‍छी खबर मैंनै सुनाई ही बाई सै तुमकै मुक्‍ति मिलैगी, ना तौ तुमरो बिसवास कन्‍नो बेकार है।

यहून्‍ना 15:6

अगर कोई मैं मै ना बनो रैहबै है, तौ बौ बा डुग्गी के हाँई फैंक दओ जावै है, जो सूक जावै है, और आदमी बाकै इखट्‍टो करकै आग मै जोर देवै हैं और बे जर जावै हैं।

यहून्‍ना 15:2

हर डुग्गी जो मैं मैई है और ना फलै है, बाकै बौ काट देवै है, और हर डुग्गी जो फलै है बाकै बौ छाँटै है कै बौ और फलै।

कुलुसिऔं 1:23

जौ जबई हो सकै है जब तुम बिसवास मै पक्‍के और मजबूत रौह और जो अच्‍छी खबर तुमनै सुनी है बाकी आस ना छोड़ौ, जिसको परचार सिगरी दुनिया मै करो गओ और जिसको मैं पौलुस सेवक बी हौं।

1 कुरन्‍थियों 13:2

मैंकै अगर परमेसर की ओर सै बोलनै को बरदान मिलो है, और मैं परमेसर की सिगरी भेद की बातौं और गियान की बातौं कै समजौ हौं, और मैंकै जौ बिसवास है कै पहाड़ कै एक जघै सै दूसरी जघै मै खिस्का सकौं। पर मेरे दिल मै पियार ना है, तौ मैं कुछ बी ना हौं।

मरकुस 6:20

कैसेकै हेरोदेस राजा यहून्‍ना कै धरमी और पबित्‍तर आदमी जानकै उस्सै डरै हो, और उसकै बचाऐ रक्‍खै हो, और उसको उपदेस सुनकै भौत घबराबै बी हो, फिर बी यहून्‍ना की बात सुन्‍नी हेरोदेस राजा कै अच्‍छी लगै हीं।

1 यहून्‍ना 2:19

बे मसी बिरोदी हमरे बीच मैई सै लिकरकै गए हैं, कैसेकै बे हमरे अपने ना हे, अगर बे हमरे अपने होते, तौ बे हमरेई संग रैहते। पर बे चले गए, जिस्सै जौ साप-साप पतो लगै है, कै उनमै सै कोई बी हमरो अपनो ना हो।

लूका 8:12

मैड़ मै गिरे भए बीज बे लोग हैं, जो बचन सुनै हैं, तब सैतान आकै उनके मनौ मै सै बचन लिकार ले जावै है कै कहीं ऐंसो ना हो कै बे बिसवास करैं और मुक्‍ति पाँऐ।

लूका 8:14

“कटीली झाँड़िऔं मै गिरे भए बे लोग हैं, जो बचन सुनै हैं, पर अग्गे चलकै बे चिन्‍ता और धन और जिन्‍दगी के सुख विलास मै फसकै दब जावै हैं और पकनै के ताँई कोई अच्‍छे फल ना लाबैं हैं।