इसताँई बाकै सिगरी बातौं मै अपने भईयौ और बहनौ के हाँई बननो जरूरी हो। जिस्सै बौ बिसवासजोग और दया कन्नै बारो बड़ो पुजारी बनकै परमेसर की सेवा करै। और बानै खुद कै बलि के रूप मै दे दओ जिस्सै कै लोगौ के पापौं सै उनकै माफी दिब्बा सकै।
ईसु नै बासै कैई, “हे नारी, तू काए रो रई है? तू किसकै ढूंड़ रई है?” बाकै माली समजकै बानै बासै कैई, “साब, अगर तुम बाकै कहीं उठा ले गए हौ तौ मैंकै बताऔ कै तुमनै बौ कहाँ रक्खो है, और मैं बाकै ले जांगो।”
और रोनै बारे ऐंसे रैंह, मानौ रोतेई ना हौं, और खुसी मनानै बारे ऐंसे रैंह, मानौ खुसी ना मना रैंह हौं और मोल लैनै बारे ऐंसे हौं, कै मानौ उनके धौंरे कुछ बी ना हो।
तब परभु ईसु नै मुड़कै पतरस की ओर देखो, तौ पतरस कै परभु ईसु की बौ बात याद आई जो उसनै कैई ही कै, “आज मुरगा कै बाँक दैनै सै पैले, तू तीन दफै मैंकै पैचान्नै सै इनकार करैगो।”
और जैसेई बौ सैहर के फाटक के धौंरे पौंचो तौ लोग एक मुरदे कै बाहार लेकै जा रए हे, जो अपनी राँड़ अईया को इकलौतो लौंड़ा हो, और सैहर के भौत से लोग उसके संग हे।
अब ऐंसो भओ कै ईसु किसी जघै पिराथना कर रओ हो और जब बौ पिराथना कर चुको तौ, बाके चेलौ मै सै एक नै कैई, “हे परभु, जैसे यहून्ना जल संस्कार दैनै बारे नै अपने चेलौ कै पिराथना कन्नी सिकाई है, बैसेई तू बी हमकै सिका।”
पर जक्कई खड़ो भओ और ईसु सै बोलो, “हे परभु ईसु, देख, मैं अपनी सैरी धन-दौलत को आधो हिस्सा गरीबौ कै दे दंगो और अगर मैंनै किसी को छल सै कुछ बी लओ है तौ उसकै चार गुना करकै लौहटा दंगो।”
