लूका 7:19 - बुक्सा

¹⁹ तब यहून्‍ना नै अपने चेलौ मै सै दो कै बुलाकै परभु के धौंरे जौ पूँछनै के ताँई भेजो, कै “का आनै बारो मसी तूई है, या हम किसी और दूसरे को पैंड़ो देखैं?”

लूका 7:19 Referans Kwoze

यहून्‍ना 4:25

बईयर नै ईसु सै कैई, “मैं जानौ हौं कै मसी जो खिरीस्ट कैलाबै है आनै बारो है, जब बौ आगो तौ हमकै सब कुछ बता देगो।”

लूका 10:1

इन घटना के बाद परभु नै अगल सै बहत्‍तर चेला चुने और जिस जिस सैहर और गाम मै ईसु कै खुद जानो हो, बहाँ दो-दो करकै बे अपने अग्गे भेजे।

परकासन 11:3

मैं अपने दो गभाऔ कै जौ अधकार दंगो कै बे बोरी सै बनाए भए लत्‍ता कै ओढ़े भए एक हजार दो सौ साठ दिनौ तक भबिसबानी करैं।”

मरकुस 6:7

फिर ईसु नै बारैह खास चेलौ कै अपने धौंरे बुलाओ और उनकै दो-दो करकै भेजल लगो, और उनकै दुसट आत्‍माऔ के ऊपर अधकार दए।

लूका 7:13

बाकी अईया कै देखकै परभु कै बड़ो तरस आओ, और उसनै कैई, “मत रो।”

लूका 7:20

उनौनै उसके धौंरे आकै कैई, “यहून्‍ना जल संस्कार दैनै बारे नै हम तेरे धौंरे जौ पूँछनै भेजे हैं, कै जो आनै बारो हो, बौ तूई है, या हम किसी और दूसरे को पैंड़ो देखैं?”

लूका 11:1

अब ऐंसो भओ कै ईसु किसी जघै पिराथना कर रओ हो और जब बौ पिराथना कर चुको तौ, बाके चेलौ मै सै एक नै कैई, “हे परभु, जैसे यहून्‍ना जल संस्कार दैनै बारे नै अपने चेलौ कै पिराथना कन्‍नी सिकाई है, बैसेई तू बी हमकै सिका।”

लूका 11:39

इस बात मै परभु नै उनसै कैई, “अब देखौ तुम फरीसी थरिया और बिलिआ कै बस बाहार सै तौ माँजौ हौ पर भीतर सै तुम लोग लालच और दुसटता सै भरे पड़े हौ।

लूका 12:42

परभु ईसु नै कैई, “बौ ईमानदार और अकलमंद भन्डारी कौन है? जिसको मालिक उसकै नौकरौ-चाकरौं के ऊपर अधकारी बनाऐ जिस्सै बौ सई टैम मै उनकै खानै के ताँई रासन पानी दे।

लूका 13:15

जौ सुनकै परभु जबाब देते भए बोलो, “हे कपटिऔ, का आराम कन्‍नै बारे दिन तुम मै सै हर एक आदमी बैल या गधा कै खूँटा सै खोलकै पानी पिबानै ना ले जावै है?

लूका 17:5

तब भेजे भए चेलौ नै परभु ईसु सै कैई, “परमेसर के ऊपर हमरो बिसवास बढ़ानै के ताँई हमरी मदत कर।”

लूका 17:6

परभु ईसु नै कैई, “अगर तुमकै राई के दाने के बराबर बी बिसवास होतो, तौ तुम इस सैंतूत के पेड़ सै कैते कै जड़ सै उखड़ कै समन्‍दर मै लग जा, तौ बौ तुमरी मान लेतो।

लूका 18:6

परभु ईसु नै कैई, “सुनौ, कै बौ अधरमी जज का कैबै है?

लूका 19:8

पर जक्‍कई खड़ो भओ और ईसु सै बोलो, “हे परभु ईसु, देख, मैं अपनी सैरी धन-दौलत को आधो हिस्सा गरीबौ कै दे दंगो और अगर मैंनै किसी को छल सै कुछ बी लओ है तौ उसकै चार गुना करकै लौहटा दंगो।”

लूका 22:61

तब परभु ईसु नै मुड़कै पतरस की ओर देखो, तौ पतरस कै परभु ईसु की बौ बात याद आई जो उसनै कैई ही कै, “आज मुरगा कै बाँक दैनै सै पैले, तू तीन दफै मैंकै पैचान्‍नै सै इनकार करैगो।”

लूका 24:34

बे जौ कैरए हे, “परभु सचमुच जी उठो है, और समौन कै दिखाई दओ है।”

यहून्‍ना 4:1

जब ईसु कै पतो लगो कै फरीसिऔं नै सुनो है कै ईसु यहून्‍ना सै जादा चेला बनाबै है और उनकै जल संस्कार देवै है।

यहून्‍ना 6:23

तबई तिबिरियास झील के धौंरे कुछ छोटी किसती बा जघै के धौंरे आँई, जहाँ परभु ईसु की धन्‍नबाद की पिराथना के बाद आदमिऔ नै रोटी खाई ही।

यहून्‍ना 11:2

मरियम बौई बईयर ही जिसनै परभु ईसु के ऊपर मैहंगो ईत्‍तर डारो हो और अपने खोपड़ी के बारौ सै बाके पाँऐऔं कै पछौनो हो, बाई को भईया लाजर बेमार हो।