लूका 6:12 - बुक्सा

¹² उनई दिनौ ऐंसो भओ, ईसु पिराथना कन्‍नै के ताँई एक पहाड़ मै गओ और सैरी रात परमेसर सै पिराथना करते भए बिता दई।

लूका 6:12 Referans Kwoze

इबरानिओ 5:7

जब ईसु सरीर मै जिन्‍दो हो तौ बानै चिल्‍ला-चिल्‍लाकै और रो रो कै परमेसर सै बिनती करी, जो बाकै मौत सै बचा सकै हो और ईसु की भक्‍ति की बजै सै बाकी पिराथना सुनी गई।

मरकुस 6:46

ईसु लोगौ कै बिदा करकै पहाड़ मै पिराथना कन्‍नै चलो गओ।

मरकुस 1:35

दूसरे दिन ईसु तड़केई उठकै बाहार लिकरकै किसी एकान्‍त जघै मै जाकै पिराथना करल लगो।

कुलुसिऔं 4:2

तुम लोग पिराथना मै चौकस होकै लगे रौह, और परमेसर को धन्‍नबाद करते रौह।

मत्‍ती 6:6

पर जब तुम पिराथना करौ तौ, अपने कमरा मै जाकै किबाड़ बन्‍द कर लो और एकान्‍त मै अपने अब्बा सै पिराथना करौ। तुमरो अब्बा जो एकान्‍त मै बी देखै है तुमकै ईनाम देगो।

मत्‍ती 5:1

ईसु नै जब बड़ी भीड़ देखी, तौ बौ पहाड़ के ऊपर चढ़ गओ, और जब बैठ गओ तौ उसके चेला उसके धौंरे आए।

मरकुस 3:13

उसके बाद फिर ईसु एक पहाड़ मै चलो गओ और जिनकै बौ चाँहै हो, बे अपने धौंरे बुलाए और बे बाके धौंरे आए।

लूका 5:16

पर बौ एकान्‍त जघै मै अगल जाकै पिराथना करे करै हो।

लूका 6:11

पर बे इस बात सै आग बबूला होकै आपस मै बिचार करल लगे कै ईसु के संग का करो जाय?

लूका 6:17

फिर ईसु उनके संग पहाड़ सै नीचे उतरकै बराबर जमीन मै खड़ो भओ। बहीं बाके चेलौ की बी बड़ी भीड़ ही। और सैरे यहूदिया और ऐरूसलेम और सूर और सैदा के समन्‍दर के किनारे के सैहरौं सै भौस्से लोग, बहाँ हे, जो बाकी बात सुन्‍नै और बेमारिऔ सै ठीक होनै के ताँई उसके धौंरे आए हे,

लूका 9:18

जब बौ इकले मै पिराथना कर रओ हो, तब चेला बाके धौंरे आए, तौ बानै उनसै पूँछी, “कै लोग मैंकै का कैबै हैं?”

लूका 9:28

इन बातौं के करिबन आठ दिनौ बाद बौ पतरस और यहून्‍ना और याकूब कै संग लेकै पिराथना कन्‍नै के ताँई पहाड़ मै गओ।

लूका 9:29

जब बौ पिराथना करई रओ हो, तौ बाके मौह को रूप बदल गओ और बाके लत्‍ता सपेद होकै जगमगाल लगे।

यहून्‍ना 6:3

ईसु पहाड़ मै चढ़कै अपने चेलौ के धौंरे बैठ गओ।