लूका 3:8 - बुक्सा

⁸ और अब ऐंसे काम करौ जिस्सै पतो चलै कै सचमुच तुमनै पाप कन्‍ने छोड़ दए हैं, और जौ बी ना सोचौ कै इब्राहिम हमरो अब्बा है; कैसेकै मैं तुमकै कैरओ हौं परमेसर इन पत्‍थरौं सै बी इब्राहिम के ताँई औलाद पैदा कर सकै है।

लूका 3:8 Referans Kwoze

चेलौ के काम 26:20

और पैले दमिसक मै फिर ऐरूसलेम और फिर यहूदिया मुलक के लोगौ कै और गैर यहूदी लोगौ कै समजातो रैहओ कै अपने गलत कामौ सै मन फिराऔ और परमेसर की ओर मुड़ौ और ऐंसे काम करौ जिस्सै जौ पतो लगै कै हमरो मन बदल गओ है।

मत्‍ती 21:43

“इसताँई मैं तुमसै कैरओ हौं परमेसर को राज तुमसै छीन लओ जागो और बौ उन लोगौ कै दे दओ जागो जो बाके अनुसार फल लांगे।

फिलिप्‍पीऔ 1:11

और परमेसर की बड़ाई और तारीफ के ताँई तुम बा धारमिकता के फल सै भरपूर होते जाँय जो ईसु मसी के दुआरा मिलै है।

रोमियो 9:7

और इब्राहिम के बंस मै जलम लैनै सैई सबई उसकी सच्‍ची औलाद ना हो जावै हैं। कैसेकै परमेसर नै बोलो है कै, “तेरो बंस इसहाक सैई अग्गे बढ़ैगो।”

रोमियो 4:16

इसताँई सई बात जौ है कै बादो बिसवास को फल है जो किरपा के हिसाब सै है। ताकि इब्राहिम के सिगरे टब्बर के ताँई पक्‍को हो, ना सिरप नियम कै माननै बारौ के ताँई पर उन सबई ताँई बी जो इब्राहिम के जैसो बिसवास रक्‍खै हैं, कैसेकै बौ हम सबको अब्बा है।

लूका 19:40

ईसु नै उनकै जबाब दओ, “मैं तुमसै कैरओ हौं, अगर जे चुप रैहए, तौ जे पत्‍थर चिल्‍ला पड़ंगे।”

यहून्‍ना 8:33

उनौनै ईसु कै जबाब देओ, “हम इब्राहिम के बंस के हैं और अब तक किसी के गुलाम ना भए, तौ फिर तू कैसे कैबै है, कै तुम आजाद हो जाऔगे?”

यहून्‍ना 8:39

उनौनै जबाब देते भए ईसु सै कैई, “हमरो. अब्बा तौ इब्राहिम है।” ईसु नै उनसै कैई, “अगर तुम इब्राहिम की औलाद होते तौ इब्राहिम के जैसे काम करते।

मत्‍ती 3:8

और मन फिरानै के लायक फल लाऔ।

मत्‍ती 3:9

और अपने अपने मन मै जौ ना सोचौ, कै हमरो अब्बा इब्राहिम है, कैसेकै मैं तुमसै कैरओ हौं, कै परमेसर इन पत्‍थरौं सै बी इब्राहिम के ताँई औलाद पैदा कर सकै है।

लूका 5:21

तब यहूदी सास्तरी और फरीसी आपस मै सोचल लगे, कै “जौ कौन है, जो परमेसर की बुराई करै है? परमेसर के अलाबा कौन पापौं कै माफ कर सकै है?”

लूका 13:25

जब घर के मालिक नै उठकै मौहड़ो बंद कर दओ है, और तुम बाहार खड़े होकै किबाड़ खटखटाकै कैललगौ, ‘हे परभु, हमरे ताँई किबाड़ खोल दे, और बौ जबाब दे, मैं तुमकै ना जानौ हौं, तुम कहाँ के हौ?

लूका 13:26

तब तुम कैललगौगे, कै हमनै तेरे संग खाओ पिओ, और तैनै हमरी गलिऔं मै हमकै उपदेस दओ।

लूका 14:9

फिर तुम दौनौ कै बुलानै बारो तुमरे धौंरे आकै तुमसै कैगो, ‘अपनी जौ जघै इस आदमी कै दे, दे।’ और फिर सरम के मारे तेकै सबसै नीची बारी जघै मै बैठनो पड़ैगो।

लूका 19:9

ईसु नै उस्सै कैई, “आज इस घर को छुटकारो भओ है, इसताँई कै जौ आदमी बी इब्राहिम को एक लौंड़ा है।