लूका 3:7 - बुक्सा

⁷ जो भीड़ की भीड़ उस्सै जल संस्कार लैनै चली आ रई ही, यहून्‍ना उनसै कैबै हो, “ओ साँप की औलादौं, तुमकै किसनै जता दओ, कै आनै बारे डन्ड सै बचौ।

लूका 3:7 Referans Kwoze

मत्‍ती 23:33

“अरे साँपौ और साँपौ की औलादौं! तुम लोग नरक की सजा सै कैसे बचौगे?

1 थिसलुनीकियौ 1:10

और बे कैबै हैं कै तुम बाके लौंड़ा को सुरग सै आनै को पैंड़ो देखौ हौ, जिसकै परमेसर नै मरे भएऔं मै सै जिन्‍दो करो यानी ईसु, जो हमकै परमेसर की आनै बारी घुस्सा सै बचागो।

मत्‍ती 12:34

हे साँप की औलादौं तुम बुरे होकै कैसे अच्‍छी बात कैह सकौ हौ? कैसेकै जो मन मै भरो है, बौई मौह सै बाहार आवै है।

1 यहून्‍ना 3:8

जो पाप करतोई रैहबै है, बौ दुसट की ओर सै है, कैसेकै दुसट सुरू सैई पाप करतो आओ है। पर परमेसर को लौंड़ा इसताँई आओ है, कै दुसट के कामौ कै नास करै।

इबरानिओ 6:18

तबई जे दो बात हैं, एक बाकी कसम और दूसरो बाको बादो है, जो कबी ना बदलै है, और परमेसर झूँट ना बोल सकै है। इसताँई अगर हम परमेसर के धौंरे भाजकै बाकी सरन मै आवै हैं; और जो आस हमकै बानै देर खाई है, बाकै मजबूताई सै पकड़नै के ताँई हिम्मत मिलै।

चेलौ के काम 13:10

“ओ धोको, कपट कन्‍नै बारे सैतान की औलाद, तू सिगरे अच्‍छे काम को दुसमन है। का तू परभु के सच्‍चाई के कामौ कै बिगाड़नो ना छौड़ैगो?

यहून्‍ना 8:44

तुम अपने अब्बा सैतान की औलाद हौ। और तुम अपने अब्बा की इच्‍छा मै चलनो चाँहौ हौ। बौ सुरू सैई हत्‍तियारो हो। और बौ सच्‍चाई मै कबी कायम ना रैहबै है। कैसेकै बामै सच्‍चाई हैई ना। जब बौ झूँट बोलै है तौ अपने सौभाब सै बोलै है, कैसेकै बौ झूँटो है और झूँट को अब्बा है।

मत्‍ती 3:6

और अपने अपने पापौं कै मानकै यरदन नद्‍दी मै बासै जल संस्कार लओ।